ಮೊಬೈಲ್ ಮಾರುಕಟ್ಟೆ ತಲ್ಲಣ: ರೂ.499ಕ್ಕೆ BSNL ಫೀಚರ್ ಫೋನ್ ಲಾಂಚ್..!

ಮೊದಲ ಪಾಲುದಾರಿಕೆ:

ಮೊಬೈಲ್ ಫೋನ್ ತಯಾರಿಕ ಕಂಪನಿ ಡಿಟೆಲ್ ದೊಂದಿಗೆ BSNL ಮೊದಲ ಬಾರಿಗೆ ಒಪ್ಪಂದಕ್ಕೆ ಮುಂದಾಗಿದೆ ಎನ್ನಲಾಗಿದೆ. ಈ ಹಿಂದೆ ಭಾರತ್ ಫೀಚರ್ ಫೋನ್ ಬಳಕೆದಾರರಿಗೆ BSNL ಉತ್ತಮ ಆಫರ್ ಗಳನ್ನು ನೀಡಿತ್ತು. ಈಗ ಇದೇ ಮಾದರಿಯಲ್ಲಿ ಡಿಟೆಲ್ D1 ಫೀಚರ್ ಫೋನ್ ಅನ್ನು ರೂ.499ಕ್ಕೆ ಮಾರಾಟ ಮಾಡುತ್ತಿದೆ.

ಡಿಟೆಲ್ D1 ಫೀಚರ್ ಫೋನ್:

ಮಾರುಕಟ್ಟೆಯಲ್ಲಿ ಡಿಟೆಲ್ D1 ಫೀಚರ್ ಫೋನ್ ರೂ.346ಕ್ಕೆ ಲಾಂಚ್ ಆಗಿದ್ದು, BSNL ಈ ಫೀಚರ್ ಫೋನ್ ಅನ್ನು ತನ್ನ ಒಂದು ವರ್ಷದ ಪ್ಲಾನ್‌ ನೊಂದಿಗೆ ಬಿಡುಗಡೆ ಮಾಡುತ್ತಿದ್ದು, ಈ ಹಿನ್ನಲೆಯಲ್ಲಿ ರೂ.499ಕ್ಕೆ ಮಾರಾಟ ಮಾಡಲು ಮುಂದಾಗಿದೆ. ಇದಕ್ಕಾಗಿ ರೂ.153 ಪ್ಲಾನ್ ಅನ್ನು ನೀಡಲಿದೆ.

BSNL ಪ್ಲಾನ್:

ಡಿಟೆಲ್ D1 ಫೀಚರ್ ಫೋನ್ ಕೊಳ್ಳುವವರಿಗೆ BSNL ರೂ.499ಕ್ಕೆ ಮಾರಾಟವಾಗುತ್ತಿದ್ದು, ರೂ.103 ಟಾಕ್ ಟೈಮ್ ದೊರೆಯಲಿದ್ದು, 365 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ಇದರಲ್ಲಿ BSN to BSNL 15 ಪೈಸೆ (ಪ್ರತಿ ನಿಮಿಷಕ್ಕೆ)ದರದಲ್ಲಿ ಕರೆ ಮಾಡಬಹುದಾಗಿದೆ. ಹಾಗೆಯೇ BSNL ನಿಂದ ಬೇರೆ ಕಂಪನಿಗಳಿಗೆ 40 ಪೈಸೆ (ಪ್ರತಿ ನಿಮಿಷಕ್ಕೆ)ದರದಲ್ಲಿ ಕರೆ ಮಾಡುವ ಅವಕಾಶವನ್ನು ಮಾಡಿಕೊಟ್ಟಿದೆ.

ಸಬ್‌ಕಾ ಸಥ್ ಸಬ್‌ಕಾ ವಿಕಾಸ್:

ಡಿಟೆಲ್ D1 ಫೀಚರ್ ಫೋನ್ ಬಿಡುಗಡೆ ಮಾಡಿರುವ BSNL ಪ್ರಧಾನಿ ಮೋದಿ ಅವರ ಹೇಳಿಕೆಯಾದ 'ಸಬ್‌ಕಾ ಸಥ್ ಸಬ್‌ಕಾ ವಿಕಾಸ್' ಅನ್ನು ಬಳಸಿಕೊಂಡಿದ್ದು, ಕಡಿಮೆ ಬೆಲೆಗೆ ಎಲ್ಲಿಗೂ ಟೆಲಿಕಾಂ ಸೇವೆಯೂ ದೊರೆಯಲಿ ಎಂಬುದೇ ಉದ್ದೇಶ ಎಂದಿದೆ.

ಡಿಟೆಲ್ D1 ಫೀಚರ್ ಫೋನ್ ವಿಶೇಷತೆ:

ಡಿಟೆಲ್ D1 ಫೀಚರ್ ಫೋನ್ ನಲ್ಲಿ 1.44 ಇಂಚಿನ ಮೊನೊಕ್ರೊಮ್ ಡಿಸ್‌ಪ್ಲೇಯನ್ನು ಕಾಣಬಹುದಾಗಿದ್ದು, GSM 2G ನೆಟ್‌ವರ್ಕ್‌ನಲ್ಲಿ ಕಾರ್ಯನಿರ್ವಹಿಸಲು ಶಕ್ತವಾಗಿದೆ. ಇದು ಒಂದೇ ಸಿಮ್ ಹಾಕಿಕೊಳ್ಳುವ ಅವಕಾಶವನ್ನು ಹೊಂದಿದೆ. ಜೊತೆಗೆ 650mAh ಬ್ಯಾಟರಿ ಮತ್ತು ಟಾರ್ಚ್ ಲೈಟ್ ಆಯ್ಕೆಯನ್ನು ಕಾಣಬಹುದಾಗಿದೆ.