2015 ಕ್ಕೆ ಆಪಲ್ ಐಫೋನ್ ಏರ್ ಬಿಡುಗಡೆ!

ಇಲ್ಲಿಯವರೆಗೆ ನಾಲ್ಕು ಇಂಚಿನ ಐಫೋನ್‌ ಬಿಡುಗಡೆ ಮಾಡುತ್ತಿದ್ದ ಆಪಲ್‌ ಇದೀಗ ದೊಡ್ಡ ಸ್ಕ್ರೀನ್‌ನ ಫ್ಯಾಬ್ಲೆಟ್‌ ನಿರ್ಮಾ‌ಣ ಮಾಡುವತ್ತ ತನ್ನ ದೃಷ್ಟಿಯನ್ನು ನೆಟ್ಟಿದೆ. ಆಪಲ್‌ 5.5 ಇಂಚಿನ ಐಫೋನ್ 6 ಫ್ಯಾಬ್ಲೆಟ್‌ನ್ನು ತಯಾರಿಸುತ್ತಿದ್ದು ಮುಂದಿನ ವರ್ಷ‌ ಈ ಫ್ಯಾಬ್ಲೆಟ್‌ ಬಿಡುಗಡೆಯಾಗುವ ಸಾಧ್ಯತೆಯಿದೆ.

ಆಪಲ್‌ ಮುಂದಿನ ವರ್ಷದಿಂದ 4.7 ಇಂಚಿನ ಹಾಗೂ 5.5 ಇಂಚಿನ ಡಿಸ್ಪ್ಲೇ ಐಫೋನ್ 6ನ್ನು ನಿರ್ಮಿಸುತ್ತಿದ್ದು,ಆಪಲ್‌ ಈ ಫೋನ್‌ಗಳಿಗೆ ಸ್ಲಿಮ್‌ ಆಗಿರುವ ಬ್ಯಾಟರಿಯನ್ನು ನೀಡಲು ನಿರ್ಧರಿಸಿದೆ.

ಸ್ಮಾರ್ಟ್‌ಫೋನ್‌ ಬ್ಯಾಟರಿಗಳು ಸಾಮಾನ್ಯವಾಗಿ 2.8 ಮಿ.ಮೀ ಅಥವಾ 2.9 ಮಿ.ಮೀ ದಪ್ಪವಿರುತ್ತದೆ. ಆದರೆ 5.5 ಇಂಚಿನ ಫ್ಯಾಬ್ಲೆಟ್‌ಗೆ‌ ಆಪಲ್‌ 2 ಮಿ.ಮೀ ಗಾತ್ರದ ಬ್ಯಾಟರಿಯನ್ನು ನೀಡಲು ಮುಂದಾಗುತ್ತಿದೆ ಎಂದು ಹೇಳಲಾಗುತ್ತಿದೆ.

ತೆಳ್ಳಗಿನ ಬ್ಯಾಟರಿ ನಿರ್ಮಾಣದಲ್ಲಿ ಕೆಲ ಸಮಸ್ಯೆಗಳು ಸೃಷ್ಟಿಯಾಗಿರುವುದರಿಂದ ಇದರ ನಿರ್ಮಾ‌ಣ ಕಾರ್ಯ‌ ವಿಳಂಬವಾಗುತ್ತಿದೆ. ಈ ಕಾರಣಕ್ಕಾಗಿ ಈ ವರ್ಷ‌ ಬಿಡುಗಡೆಯಾಗಬೇಕಿದ್ದ ದೊಡ್ಡ ಸ್ಕ್ರೀನ್‌ ಆಪಲ್‌ ಐಫೋನ್‌ ಏರ್‌ ಫ್ಯಾಬ್ಲೆಟ್‌ ಮುಂದಿನ ವರ್ಷ‌ ಬಿಡುಗಡೆಯಾಗಲಿದೆ ಎಂದು ವಿದೇಶಿ ಟೆಕ್‌ ಮಾಧ್ಯಮಗಳು ವರದಿ ಮಾಡಿದೆ.

ನಿರಂತರ ಸುದ್ದಿಗಾಗಿ ಕನ್ನಡ ಗಿಝ್‌‌ಬಾಟ್‌‌ನ್ನು ಫೇಸ್‌ಬುಕ್‌ನಲ್ಲಿ Like ಮಾಡಿ, ಟ್ವೀಟರ್‌ನಲ್ಲಿ Follow ಮಾಡಿ‌