ಜಿಯೋ ಸಹಾಯಕ್ಕಾಗಿ ನಿಯಮಗಳನ್ನು ಬದಲಿಸಲು ಮುಂದಾದ ಟ್ರಾಯ್!?

ಪ್ರಸ್ತುತ ಇರುವ ಶುಲ್ಕದ ನಿಯಮಗಳು!

ಟೆಲಿಕಾಂ ಸಂಸ್ಥೆಗಳಿಗೆ ಟ್ರಾಯ್ ವಿಧಿಸುತ್ತಿರುವ ಶುಲ್ಕದ ನಿಯಮಗಳು ಪ್ರಸ್ತುತ ಸಮಯಕ್ಕೆ ಹಳತಾಗಿದ್ದು, ಹೊಸ ಶುಲ್ಕದ ನಿಯಮಗಳನ್ನು ಜಾರಿಗೆ ತರಲು ಟ್ರಾಯ್ ಚಿಂತಿಸಿದೆ. ಹಾಗಾಗಿ, ಇನ್ನು ಟೆಲಿಕಾಂ ಕಂಪೆನಿಗಳು ಹೆಚ್ಚು ಶುಲ್ಕವನ್ನು ಭರಿಸಬೇಕಾದ ಪರಿಸ್ಥಿತಿ ಎದುರಾಗಬಹದು.!!

ಮೊಬೈಲ್ ನಂಬರ್ ವಿತರಣೆ

ಒಂದೊಂದು ಕಂಪೆನಿಗೆ ಒಂದೊಂದು ಸೀರಿಸ್ ನಂಬರ್‌ಗಳನ್ನು ನೀಡಿರುವ ಟ್ರಾಯ್ ಮೊಬೈಲ್ ನಂಬರ್ ವಿತರಣೆಯ ನಿಯಮಗಳನ್ನು ಬದಲಾಯಿಸಲು ಚಿಂತಿಸಿದೆ. ಒಂದು ಕಂಪೆನಿ ಮಾತ್ರ ಒಂದು ಸೀರಿಸ್‌ ನಂಬರ್‌ಗಳಿಗೆ ಸೀಮಿತವಾಗದಂತೆ ನೋಡಿಕೊಳ್ಳಲು ಟ್ರಾಯ್ ನಿರ್ಧರಿಸಿದೆ.!

90 ದಿವಸಗಳಿಗಿಂತ ಹೆಚ್ಚು ಉಚಿತ ಸೇವೆ?

ಟ್ರಾಯ್‌ನ ಟೆಲಿಕಾಂ ನಿಬಂಧನೆಗಳಗಳ ಪ್ರಕಾರ ಯಾವುದೇ ಟೆಲಿಕಾಂ 90 ದಿವಸಗಳಿಗಿಂತ ಹೆಚ್ಚು ಉಚಿತ ಸೇವೆ ನೀಡುವ ಹಾಗಿಲ್ಲ ಎಂಬುದಾಗಿತ್ತು, ಆದರೆ ಜಿಯೋ 90 ದಿನಗಳ ನಂತರವೂ ಉಚಿತ ಸೇವೆ ಮುಂದುವರಿಸಿದ್ದು, ಈ ನಿಯಮ ಬದಲಾಗುವ ಲಕ್ಷಣ ಕಾಣಿಸುತ್ತಿದೆ.!!

ಪರವಾನಗಿ ಚೌಕಟ್ಟು.!

ಪ್ರಸ್ತುತ ಇರುವ ಪರವಾನಗಿ ಚೌಕಟ್ಟನ್ನು ಟ್ರಾಯ್ ಪುನಃ ಬದಲಾವಣೆ ಮಾಡಲು ನಿರ್ಧರಿಸಿದೆ. "ಟ್ರಾಯ್" ಅಧಿಕಾರಿಗಳು ಮತ್ತು ದೂರಸಂಪರ್ಕ ಕಂಪನಿಗಳ ಅಧಿಕಾರಿಗಳು ಒಳಗೊಂಡ ಸಮಿತಿ ಇದಕ್ಕಾಗಿ ರಚನೆಯಾಗಿದೆ.

ಜಿಯೋಗೆ ಸಹಾಯ?

ಮೇಲಿನ ಈ ಎಲ್ಲಾ ಅಂಶಗಳನ್ನು ಕೂಲಂಕುಶವಾಗಿ ಗಮನಿಸಿದರೆ ಜಿಯೋಗೆ ಸಹಾಯ ನೀಡಲು ಟ್ರಾಯ್ ತನ್ನ ನಿಯಮಗಳನ್ನು ಬದಲಿಸುತಿರಬಹುದೇ ಎನ್ನುವ ಪ್ರಶ್ನೆ ಮೂಡುತ್ತದೆ. ಆದರೆ, ಇತರ ಟೆಲಿಕಾಂಗಳು ಸಹ ಇದಕ್ಕೆ ಸಹಮತ ವ್ಯಕ್ತಪಡಿಸಿದ್ದು, ಟ್ರಾಯ್‌ನ ಮುಂದಿನ ನಡೆ ಕುತೋಹಲವಾಗಿದೆ.!!