ನಿಮ್ಮ ಸ್ಮಾರ್ಟ್‌ಫೋನ್ ಸುರಕ್ಷಿತವಾಗಿದೆಯೇ? ಸೆಕ್ಯೂರ್ ಮಾಡುವುದು ಹೇಗೆ?

ಆಂಡ್ರಾಯ್ಡ್ ಅಪ್ಲಿಕೇಶನ್‌ ಅಪ್‌ಡೇಟ್ ಮಾಡಿ!!

ನೀವು ಏನೇ ಮಾಡದಿದ್ದರೂ ಪರವಾಗಿಲ್ಲ ನಿಮ್ಮ ಆಂಡ್ರಾಯ್ಡ್ ಅಪ್ಲಿಕೇಶನ್‌ಗಳನ್ನು ಗೂಗಲ್ ಪ್ಲೇ ಸ್ಟೋರ್‌ನಿಂದ ನಿಯಮಿತವಾಗಿ ಅಪ್‌ಡೇಟ್ ಮಾಡಿಕೊಳ್ಳುತ್ತಿರಿ. ಆಂಡ್ರಾಯ್ಡ್ ಮೊಬೈಲ್‌ನಲ್ಲಿ ಅತ್ಯಂತ ಸುರಕ್ಷಿತ ಕ್ರಮಗನಳಲ್ಲಿ ಮೊದಲ ಕ್ರಮ ಆಪ್ ಅಪ್‌ಡೇಟ್ ಮಾಡುವುದು. ಇದರಿಂದ ನಿಮ್ಮ ಫೋನ್ ಹೆಚ್ಚು ಸುರಕ್ಷಿತವಾಗುತ್ತದೆ.!!

ಆಂಟಿವೈರಸ್ ಅಪ್ಲಿಕೇಶನ್

ಫೋನ್‌ನಲ್ಲಿ ಉತ್ತಮ ಆಂಟಿವೈರಸ್ ಅಪ್ಲಿಕೇಶನ್ ಇನ್‌ಸ್ಟಾಲ್ ಮಾಡುವುದು ಫೋನ್‌ ಸುರಕ್ಷತೆಗೆ ಅತ್ಯುತ್ತಮ ಕ್ರಮಗಳಲ್ಲಿ ಒಂದು ಎನ್ನಬಹುದು. ಉತ್ತಮ ಆಂಟಿವೈರಸ್ ಅಪ್ಲಿಕೇಶನ್ ಇದ್ದರೆ ಹ್ಯಾಕರ್‌ಗಳ ಚಟುವಟಿಗೆಗಳಿಗೆ ಕಡಿವಾಣ ಹಾಕುತ್ತದೆ.!!

ಸಾರ್ವಜನಿಕ ವೈಫೈ ಬಳಕೆ ಬೇಡ!!

ಸಾಮಾನ್ಯವಾಗಿ ಉಚಿತ ಇಂಟರ್‌ನೆಟ್‌ ಸಿಗುತ್ತಿದೆ ಎಂದರೆ ಎಲ್ಲರೂ ಉಪಯೋಗಿಸುವುದಕ್ಕೆ ನೋಡುತ್ತೇವೆ. ಆದರೆ, ಇವುಗಳಿಂದ ಆಗಬಹುದಾದ ತೊಂದರೆಯನ್ನು ಮರೆತುಬಿಡುತ್ತೇವೆ. ನೀವು ಸಾರ್ವಜನಿಕ ವೈಫೈಗೆ ಸಂಪರ್ಕಿಸಿದರೆ ನಿಮ್ಮ ಮನೆಯ ಕೀಲಿಯನ್ನು ಕಳ್ಳನ ಕೈಗೆ ಕೊಟ್ಟಂತಾಗುತ್ತದೆ ಹಾಗಾಗಿ, ಸಾರ್ವಜನಿಕ ವೈಫೈ ಬಳಕೆ ಬೇಡ!!

ಆಂಡ್ರಾಯ್ಡ್ ಡಿವೈಸ್ ಮ್ಯಾನೇಜರ್ ಇದೆಯಾ?

ನಿಮ್ಮ ಆಂಡ್ರಾಯ್ಡ್ ಫೋನ್‌ನಲ್ಲಿ ಆಂಡ್ರಾಯ್ಡ್ ಡಿವೈಸ್ ಮ್ಯಾನೇಜರ್ ಅನ್ನು ಸಕ್ರಿಯಗೊಳಿಸಿ. ಏಕೆಂದರೆ ಈ ಅಪ್ಲಿಕೇಶನ್ ಬಳಸಿ ನಿಮ್ಮ ಕಳೆದು ಹೋದ ಆಂಡ್ರಾಯ್ಡ್ ಫೋನ್ ಅನ್ನು ಹುಡುಕಿಕೊಳ್ಳಬಹುದಾಗಿದೆ. ಹಾಗಾಗಿ, ಆಂಡ್ರಾಯ್ಡ್ ಡಿವೈಸ್ ಮ್ಯಾನೇಜರ್ ಬಹಳ ಪ್ರಮುಖ ತಂತ್ರಾಂಶವಾಗಿದೆ.!!

ಪಾಸ್‌ವರ್ಡ್ ಅತ್ಯುತ್ತಮವಾಗಿರಲಿ.!!

ಸ್ಮಾರ್ಟ್‌ಫೋನ್ ಸೆಕ್ಯುರಿಟಿಗೆ ಮತ್ತೊಂದು ಪ್ರಮುಖ ಅಂಶ ಉತ್ತಮ ಪಾಸ್‌ವರ್ಡ್ ನೀಡುವುದು. ಸಿಂಪಲ್ ಆದಂತಹ ಪಾಸ್‌ವರ್ಡ್ ಬಳಕೆ ಬಿಟ್ಟು ಸಂಯುಕ್ತ ಕ್ಲಿಷ್ಟಕರ ಪಾಸ್‌ವರ್ಡ್‌ ಮುಲಕ ಭದ್ರತೆಯನ್ನು ಅಳವಡಿಸಲು ಮರೆಯದಿರಿ.!