ಜಿಯೋನಿ M2017 ಸ್ಮಾರ್ಟ್‌ಪೋನ್‌ನಲ್ಲಿದೆ 7000mAh ಬ್ಯಾಟರಿ, ಡುಯಲ್ ಕ್ಯಾಮೆರಾ ಇನ್ನು ಹಲವು ವಿಶೇಷತೆ

ಜಿಯೋನಿ M2017 ಹೈಲೈಟ್: ದೀರ್ಘಕಾಲದ ಬ್ಯಾಟರಿ ಬಾಳಿಕೆ

ಸ್ಮಾರ್ಟ್‌ಪೋನಿನಲ್ಲಿ ಬ್ಯಾಟರಿ ಬಾಳಿಕೆ ಕಡಿಮೆ ಎನ್ನುವ ವಾದಕ್ಕೆ ಅಪವಾದ ಎನ್ನುವಂತೆ ಜಿಯೋನಿ M2017 ಪೋನಿನಲ್ಲಿ 7000mAh ಬ್ಯಾಟರಿ ಅಳವಡಿಸಲಾಗಿದ್ದು, 3500mAh ಸಾಮಾರ್ಥ್ಯದ ಎರಡು ಬ್ಯಾಟರಿ ಈ ಪೋನಿನಲ್ಲಿದೆ. ಅಲ್ಲದೇ ಈ ಪೋನನನ್ನು ಚಾರ್ಜ್ ಮಾಡಲು Quick Charge 3.0 ಎಂಬ ಆಪ್ ಸಹ ಪೋನಿನಲ್ಲಿದೆ. ಈ ಪೋನ್ ಅನ್ನು ಒಮ್ಮೆ ಚಾರ್ಜ್ ಮಾಡಿದರೆ ಸುಮಾರು 25.89 ಗಂಟೆಗಳ ಕಾಲ ನಿರಂತವಾಗಿ ವಿಡಿಯೋ ನೋಡಬಹುದು ಎಂದು ಕಂಪನಿ ತಿಳಿಸಿದೆ. ಇದಲ್ಲದೇ 915.42 ಗಂಟೆಗಳ ಸ್ಟಾಂಡ್ ಬೈ ಸಾಮಾರ್ಥ್ಯವನ್ನು ಈ ಪೋನ್ ಹೊಂದಿದೆಯಂತೆ.

ಜಿಯೋನಿ M2017 ಮತ್ತೊಂದು ವಿಶೇಷತೆ: ಡುಯಲ್ ಹಿಂಬದಿ ಕ್ಯಾಮೆರಾ

ಇದೇ ಮೊದಲ ಬಾರಿಗೆ ಜಿಯೋನಿ M2017 ಪೋನಿನಲ್ಲಿ ಹಿಂಬದಿಯಲ್ಲೇ ಎರಡು ಕ್ಯಾಮೆರಾ ಅಳವಡಿಸಲಾಗಿದೆ. 12 MP ಮತ್ತು 13 MP ಯ ಎರಡು ಕ್ಯಾಮೆರಾಗಳು ಹಿಂಬದಿಯಲ್ಲಿ ಕಾರ್ಯನಿರ್ವಹಿಸಲಿದ್ದು, 2X ಆಪ್ಟಿಕಲ್ ಜೂಮ್ ಮತ್ತು 8X ಡಿಜಿಟಲ್ ಜೂಮ್ ಹೊಂದಿವೆ. ಇಲ್ಲದೇ ಮುಂಭಾಗದಲ್ಲಿ 8 MP ಇದ್ದು, ಗುಣಮಟ್ಟದ ಸೆಲ್ಫಿ ಕ್ಲಿಕ್ಕಿಸಲು ಸಹಾಯಕಾರಿಯಾಗಿದೆ.

M2017 ಪೋನಿನಲ್ಲಿ QHD ಡಿಸ್‌ಪ್ಲೇ

ಜಿಯೋನಿ ಬಿಡುಗಡೆ ಮಾಡಿರುವ M2017 ಸ್ಮಾರ್ಟ್‌ಪೋನ್ 5.7 ಇಂಚಿನ Quad HD (1440x2560p) AMOLED ಕಾರ್ವಡ್ ಡಿಸ್‌ಪ್ಲೇ ಹೊಂದಿದೆ. ಇದರಿಂದ ಉತ್ತಮ ಗುಣಮಟ್ಟದ ವಿಡಿಯೋ ವೀಕ್ಷಣೆ ಹಿತಕರವಾಗಿರಲಿದೆ. ಉತ್ತಮ ಬ್ಯಾಟರಿ ಬಾಳಿಕೆ ಇರುವುದರಿಂದ ಸಿನಿಮಾ ವೀಕ್ಷಣೆಗೆ ಹೇಳಿ ಮಾಡಿಸಿದಂತಿದೆ.

ವೇಗ ಕಾರ್ಯಚರಣೆ: 128GB ಇಂಟರ್ನಲ್ ಮೆಮೊರಿ

1.95GHz +1.44GHz ವೇಗದ Snapdragon 653 ಪ್ರೊಸೆಸರ್ ಹೊಂದಿರುವ ಜಿಯೋನಿ M2017 ಪೋನಿನಲ್ಲಿ ವೇಗದ ಕಾರ್ಯಚರಣೆಗಾಗಿ 6GB RAM ಅಳವಡಿಸಲಾಗಿದೆ. ಅಲ್ಲದೇ ಆಂಡ್ರಾಯ್ಡ್ 6.0 ಮತ್ತು UI 3.5 ತಂತ್ರಾಂಶವನ್ನು ಹೊಂದಿದೆ. 128GB ಇಂಟರ್ನಲ್ ಮೆಮೊರಿ ಈ ಪೋನಿನಲ್ಲಿದೆ.

ಮತ್ತಿತರ ವಿಶೇಷತೆಗಳು:

155.2x77.6x10.78mm ಅಗಲ, ಉದ್ದವಿರುವ ಜಿಯೋನಿ M2017, ಶಕ್ತಿಶಾಲಿ ಬ್ಯಾಟರಿ ಹೊಂದಿರುವ ಕಾರಣ 238 ಗ್ರಾಮ್ ತೂಕ ಹೊಂದಿದೆ. 4G, GPS, Bluetooth, USB Type-C, Wi-Fi ಸೇರಿದಂತೆ ಹಲವು ವಿಶೇಷತೆಗಳನ್ನು ಹೊಂದಿದೆ. ಸದ್ಯ ಬ್ಲ್ಯಾಕ್ ಅಂಡ್ ಗೋಲ್ಡ್ ಬಣ್ಣದಲ್ಲಿ ಈ ಪೋನ್ ಲಭ್ಯವಿದೆ.