ಆ್ಯಂಡ್ರಾಯ್ಡ್ ಸ್ಮಾರ್ಟ್ ಫೋನನ್ನು ವೇಗವಾಗಿ ಚಾರ್ಜ್ ಮಾಡಲು ಏಳೂ ಟಿಪ್ಸುಗಳು.

ವೈರ್ ಲೆಸ್ ಚಾರ್ಜಿಂಗ್ ಮಾಡಬೇಡಿ

ತುರ್ತು ಸಂದರ್ಭದಲ್ಲಿ ವೈರ್ ಲೆಸ್ ಚಾರ್ಜಿಂಗ್ ಮಾಡದಿರುವುದು ಉತ್ತಮ. ವೈರ್ ಚಾರ್ಜಿಂಗಿಗೆ ಹೋಲಿಸಿದರೆ ವೈರ್ ಲೆಸ್ ಚಾರ್ಜಿಂಗ್ ನಿಧಾನಗತಿಯದು. ಯು.ಎಸ್.ಬಿ ಚಾರ್ಜಿಂಗಿಗೆ ಹೋಲಿಸಿದರೆ ವೈರ್ ಲೆಸ್ ಕ್ವಿಕ್ ಚಾರ್ಜಿಂಗ್ ವೇಗವಾಗಿ ಕೆಲಸ ಮಾಡುತ್ತದೆ ಆದರೆ ನೆನಪಿಡಿ ಮಾಮೂಲಿ ವಾಲ್ ಚಾರ್ಜರ್ ನಷ್ಟು ವೇಗವಾಗಲ್ಲ.

ಫಾಸ್ಟ್ ಚಾರ್ಜರನ್ನು ಖರೀದಿಸಿ

ಈಗಂತೂ, ಬಹುತೇಕ ಆ್ಯಂಡ್ರಾಯ್ಡ್ ಸ್ಮಾರ್ಟ್ ಫೋನುಗಳಲ್ಲಿ ಫಾಸ್ಟ್ ಚಾರ್ಜಿಂಗ್ ಸೌಲಭ್ಯವಿರುತ್ತದೆ. ಆ ಸೌಲಭ್ಯವನ್ನು ಸರಿಯಾಗಿ ಉಪಯೋಗಿಸಿಕೊಳ್ಳಲು ಫಾಸ್ಟ್ ಚಾರ್ಜರ್ ಅವಶ್ಯಕ. ನಿಮ್ಮ ಸ್ಮಾರ್ಟ್ ಫೋನಿನೊಡನೆ ಬಂದ ಚಾರ್ಜರ್ ಫಾಸ್ಟ್ ಚಾರ್ಜರ್ ಆಗಿರದೇ ಹೋದಲ್ಲಿ, ಒಂದು ಫಾಸ್ಟ್ ಚಾರ್ಜರನ್ನು ಖರೀದಿಸಿ ಮತ್ತು ನಿಮ್ಮ ಫೋನಿನ ಬ್ಯಾಟರಿಯನ್ನು ಶೀಘ್ರವಾಗಿ ಚಾರ್ಜ್ ಮಾಡಿ.

ವಾಲ್ ಚಾರ್ಜರನ್ನು ಉಪಯೋಗಿಸಿ

ಎಲ್ಲಾ ಆ್ರಂಡ್ರಾಯ್ಡ್ ಚಾರ್ಜರುಗಳು ನೋಡುವುದಕ್ಕೆ ಒಂದೇ ರೀತಿ ಇದ್ದರೂ ಕಾರ್ಯನಿರ್ವಹಣೆಯಲ್ಲಿ ವ್ಯತ್ಯಾಸವಿರುತ್ತವೆ. ನಿಮ್ಮ ಫೋನನ್ನು ಲ್ಯಾಪ್ ಟಾಪಿನ ಮೂಲಕ ವೇಗವಾಗಿ ಚಾರ್ಜ್ ಮಾಡುವುದಕ್ಕಾಗದು. ಯು.ಎಸ್.ಬಿ 2.0 ಪೋರ್ಟಿನಿಂದ ಬರುವ 2.5 ವ್ಯಾಟ್ಸ್ ಅಥವಾ ಯು.ಎಸ್.ಬಿ 3.0 ಪೋರ್ಟಿನಿಂದ ಬರುವ 4.5 ವ್ಯಾಟ್ಸ್ ನಿಮ್ಮ ಸ್ಮಾರ್ಟ್ ಫೋನನ್ನು ವೇಗವಾಗಿ ಚಾರ್ಜ್ ಮಾಡಲಾರದು. ವೇಗವಾಗಿ ಚಾರ್ಜ್ ಮಾಡಲು ವಾಲ್ ಚಾರ್ಜರ್ ಸೂಕ್ತವಾದುದು.

ಫೋನ್ ಸ್ವಿಚ್ ಆಫ್ ಮಾಡುವುದು ಒಳ್ಳೆಯದು

ಸಾಧ್ಯವಾದರೆ, ಚಾರ್ಜ್ ಮಾಡುವಾಗ ನಿಮ್ಮ ಸ್ಮಾರ್ಟ್ ಫೋನನ್ನು ಸ್ವಿಚ್ ಆಫ್ ಮಾಡಿದರೆ ಚಾರ್ಜಿಂಗ್ ವೇಗ ಪಡೆದುಕೊಳ್ಳುತ್ತದೆ, ಇದು ಏರ್ ಪ್ಲೇನ್ ಮೋಡ್ ಗೆ ಹಾಕುವುದಕ್ಕಿಂತ ಉತ್ತಮ. ಇದರಿಂದ ಮತ್ತೆ ಫೋನ್ ಆನ್ ಮಾಡುವವರೆಗೆ ನೋಟಿಫಿಕೇಷನ್ ಪಡೆದುಕೊಳ್ಳುವುದು ಸಾಧ್ಯವಾಗದೇ ಹೋಗಬಹುದು ಆದರೆ ಬ್ಯಾಟರಿ ವೇಗವಾಗಿ ಚಾರ್ಜ್ ಆಗುತ್ತದೆ.

ಏರ್ ಪ್ಲೇನ್ ಮೋಡನ್ನು ಎನೇಬಲ್ ಮಾಡಿ

ಚಾರ್ಜ್ ಮಾಡುವಾಗ ನಿಮ್ಮ ಫೋನ್ ಕಾರ್ಯನಿರ್ವಹಿಸುತ್ತಿದ್ದರೆ ಚಾರ್ಜಿಂಗ್ ಸಮಯ ದೀರ್ಘವಾಗುತ್ತದೆ. ಆದ್ದರಿಂದ, ಸ್ಮಾರ್ಟ್ ಫೋನನ್ನು ವೇಗವಾಗಿ ಚಾರ್ಜ್ ಮಾಡಲು ಏರ್ ಪ್ಲೇನ್ ಮೋಡನ್ನು ಆನ್ ಮಾಡಿ. ಏರ್ ಪ್ಲೇನ್ ಮೋಡನ್ನು ಆನ್ ಮಾಡುವುದರಿಂದ ವೈರ್ ಲೆಸ್ ರೀಡಿಯೋ ಬ್ಲಾಕ್ ಆಗುತ್ತದೆ, ನಿಮ್ಮ ಫೋನ್ ಅನೇಕ ಕಾರ್ಯಗಳನ್ನು ಮಾಡುವುದು ನಿಲ್ಲುತ್ತದೆ. ನಿಮ್ಮ ಫೋನಿಗೆ ಮೆಸೇಜುಗಳಾಗಲೀ, ಕರೆಗಳಾಗಲೀ ಬರುವುದಿಲ್ಲ, ಆದರೆ ವೇಗವಾಗಿ ಚಾರ್ಜ್ ಆಗಿ ಹಲವು ಘಂಟೆಗಳ ಕಾಲ ಮೊಬೈಲನ್ನು ಉಪಯೋಗಿಸಬಹುದು.

ಪವರ್ ಸೇವಿಂಗ್ ಮೋಡನ್ನು ಉಪಯೋಗಿಸಿ

ಈಚೆಗೆ ಮಾರುಕಟ್ಟೆಗೆ ಬಂದಿರುವ ಬಹುತೇಕ ಆ್ಯಂಡ್ರಾಯ್ಡ್ ಸ್ಮಾರ್ಟ್ ಫೋನಿನಲ್ಲಿ ಒಂದಲ್ಲ ಒಂದು ರೀತಿಯ ಪವರ್ ಸೇವಿಂಗ್ ಮೋಡ್ ಇರುತ್ತದೆ. ಚಾರ್ಜ್ ಮಾಡುವಾಗ ಇದನ್ನು ಆನ್ ಮಾಡಿ ಬ್ಯಾಟರಿಯನ್ನು ಉಳಿಸಿದರೆ ಬೇಗ ಚಾರ್ಜ್ ಆಗುತ್ತದೆ.

ಬೇಡದ ಫೀಚರ್ರುಗಳನ್ನು ಆಫ್ ಮಾಡಿ

ನಿಮ್ಮ ಸ್ಮಾರ್ಟ್ ಫೋನನ್ನು ಚಾರ್ಜರ್ರಿಗೆ ಕನೆಕ್ಟ್ ಮಾಡಿದಾಗ ಬೇಡದ ಫೀಚರ್ರುಗಳಾದ ವೈಫೈ, ಜಿಪಿಎಸ್, ಬ್ಲೂಟೂಥನ್ನು ಆಫ್ ಮಾಡಿ. ಈ ಫೀಚರ್ರುಗಳು ತುಂಬಾ ಶಕ್ತಿಯನ್ನು ಉಪಯೋಗಿಸಿಬಿಡುತ್ತವೆ. ಎಲ್ಲಾ ಆ್ಯಪುಗಳನ್ನು ಕ್ಲೋಸ್ ಮಾಡಿ ಮತ್ತು ನಿಮ್ಮ ಫೋನ್ ಸ್ವಯಂಚಾಲಿತವಾಗಿ ಬ್ಯಾಕ್ ಅಪ್ ಮಾಡುವುದನ್ನು ಅಥವಾ ಆ್ಯಪುಗಳು ಅಪ್ ಡೇಟ್ ಆಗುವುದನ್ನು ನಿಲ್ಲಿಸಿರಿ.