ಇನ್‌ಸ್ಟಾಗ್ರಾಂನಲ್ಲಿ ಹೆಚ್ಚು ಲೈಕ್ ಪಡೆಯಬೇಕೆ?..ಹೀಗೆ ಮಾಡಿ!

ಖಾತೆಯನ್ನು ಪಬ್ಲಿಕ್ ಮಾಡಿ

ಇನ್‌ಸ್ಟಾಗ್ರಾಂ ಖಾತೆಯನ್ನು ತೆರೆದಿರುತ್ತಿರಿ. ನಿಮ್ಮ ಅಕೌಂಟ್‌ನಲ್ಲಿ ಪೋಸ್ಟ್‌ ಮಾಡುವ ಫೋಟೊಗಳಿಗೆ ಲೈಕ್ ಬರುವುದಿಲ್ಲ ಅಲ್ಲವೇ?. ಹಾಗಿದ್ರೆ ಇನ್‌ಸ್ಟಾಗ್ರಾಂ ಆಪ್‌ನ ಸೆಟ್ಟಿಂಗ್‌ನಲ್ಲಿ ನಿಮ್ಮ ಅಕೌಂಟ್‌ಅನ್ನು ಪಬ್ಲಿಕ್ ಮಾಡಿರಿ. ಖಾತೆ ಪಬ್ಲಿಕ್ ಆಗುವುದರಿಂದ ನಿಮ್ಮ ಅಕೌಂಟ್‌ಗೆ ಪ್ರಮೋಷನ್ ದೊರೆತಂತೆ ಆಗುತ್ತದೆ ಹೆಚ್ಚಿನ ಜನರಿಗೆ ಫೋಟೊ ತಲುಪುತ್ತವೆ ಮತ್ತು ಲೈಕ್ ಬರುವ ಅವಕಾಶಗಳು ಇರುತ್ತವೆ.

ಸೂಕ್ತ ಕ್ಯಾಪ್ಶನ್ ಬಳಸಿ

ಪ್ರವಾಸಕ್ಕೆ ಹೋಗಿರುತ್ತಿರಿ ಅಲ್ಲಿ ಅತ್ಯುತ್ತಮ ಫೋಟೊಗಳನ್ನು ಸೆರೆಹಿಡಿದಿರುತ್ತಿರಿ ಆ ಫೋಟೊಗಳನ್ನು ಇನ್‌ಸ್ಟಾಗ್ರಾಂ ಆಪ್‌ಗೆ ಅಪ್‌ಲೋಡ್‌ ಮಾಡುತ್ತಿರಿ. ಹೀಗೆ ಫೋಟೊಗಳನ್ನು ಅಪ್‌ಲೋಡ್‌ ಮಾಡುವಾಗ ಫೋಟೊಗೆ ಸೂಕ್ತ ಕ್ಯಾಪ್ಶನ್ ನೀಡಿ ಜೊತೆಗೆ ನಿಮ್ಮ ಸ್ನೇಹಿತರಿಗೂ ಟ್ಯಾಗ್ ಮಾಡಿರಿ ಇದರಿಂದ ಫೋಟೊ ಹೆಚ್ಚಿನ ಜನರನ್ನು ತಲುಪುತ್ತದೆ. ಹಾಗೆಯೇ ನಿಮ್ಮ ಫೋಟೊಗಳಿಗೂ ಲೈಕ್ ಸೀಗುತ್ತವೆ.

ಹ್ಯಾಶ್‌ಟ್ಯಾಗ್ ಬಳಸಿ

ಯಾವುದೇ ಫೋಟೊವನ್ನು ಇನ್‌ಸ್ಟಾಗ್ರಾಂ ಆಪ್‌ಗೆ ಫೋಟೋ ಪೋಸ್ಟ್‌ ಮಾಡುವಾಗ ಅಗತ್ಯವಾಗ ಕೆಲವು ಹ್ಯಾಶ್‌ಟ್ಯಾಗ್‌ಗಳನ್ನು ಬಳಸಿರಿ. ಹ್ಯಾಶ್‌ಟ್ಯಾಗ್‌ ಬಳಸುವುದರಿಂದ ಟಾರ್ಗೆಟ್ ಆಡಿಯನ್ಸ್‌ಗೆ ತಲುಪಬಹುದಾಗಿದೆ. ನಿಮ್ಮ ಸ್ನೇಹಿತರಷ್ಟೆ ಅಲ್ಲದೇ ಹೊಸ ಗೆಳೆಯರನ್ನು ರಿಚ್ ಮಾಡಲು ಸಹ ಹ್ಯಾಶ್‌ಟ್ಯಾಗ್‌ಗಳು ನೆರವಾಗುತ್ತವೆ. ಇದರಿಂದ ನಿಮ್ಮ ಫೋಟೊಗಳೂ ಲೈಕ್ ಪಡೆಯುತ್ತವೆ.

ಸ್ನೇಹಿತರನ್ನು ಫಾಲೋ ಮಾಡಿ

ಇನ್‌ಸ್ಟಾಗ್ರಾಂನಲ್ಲಿ ನಿಮ್ಮ ಫಾಲೋವರ್ಸ್‌ ಸಂಖ್ಯೆಯನ್ನು ಹೆಚ್ಚಿಸಿಕೊಳ್ಳಲು ನೀವು ನಿಮ್ಮ ಸ್ನೇಹಿತರ ಅಕೌಂಟ್‌ಗಳನ್ನು ಫಾಲೋ ಮಾಡಬೇಕು ಮತ್ತು ಅವರ ಫೋಟೋಗಳನ್ನು ಲೈಕ್, ಕಮೆಂಟ್, ಮಾಡಬೇಕು. ಇದಕ್ಕೆ ಪ್ರತಿಯಾಗಿ ನಿಮ್ಮ ಫೋಟೋಗಳಿಗೂ ಅವರು ಲೈಕ್, ಕಮೆಂಟ್‌ಗಳನ್ನು ಮಾಡುತ್ತಾರೆ. ಮತ್ತು ಅವರ ಗೆಳೆಯರು ನಿಮ್ಮ ಫೋಟೊಗಳನ್ನು ಲೈಕ್ ಮಾಡುವ ಚಾನ್ಸ್‌ ಇರುತ್ತವೆ.

ಟ್ಯಾಗ್ ಲೊಕೇಶನ್

ನಿಮ್ಮ ಖಾತೆಯನ್ನು ಹೊಸ ಸ್ನೇಹಿತರಿಗೆ ಪರಿಚಯಿಸಲು ಈ ಆಯ್ಕೆಯು ಸಹ ಉತ್ತಮವಾಗಿದ್ದು, ಲೊಕೇಶನ್ ಟ್ಯಾಗ್‌ ಮಾಡುವುದರಿಂದ ಆ ನಿರ್ದಿಷ್ಟ ಲೊಕೇಶನ್‌ನಲ್ಲಿರುವ ಹೊಸ ಸ್ನೇಹಿರಿಗೆ ನೀವು ಪೋಸ್ಟ್‌ ಮಾಡುವ ಫೋಟೊ ತಲುಪುತ್ತದೆ. ಫೋಟೋಗಳು ಅತ್ಯುತ್ತಮವಾಗಿದ್ದರೇ, ಖಂಡಿತಾ ಲೈಕ್ ಪಡೆಯುತ್ತವೆ. ಹಾಗೆಯೇ ನಿಮ್ಮನ್ನು ಫಾಲೊ ಮಾಡಲು ಸಹ ಆರಂಭಿಸುತ್ತಾರೆ. ಹೀಗಾಗಿ ಲೊಕೇಶನ್ ಟ್ಯಾಗ್ ಮಾಡಿರಿ.

ಮುದ್ದು ಪ್ರಾಣಿಗಳೊಂದಿಗಿನ ಫೋಟೊ

ಸಾಮಾನ್ಯವಾಗಿ ಸಾಕು ಪ್ರಾಣಿಗಳನ್ನು ಎಲ್ಲರು ಇಷ್ಟಪಡುತ್ತಾರೆ. ಹೀಗಾಗಿ ನಿಮ್ಮ ಮುದ್ದು ಸಾಕು ಪ್ರಾಣಿಗಳಾದ ನಾಯಿ, ಬೆಕ್ಕುಗಳ ಫೋಟೊಗಳನ್ನು ಅಪ್‌ಲೋಡ್‌ ಮಾಡಿರಿ ಅವುಗಳು ಲೈಕ್ ಪಡೆದುಕೊಳ್ಳುತ್ತವೆ. ಜೊತೆಗೆ ಅವುಗಳೊಂದಿಗೆ ಸೆಲ್ಫೀ ಸೆರೆಹಿಡಿಯಿರಿ ಮತ್ತು ಆ ಸಾಕುಪ್ರಾಣಿಗಳ ಚಿಕ್ಕ ಪುಟ್ಟ ಫನ್ನಿ ದೃಶ್ಯಗಳನ್ನು ಸೆರೆಹಿಡಿದು ವಿಡಿಯೊಗಳನ್ನು ಸಹ ಅಪ್‌ಲೋಡ್‌ ಮಾಡಿ ಲೈಕ್ ಗಿಟ್ಟಿಸಿಕೊಳ್ಳಬಹುದು.