ಶಿಯೋಮಿ ಎಂ.ಐ ನೋಟ್ 2 ಹೇಗಿರುತ್ತದೆ ಗೊತ್ತೆ?

ಎಂ.ಐ ನೋಟ್ 2ನ ಎರಡು ಆವೃತ್ತಿಗಳು ಬರಬಹುದು.

ಇತ್ತೀಚಿನ ವರದಿಗಳ ಪ್ರಕಾರ, ಶಿಯೋಮಿ ಎಂ.ಐ ನೋಟ್ 2 ಸ್ಯಾಮ್ಸಂಗಿನ ಎಸ್ 7 ಮತ್ತು ಎಸ್ 7 ಎಡ್ಜ್ ಮಾದರಿಯಲ್ಲೇ ಎರಡು ಫೋನುಗಳನ್ನು ಬಿಡಬಹುದು. ಚಪ್ಪಟೆ ಪರದೆಯ ಒಂದು ಆವೃತ್ತಿ ಮತ್ತು ಎರಡೂ ಬದಿಯಲ್ಲಿ ಬಾಗಿದ ಪರದೆಯಿರುವ ಮತ್ತೊಂದು ಆವೃತ್ತಿಯನ್ನು ಶಿಯೋಮಿ ಹೊರತರಬಹುದು.

ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಹೊಂದಿರುವ ಪ್ರೀಮಿಯಮ್ ಫೋನ್.

ಎಂ.ಐ ನೋಟ್ 2ನಲ್ಲಿ ಸ್ಯಾಮ್ಸಂಗ್ ತಯಾರಿಸಿರುವ ಅಮೊಲೆಡ್ ಪರದೆಯಿರುವ ಸಾಧ್ಯತೆ ಹೆಚ್ಚು. ಮೆಟಲ್ ದೇಹವನ್ನೊಂದಿರುವ ನೋಟ್ 2, ಫಿಂಗರ್ ಪ್ರಿಂಟ್ ಸ್ಕ್ಯಾನರನ್ನೂ ಹೊಂದಿರಲಿದೆ.

ಸ್ನಾಪ್ ಡ್ರಾಗನ್ 821 ಎಸ್.ಒ.ಸಿ

ಶಿಯೋಮಿ ಸ್ಮಾರ್ಟ್ ಫೋನಿನಲ್ಲಿ ಕ್ವಾಲ್ ಕಮ್ಮಿನ ಹೊಸ ಚಿಪ್ ಸ್ನಾಪ್ ಡ್ರಾಗನ್ 821 ಎಸ್.ಒಸಿ ಪ್ರೊಸೆಸರ್ ಇರುತ್ತದೆ. ಈ ಹೊಸ ಪ್ರೊಸೆಸರ್ ಸ್ನಾಪ್ ಡ್ರಾಗನ್ 820ಗಿಂತ ಹತ್ತು ಪರ್ಸೆಂಟ್ ವೇಗವಾಗಿ ಕಾರ್ಯನಿರ್ವಹಿಸುತ್ತದೆ ಎನ್ನಲಾಗುತ್ತದೆ.

ಎರಡು ರೀತಿಯ ಸಂಗ್ರಹ ಸಾಮರ್ಥ್ಯ.

6 ಜಿಬಿ ರ್ಯಾಮ್ ಹೊಂದಲಿರುವ ಎಂ.ಐ ನೋಟ್ 2 ಎರಡು ಸಂಗ್ರಹ ಸಾಮರ್ಥ್ಯದೊಂದಿಗೆ ಬರುವ ಸಾಧ್ಯತೆ ಇದೆ - ಒಂದರಲ್ಲಿ 64 ಜಿಬಿಯಷ್ಟು ಆಂತರಿಕ ಸಂಗ್ರಹ ಸಾಮರ್ಥ್ಯವಿದ್ದರೆ ಮತ್ತೊಂದರಲ್ಲಿ 128ಜಿಬಿ ಇರುತ್ತದೆ.

ದರ ಕೂಡ ಸೋರಿಕೆಯಾಗಿದೆ

ಸೋರಿಕೆಯಾದ ಮಾಹಿತಿಯ ಪ್ರಕಾರ, 64 ಜಿಬಿ ಸಾಮರ್ಥ್ಯದ ಎಂ.ಐ ನೋಟ್ 2ರ ಬೆಲೆ ಸಿ.ಎನ್.ವೈ 2,499 (ಅಂದಾಜು 25,000 ರುಪಾಯಿ) ಮತ್ತು 128 ಜಿಬಿ ಸಾಮರ್ಥ್ಯದ ಫೋನಿಗೆ ಸಿ.ಎನ್.ವೈ 2,799 (ಅಂದಾಜು 28,000 ರುಪಾಯಿ).