ಪಾಸ್‌ವರ್ಡ್‌ ಮರೆತಿದ್ರೇ, ಟೆನ್ಷನ್‌ ಬೇಡಾ!...ಹೀಗೆ ಮಾಡಿ ಪಾಸ್‌ವರ್ಡ್‌ ಸಿಗುತ್ತೆ!

ಪ್ರಸ್ತುತ ಡಿಜಿಟಲ್ ಸೇವೆ ಹೆಚ್ಚು ಮುನ್ನಲೆಯಲ್ಲಿ ಇದ್ದು, ಎಲ್ಲ ಸೇವೆಗಳಿಗೂ ಪಾಸ್‌ವರ್ಡ್‌ಗಳು ಪ್ರಮುಖ ಕೀಲಿ ಕೈ ಎನಿಸಿಕೊಂಡಿವೆ. ಪಿಸಿ ಅಥವಾ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ ಮೂಲಕ ನೀವು ಎಲ್ಲಿಯೇ ಕೆಲಸ ಮಾಡುತ್ತಿದ್ದರೂ, ಆನ್‌ಲೈನ್‌ ಸೇವೆಗಳ ಲಾಗ್‌ ಇನ್ ಆಗಲು ಯುಸರ್ ಐಡಿ ಮತ್ತು ಪಾಸ್‌ವರ್ಡ್‌ ನಮೂದಿಸುವುದು ಅವಶ್ಯ. ಆದರೆ ಎಲ್ಲಾ ಪಾಸ್‌ವರ್ಡ್‌ಗಳನ್ನು ನೆನಪಿಟ್ಟುಕೊಳ್ಳುವುದು ಕಷ್ಟ. ಆದರೆ ಪಾಸ್‌ವರ್ಡ್‌ ಮರೆತರೂ ಚಿಂತಿಸಬೇಕಿಲ್ಲ.

ಹೌದು, ಬಳಕೆದಾರರು ಗೂಗಲ್‌ನಲ್ಲಿ ಆನ್‌ಲೈನ್‌ ಸೇವೆಗಳ ಪಾಸ್‌ವರ್ಡ್‌ಗಳನ್ನು ಸೇವ್ ಮಾಡಬಹುದಾಗಿದೆ. ಪಾಸ್‌ವರ್ಡ್‌ ಸೇವ ಮಾಡಿದ್ದರೇ, ಅಗತ್ಯ ಸೇವೆಗಳಿಗೆ ಆಟೋಮ್ಯಾಟಿಕ್ ಆಗಿ ಲಾಗ್‌ ಇನ್ ಆಗುವುದಕ್ಕೆ ನೆರವಾಗುತ್ತದೆ. ಅದಕ್ಕೆ ನಿಮ್ಮ ವಿವರಗಳನ್ನು ನಮೂದಿಸಿ ಮತ್ತು ನಿಮ್ಮ ಪಾಸ್‌ವರ್ಡ್‌ಗಳನ್ನು ಬ್ರೌಸರ್‌ಗಳಲ್ಲಿ ಅನುಕೂಲಕ್ಕಾಗಿ ಸೇವ ಮಾಡಿ.

ಈ ಕ್ರಮದಿಂದ ಬಳಕೆದಾರರು ಪ್ಲಾಟ್‌ಫಾರ್ಮ್‌ಗೆ ಭೇಟಿ ನೀಡಿದಾಗಲೆಲ್ಲಾ ಪಾಸ್‌ವರ್ಡ್‌ ವಿವರಗಳನ್ನು ನೆನಪಿಟ್ಟುಕೊಳ್ಳಬೇಕಾಗಿಲ್ಲ. ಅದು ಸೈನ್-ಇನ್ ಕ್ಷೇತ್ರವನ್ನು ಸ್ವಯಂಚಾಲಿತವಾಗಿ ಪೂರ್ಣಗೊಳಿಸುತ್ತದೆ. ಆದರೆ ನೀವು ಒಮ್ಮೆ ಪ್ರವೇಶಿಸಿದ ಪ್ಲಾಟ್‌ಫಾರ್ಮ್‌ನಲ್ಲಿ ಪಾಸ್‌ವರ್ಡ್‌ಗಳನ್ನು ಇನ್‌ಪುಟ್ ಮಾಡಲು ನಿಮಗೆ ಸಾಧ್ಯವಾದರೆ, ನೀವು ಏನು ಮಾಡುತ್ತೀರಿ?

ಅಂತಹ ಸಂದರ್ಭಗಳಲ್ಲಿ, ನೀವು ಗೂಗಲ್‌ ಕ್ರೋಮ್‌ ನಲ್ಲಿ ಸೇವ್ ಮಾಡಿದ ಪಾಸ್‌ವರ್ಡ್‌ಗಳನ್ನು ನೋಡಬಹುದು. ಹಾಗಾದರೇ ಗೂಗಲ್‌ ಕ್ರೋಮ್‌ ನಲ್ಲಿ ಸೇವ್ ಮಾಡಿದ ಪಾಸ್‌ವರ್ಡ್‌ಗಳನ್ನು ತಿಳಿಯುವುದು ಹೇಗೆ ಎಂಬುದರ ಹಂತಗಳನ್ನು ಮುಂದೆ ತಿಳಿಯೋಣ ಬನ್ನಿರಿ.

ಗೂಗಲ್‌ ಕ್ರೋಮ್‌ನಲ್ಲಿ ಸೇವ್ ಆಗಿರುವ ಪಾಸ್‌ವರ್ಡ್‌ಗಳನ್ನು ನೋಡಲು ಈ ಹಂತಗಳನ್ನು ಅನುಸರಿಸಿ:

ಹಂತ 1: ಮೊದಲಿಗೆ ನಿಮ್ಮ ಡೆಸ್ಕ್‌ಟಾಪ್‌ನಿಂದ ನಿಮ್ಮ ಗೂಗಲ್‌ ಕ್ರೋಮ್‌ ಅನ್ನು ತೆರೆಯಿರಿ

ಹಂತ 2: ಕ್ರೋಮ್‌ನ ಹೋಮ್ ಸ್ಕ್ರೀನ್ ಪುಟವನ್ನು ಪ್ರದರ್ಶಿಸಲಾಗುತ್ತದೆ. ಮೆನು ಬಟನ್ ಕ್ಲಿಕ್ ಮಾಡಿ (ಈ ಮೆನು ಬಟನ್ ಅನ್ನು ಮೂರು ಲಂಬ ಚುಕ್ಕೆಗಳಾಗಿ ಗುರುತಿಸಬಹುದು, ಇದು ಕ್ರೋಮ್ ಪರದೆಯ ಬಲ ಭಾಗದಲ್ಲಿ ಕಂಡುಬರುತ್ತದೆ).

ಹಂತ 3: ಮೆನು ಬಟನ್ ಕ್ಲಿಕ್ ಮಾಡಿ, ದೀರ್ಘ ಸಂವಾದ ಪೆಟ್ಟಿಗೆ ತೆರೆಯುತ್ತದೆ ಮತ್ತು ನಂತರ 'ಸೆಟ್ಟಿಂಗ್‌ಗಳು' ಕ್ಲಿಕ್ ಮಾಡಿ.

ಹಂತ 4: ಸೆಟ್ಟಿಂಗ್‌ಗಳಲ್ಲಿ 'ಪಾಸ್‌ವರ್ಡ್‌ಗಳನ್ನು ಸರ್ಚ್‌ ಮತ್ತು ಕ್ಲಿಕ್ ಮಾಡಿ.' ಹೊಸ ಪುಟ ಕಾಣಿಸಿಕೊಳ್ಳುತ್ತದೆ ಅದು ನೀವು ಕ್ರೋಮ್‌ನಲ್ಲಿ ಸೇವ ಮಾಡಲಾದ ಎಲ್ಲಾ ಪಾಸ್‌ವರ್ಡ್‌ಗಳನ್ನು ತೋರಿಸುತ್ತದೆ.

ಹಂತ 5: ಈಗ, ನಿಮ್ಮ ಮೊದಲ ಸೈನ್ ಇನ್‌ನಿಂದ ನಿಮ್ಮ ಕೊನೆಯವರೆಗೆ ನಿಮ್ಮ ಗೂಗಲ್ ಕ್ರೋಮ್‌ನಲ್ಲಿ ಸೇವ ಮಾಡಲಾದ ಎಲ್ಲಾ ಪಾಸ್‌ವರ್ಡ್‌ಗಳನ್ನು ನೀವು ನೋಡಲು ಸಾಧ್ಯವಾಗುತ್ತದೆ.

ಕೊನೆಗೆ, ನಿಮ್ಮ ಬಳಕೆದಾರ ಹೆಸರಿನ ನಂತರ ಕಣ್ಣಿನಂತಹ ಐಕಾನ್ ಕ್ಲಿಕ್ ಮಾಡಿ ಮತ್ತು ಅಂತಿಮವಾಗಿ ನಿಮ್ಮ ಸೇವ ಪಾಸ್‌ವರ್ಡ್ ಅನ್ನು ವೀಕ್ಷಿಸಿ. (ಗೌಪ್ಯತೆ ಉದ್ದೇಶಗಳಿಗಾಗಿ ನಿಮ್ಮ ಪಾಸ್‌ವರ್ಡ್‌ಗಳು ಯಾವಾಗಲೂ ಆ ಗುಪ್ತ ಸ್ಥಿತಿಯಲ್ಲಿರುತ್ತವೆ. ಆದ್ದರಿಂದ ಅದನ್ನು ವೀಕ್ಷಿಸಲು ನೀವು ಐಕಾನ್ ಕ್ಲಿಕ್ ಮಾಡಿ ಮತ್ತು ಹಿಡಿದುಕೊಳ್ಳಬೇಕು).

ಗೂಗಲ್‌ ಮ್ಯಾಪ್‌ನಲ್ಲಿ ಸರ್ಚ್‌ ಹಿಸ್ಟರಿಯನ್ನು ಡಿಲೀಟ್‌ ಮಾಡುವುದು ಹೇಗೆ?
ಹಂತ:1 ಮೊದಲಿಗೆ ನಿಮ್ಮ ಸ್ಮಾರ್ಟ್‌ಫೋನ್‌ನಲ್ಲಿ ಗೂಗಲ್‌ ಮ್ಯಾಪ್‌ ಅಪ್ಲಿಕೇಶನ್‌ ತೆರೆಯಿರಿ.
ಹಂತ:2 ನಂತರ ಮೇಲಿನ ಬಲ ಮೂಲೆಯಲ್ಲಿರುವ ನಿಮ್ಮ ಪ್ರೊಫೈಲ್ ಫೋಟೋದ ಮೇಲೆ ಟ್ಯಾಪ್ ಮಾಡಿ.
ಹಂತ:3 ಇದರಲ್ಲಿ, ಗೇರ್ ಅಥವಾ ಸೆಟ್ಟಿಂಗ್‌ಗಳ ಐಕಾನ್ ಮೇಲೆ ಟ್ಯಾಪ್ ಮಾಡಿ.
ಹಂತ:4 ನಂತರ ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು ಮ್ಯಾಪ್‌ ಹಿಸ್ಟರಿಯ ಮೇಲೆ ಟ್ಯಾಪ್ ಮಾಡಿ.
ಹಂತ:5 ಇದೀಗ ನೀವು ನಿಮ್ಮ ಗುರುತನ್ನು ದೃಢೀಕರಿಸಬೇಕಾಗಬಹುದು, ನಂತರ ನಿಮ್ಮ ಎಲ್ಲಾ ಸರ್ಚ್‌ ಹಿಸ್ಟರಿಯನ್ನು ಕಾಣಬಹುದು.
ಹಂತ:6 ನಂತರ, ಡಿಲೀಟ್‌ ಆಯ್ಕೆಯ ಮೇಲೆ ಟ್ಯಾಪ್‌ ಮಾಡಿ ಮತ್ತು ಟೈಮ್‌ಲೈನ್‌ ಆಯ್ಕೆ ಮಾಡಬೇಕಾಗುತ್ತದೆ