ವಾಟ್ಸಾಪ್‌ನಲ್ಲಿ ಬ್ಲೂ ಬಣ್ಣದ ಫಾಂಟ್‌ನಲ್ಲಿ ಮೆಸೆಜ್‌ ಕಳುಹಿಸುವುದು ಹೇಗೆ ಗೊತ್ತಾ!?

ಮೆಟಾ ಮಾಲೀಕತ್ವದ ಜನಪ್ರಿಯ ವಾಟ್ಸಾಪ್‌ ಮೆಸೆಜಿಂಗ್ ಆಪ್‌ ಹಲವು ಅನುಕೂಲಕರ ಆಯ್ಕೆಗಳಿಂದ ಗ್ರಾಹಕರಿಗೆ ನೆಚ್ಚಿನ ಅಪ್ಲಿಕೇಶನ್ ಎನಿಸಿದೆ. ಈಗಾಗಲೇ ಅಧಿಕ ಸಕ್ರಿಯ ಬಳಕೆದಾರರನ್ನು ಹೊಂದಿರುವ 'ವಾಟ್ಸಾಪ್‌' ಅಪ್ಲಿಕೇಶನ್ ಮತ್ತಷ್ಟು ಜನಪ್ರಿಯತೆ ನಿಟ್ಟಿನಲ್ಲಿ ಸಾಗುತ್ತಿದೆ. ಹಾಗೆಯೇ ವಾಟ್ಸಾಪ್‌ನಲ್ಲಿ ಕೆಲವು ಭಾರೀ ಕುತೂಹಲಕಾರಿ ಫೀಚರ್ಸ್‌ಗಳು ಇದ್ದು, ಅವು ಬಳಕೆದಾರರಿಗೆ ಅಚ್ಚರಿ ಮೂಡಿಸುವಂತಿವೆ.

ಹೌದು, ವಾಟ್ಸಾಪ್‌ ಅಪ್ಲಿಕೇಶನ್ ನಲ್ಲಿ ಹಲವು ಉಪಯುಕ್ತ ಆಯ್ಕೆಗಳು ಸಹ ಇದ್ದು, ಅವುಗಳಲ್ಲಿ ಕೆಲವು ಆಯ್ಕೆಗಳು ಭಿನ್ನವಾಗಿವೆ. ಬಳಕೆದಾರರಿಗೆ ಚಾಟ್‌ ಮಾಡುವಾಗ ಕುತೂಹಲ ಮೂಡಿಸಿವಂತಿವೆ. ಆದರೆ ಈ ಬಗ್ಗೆ ಬಹುತೇಕ ಬಳಕೆದಾರರಿಗೆ ಹೆಚ್ಚಾಗಿ ತಿಳಿದಿಲ್ಲ. ನೀಲಿ/ ಬ್ಲೂ ಬಣ್ಣದ ಅಕ್ಷರದಲ್ಲಿ ಚಾಟ್ ಕಳುಹಿಸಬಹುದು ಹಾಗೂ ಫ್ಯಾನ್ಸಿ ಫಾಂಟ್‌ ಮಾದರಿಯಲ್ಲಿ ಚಾಟ್ ಮಾಡಬಹುದಾಗಿದೆ. ಈ ಬಗ್ಗೆ ಇನ್ನಷ್ಟು ಮಾಹಿತಿ ಮುಂದೆ ತಿಳಿಯೋಣ ಬನ್ನಿರಿ.

ಬ್ಲೂ ಬಣ್ಣ ಮತ್ತು ಫ್ಯಾನ್ಸಿ ಫಾಂಟ್‌ಗಳಲ್ಲಿ ಮೆಸೆಜ್‌ ಕಳುಹಿಸಲು ಹೀಗೆ ಮಾಡಿರಿ:

ಹಂತ 1: ಗೂಗಲ್‌ ಪ್ಲೇ ಸ್ಟೋರ್‌ಗೆ ಹೋಗಿ ಮತ್ತು 'ಸ್ಟೈಲಿಶ್ ಟೆಕ್ಸ್ಟ್ - ಫಾಂಟ್ಸ್ ಕೀಬೋರ್ಡ್' ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿ.

ಹಂತ 2: ಒಮ್ಮೆ ಡೌನ್‌ಲೋಡ್ ಮಾಡಿದ ಬಳಿಕ, ಅಪ್ಲಿಕೇಶನ್ ತೆರೆಯಿರಿ ಮತ್ತು ಸ್ಕ್ರೀನ್‌ ಕೆಳಗಿನ ಬಲ ಮೂಲೆಯಲ್ಲಿ ಇರಿಸಲಾಗಿರುವ ಬಾಣದ ಮೇಲೆ ಟ್ಯಾಪ್ ಮಾಡಿ.

ಹಂತ 3: ಸಮ್ಮತಿಸುವ ಬಟನ್ ಅನ್ನು ಟ್ಯಾಪ್ ಮಾಡಿ ಮತ್ತು ಕೆಳಗಿನ ಬಲ ಮೂಲೆಯಲ್ಲಿರುವ ಕೀಬೋರ್ಡ್ ವಿಭಾಗಕ್ಕೆ ಹೋಗಿ.

ಈ ಅಂಶ ಗಮನಿಸಿ: ಪ್ರವೇಶಿಸುವಿಕೆ ಅನುಮತಿಯನ್ನು ಕೇಳಿದರೂ ಅದನ್ನು ನೀಡಬೇಡಿ ಏಕೆಂದರೆ ಇದರರ್ಥ ಮೂಲಭೂತವಾಗಿ ಆಪ್‌ ನಿಮ್ಮ ಮೊಬೈಲ್‌ನ ಮೇಲೆ ಸಂಪೂರ್ಣ ನಿಯಂತ್ರಣವನ್ನು ಹೊಂದಿರುತ್ತದೆ. ಈ ಆಪ್‌ ಸರಿಯಾಗಿ ಕಾರ್ಯನಿರ್ವಹಿಸಲು ಪ್ರವೇಶಿಸುವಿಕೆ ಅನುಮತಿಯನ್ನು ನೀಡುವ ಅಗತ್ಯವಿಲ್ಲ. ಸಮ್ಮತಿಸುವ ಬಟನ್ ಅನ್ನು ಟ್ಯಾಪ್ ಮಾಡುವುದರಿಂದ ಅದು ಅನುಮತಿಯನ್ನು ನೀಡುವುದಿಲ್ಲ ಮತ್ತು ಆಪ್‌ನ ಮುಖ್ಯ ವಿಂಡೋಗೆ ಹೋಗುತ್ತೀರಿ.

ಹಂತ 4: 'ಕೀಬೋರ್ಡ್ ಸಕ್ರಿಯಗೊಳಿಸಿ' ಟ್ಯಾಪ್ ಮಾಡಿ ಮತ್ತು 'ಸ್ಟೈಲಿಶ್ ಟೆಕ್ಸ್ಟ್ ಕೀಬೋರ್ಡ್' ಆಯ್ಕೆಯನ್ನು ಆಕ್ಟಿವ್ ಮಾಡಿ.

ಹಂತ 5: ಸಕ್ರಿಯಗೊಳಿಸು ಬಟನ್ ಮೇಲೆ ಮತ್ತೊಮ್ಮೆ ಟ್ಯಾಪ್ ಮಾಡಿ.

ಹಂತ 6: ವಾಟ್ಸಾಪ್‌ ಗೆ ಹೋಗಿ > ಯಾವುದೇ ಚಾಟ್ ತೆರೆಯಿರಿ > ಸಾಮಾನ್ಯವಾಗಿ ಟೆಕ್ಸ್ಟ್‌ ಅನ್ನು ಟೈಪ್ ಮಾಡುವ ಮೆಸೆಜ್‌ ಬಾರ್ ಮೇಲೆ ಟ್ಯಾಪ್ ಮಾಡಿ.

ಹಂತ 7: ಕೀಬೋರ್ಡ್‌ನ ಕೆಳಭಾಗದಲ್ಲಿ, ಕೀಬೋರ್ಡ್ ಐಕಾನ್ ಅನ್ನು ಕಾಣುವಿರಿ. ಅದರ ಮೇಲೆ ಟ್ಯಾಪ್ ಮಾಡಿ ಮತ್ತು ಸ್ಟೈಲಿಶ್ ಟೆಕ್ಸ್ಟ್ ಕೀಬೋರ್ಡ್‌ಗೆ ಬದಲಿಸಿ. ಬಳಿಕ ಕೀಬೋರ್ಡ್‌ನ ಮೇಲ್ಭಾಗದಲ್ಲಿ ನೀವು ಸೊಗಸಾದ ಫಾಂಟ್‌ಗಳನ್ನು ನೋಡುತ್ತೀರಿ.

ಹಂತ 8: ನೀವು ಬ್ಲೂ ಬಣ್ಣದಲ್ಲಿ ಮೆಸೆಜ್‌ಗಳನ್ನು ಕಳುಹಿಸಲು ಬಯಸಿದರೆ, ನಂತರ ವಿವಿಧ ಫಾಂಟ್ ಶೈಲಿಗಳು ಗೋಚರಿಸುವ ಕೀ ಬೋರ್ಡ್‌ನಲ್ಲಿ ಎಡ ಸ್ಲೈಡ್ ಅನ್ನು ಟ್ಯಾಪ್ ಮಾಡಿ. ನಂತರ ನೀವು ಬ್ಲೂ ಫಾಂಟ್ ಅನ್ನು ನೋಡಬಹುದು. ಅದನ್ನು ಸಕ್ರಿಯಗೊಳಿಸಲು ಅದರ ಮೇಲೆ ಟ್ಯಾಪ್ ಮಾಡಿ ಮತ್ತು ಬ್ಲೂ ಬಣ್ಣದಲ್ಲಿ ಟೆಕ್ಟ್ಸ್ ಮೆಸೆಜ್‌ ಅನ್ನು ಕಳುಹಿಸಲು ಪ್ರಾರಂಭಿಸಿ.

ಗಮನಿಸಬೇಕಾದ ಅಂಶಗಳು : ಬ್ಲೂ ಕಲರ್ ಫಾಂಟ್‌ ಮಾಡುವುದು ಥರ್ಡ್-ಪಾರ್ಟಿ ಆಪ್‌ ಆಗಿದೆ. ಒಬ್ಬರು ಅದನ್ನು ತಮ್ಮ ಸ್ವಂತ ಜವಾಬ್ದಾರಿಯಲ್ಲಿ ಡೌನ್‌ಲೋಡ್ ಮಾಡಬೇಕು. ಆಪ್‌ ಇದೀಗ ಸಾಕಷ್ಟು ಸುರಕ್ಷಿತವಾಗಿದೆ ಏಕೆಂದರೆ ಅದು ಕಾರ್ಯನಿರ್ವಹಿಸಲು ಯಾವುದೇ ಅನುಮತಿಯನ್ನು ಕೇಳುವುದಿಲ್ಲ.