ವಾಟ್ಸಾಪ್ ಚಾಟ್ ಮರೆಮಾಡುವುದು ಹೇಗೆ?

By Shwetha

Published: Monday, August 8, 2016, 13:28 [IST]

ವಾಟ್ಸಾಪ್ ಇಂದಿನ ಕಾಲದಲ್ಲಿ ಪ್ರತಿಯೊಬ್ಬರೂ ಬಳಸುವ ಅಪ್ಲಿಕೇಶನ್ ಎಂದೇ ಪ್ರಸಿದ್ಧಗೊಂಡಿದೆ. ಆದರೆ ನಿಮ್ಮದೇ ಆದ ಗೌಪ್ಯತಾ ಅಂಶಗಳನ್ನು ನೀವು ಈ ಅಪ್ಲಿಕೇಶನ್‌ನಲ್ಲಿ ಅನುಸರಿಸುತ್ತಿದ್ದೀರಿ ಎಂದಾದಲ್ಲಿ ನಿಮ್ಮ ಗೌಪ್ಯ ವಾಟ್ಸಾಪ್ ಸಂದೇಶಗಳನ್ನು ಬೇರೆಯವರು ಓದಲು ನೀವು ಇಚ್ಛಿಸುವುದಿಲ್ಲ.

ಓದಿರಿ: ಆಂಡ್ರಾಯ್ಡ್ ಫೋನ್‌ನಿಂದ ವೈರಸ್ ನಿವಾರಣೆ ಹೇಗೆ?

ಮೋಸದ ಕಣ್ಣುಗಳಿಂದ ನಿಮ್ಮ ಚಾಟ್ ಅನ್ನು ಕಾಪಾಡಿಕೊಳ್ಳಲು ನೀವು ಕೆಲವೊಂದು ಸೂಚನೆಗಳನ್ನು ಪಾಲಿಸಬೇಕಾಗುತ್ತದೆ. ಅಪ್ಲಿಕೇಶನ್ ಅನ್ನು ಡಿಲೀಟ್ ಮಾಡದೆಯೇ ನಿಮ್ಮ ಸಂವಾದಗಳನ್ನು ಮರೆಮಾಡುವುದು ಹೇಗೆ ಎಂಬುದನ್ನೇ ಇಂದಿನ ಲೇಖನದಲ್ಲಿ ತಿಳಿದುಕೊಳ್ಳಲಿದ್ದೇವೆ.

ನೀವು ಹೈಡ್ ಮಾಡಲು ಬಯಸುವ ಚಾಟ್ ಆರಿಸಿ

ಮೆಸೆಂಜರ್‌ನಲ್ಲಿ ನೀವು ಯಾವ ಚಾಟ್ ಅನ್ನು ಹೈಡ್ (ಮರೆಮಾಡಲು) ಬಯಸುತ್ತೀರಿ ಎಂಬುದನ್ನು ಆರಿಸಿಕೊಳ್ಳಿ. ಸಂವಾದದ ಮೇಲೆ ದೀರ್ಘವಾಗಿ ಒತ್ತುವುದರ ಮೂಲಕ ಚಾಟ್ ಆಯ್ಕೆಮಾಡಿಕೊಳ್ಳಬಹುದಾಗಿದೆ.

ಸಂವಾದವನ್ನು ಆರ್ಕೈವ್ ಮಾಡಿ

ಸಂವಾದವನ್ನು ಒಮ್ಮೆ ನೀವು ಆಯ್ಕೆಮಾಡಿದ ನಂತರ, ಪರದೆಯ ಬಲ ಮೇಲ್ಭಾಗದಲ್ಲಿ ನೀವು ಮೂರು ಆಪ್ಶನ್ ಅನ್ನು ಪಡೆದುಕೊಳ್ಳುತ್ತೀರಿ.

ಆರ್ಕೈವ್ ಆಪ್ಶನ್

ಇದು ನಿಮ್ಮನ್ನು ಮೆನುವಿಗೆ ತೆಗೆದುಕೊಂಡು ಹೋಗುತ್ತದೆ, ಒಂದು ಸಂವಾದವನ್ನು ಮ್ಯೂಟ್ ಮಾಡಲು ಇನ್ನೊಂದು ಸಂವಾದವನ್ನು ಆರ್ಕೈವ್ ಮಾಡಲು. ಚಿತ್ರದಲ್ಲಿ ತೋರಿಸಿರುವಂತೆ ಆರ್ಕೈವ್ ಆಪ್ಶನ್ ಅನ್ನು ನೀವು ಕ್ಲಿಕ್ ಮಾಡಬೇಕಾಗುತ್ತದೆ.