ಐಫೋನಿಗೆ ಸೆಡ್ಡು ಹೊಡೆಯುತ್ತಾ ಗೂಗಲ್ ಪಿಕ್ಸೆಲ್ ಫೋನ್‌ಗಳು..?

ಗೂಗಲ್ ಪಿಕ್ಸೆಲ್ 2

ಗೂಗಲ್ ಪಿಕ್ಸೆಲ್ 2 ಸ್ಮಾರ್ಟ್‌ಫೋನಿನಲ್ಲಿ 5 ಇಂಚಿನ ಅಮೊಲೈಡ್ ಡಿಸ್ ಪ್ಲೇಯನ್ನು ಕಾಣಬಹುದಾಗಿದ್ದು, 2.5D ಕಾರ್ನಿಂಗ್ ಗೊರಿಲ್ಲ ಗ್ಲಾಸ್ 5 ಸುರಕ್ಷತೆಯನ್ನು ಹೊಂದಿವೆ. ಈ ಸ್ಮಾರ್ಟ್‌ಫೋನಿನಲ್ಲಿ 2.35GHz + 1.9GHz ವೇಗದ 64ಬಿಟ್ ಆಕ್ಟಾ ಕೋರ್ ಸ್ನಾಪ್‌ಡ್ರಾಗನ್ 835 ಪ್ರೋಸೆಸರ್ ಇದ್ದು, 4G RAM ಮತ್ತು 540 GPU ಸಹ ಇದೆ. ಈ ಫೋನಿನಲ್ಲಿ 2700mAh ಬ್ಯಾಟರಿಯನ್ನು ಕಾಣಬಹುದಾಗಿದ್ದು, ಆಂಡ್ರಾಯ್ಡ್ ಓರಿಯೋದಲ್ಲಿ ಕಾರ್ಯನಿರ್ವಹಿಸಲಿದೆ. ಅಲ್ಲದೇ ಈ ಫೋನಿನ ಹಿಂಭಾಗದಲ್ಲಿ 12.2MP ಕ್ಯಾಮೆರಾ, ಮುಂಭಾಗದಲ್ಲಿ 8MP ಕ್ಯಾಮೆರಾವನ್ನು ಅಳವಡಿಸಲಾಗಿದೆ.

ಗೂಗಲ್ ಪಿಕ್ಸಲ್ 2 XL

ಗೂಗಲ್ ಪಿಕ್ಸಲ್ 2 XL ಫೋನಿನಲ್ಲಿ 6 ಇಂಚಿನ QHD ಗುಣಮಟ್ಟದ OLED ಡಿಸ್‌ಪ್ಲೇಯನ್ನು ಅಳವಡಿಸಲಾಗಿದ್ದು, ಇದರ ಮೇಲ್ಭಾಗದಲ್ಲಿ 3D ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ 5 ಸುರಕ್ಷತೆಯನ್ನು ನೀಡಲಾಗಿದೆ. ಈ ಸ್ಮಾರ್ಟ್‌ಫೋನಿನಲ್ಲಿ 2.35GHz + 1.9GHz ವೇಗದ 64ಬಿಟ್ ಆಕ್ಟಾ ಕೋರ್ ಸ್ನಾಪ್‌ಡ್ರಾಗನ್ 835 ಪ್ರೋಸೆಸರ್ ಇದ್ದು, 4G RAM ಮತ್ತು 540 GPU ಸಹ ಇದೆ. ಅಲ್ಲದೇ ಈ ಫೋನಿನ ಹಿಂಭಾಗದಲ್ಲಿ 12.2MP ಕ್ಯಾಮೆರಾ, ಮುಮಭಾಗದಲ್ಲಿ 8MP ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಜೊತೆಗೆ 3530 mAh ಬ್ಯಾಟರಿಯೂ ಇದೆ. ಆಂಡ್ರಾಯ್ಡ್ ಓರಿಯೋದಲ್ಲಿ ಕಾರ್ಯನಿರ್ವಹಿಸಲಿದೆ.

ಎರಡು ಫೋನುಗಳ ವಿಶೇಷತೆಗಳು:

ಗೂಗಲ್ ಪಿಕ್ಸೆಲ್ 2 ಮತ್ತು ಪಿಕ್ಸಲ್ 2 XL ಸ್ಮಾರ್ಟ್‌ಫೋನ್‌ಗಳು ಅಲ್ಯುಮಿನಿಯಮ್ ಹೊರ ಕವಚವನ್ನು ಹೊಂದಿದ್ದು, ಎರಡು ಆವೃತ್ತಿಗಳಲ್ಲಿ ದೊರೆಯಲಿದೆ. 64GB ಮತ್ತು 128GB. ಅಲ್ಲದೇ ಉತ್ತಮ ಕರೆ ಮಾಡುವುದಕ್ಕಾಗಿ ಮೂರು ಮೈಕ್‌ಗಳನ್ನು ಹೊಂದಿವೆ. ಇದಲ್ಲದೇ ಈ ಫೋನುಗಳಲ್ಲಿ ಅಳವಡಿಸಿರುವ ಕ್ಯಾಮೆರಾಗಳು ತೀರಾ ವಿಶೇಷವಾಗಿದ್ದು, ಡ್ಯುಯಲ್ ಪಿಕ್ಸಲ್ ತಂತ್ರಜ್ಞಾನವನ್ನು ಹೊಂದಿವೆ.

ಬೆಲೆ?:

ಗೂಗಲ್ ಪಿಕ್ಸೆಲ್ 2 64GB ಆವೃತ್ತಿಯ ಬೆಲೆ ಭಾರತೀಯ ರೂಪಾಯಿಗಳಲ್ಲಿ 42,233 ಆಗಲಿದ್ದು, ಬ್ಲಾಕ್, ಬ್ಲೂ ಮತ್ತು ವೈಟ್ ಬಣ್ಣದಲ್ಲಿ ದೊರೆಯಲಿದೆ. ಗೂಗಲ್ ಪಿಕ್ಸೆಲ್ 2 XL 64GB ಆವೃತ್ತಿಯ ಬೆಲೆ ಭಾರತೀಯ ರೂಪಾಯಿಗಳಲ್ಲಿ 55,248 ಆಗಲಿದ್ದು, ಬ್ಲಾಕ್ ಮತ್ತು ವೈಟ್-ಬ್ಲಾಕ್ ನಲ್ಲಿ ದೊರೆಯಲಿದೆ.

ದೊರೆಯುವುದು ಯಾವಾಗ?

ಈ ಫೋನ್‌ಗಳನ್ನು ಇಂದಿನಿಂದಲೇ ಪ್ರೀ ಬುಕಿಂಗ್ ಮಾಡಬಹುದಾಗಿದೆ. ಆಕ್ಟೋಬರ್ 19ಕ್ಕೆ ಲಭ್ಯವಿರಲಿದ್ದು, ಮೊದಲಿಗೆ ಭಾರತ, ಆಸ್ಟೇಲಿಯಾ, ಕೆನೆಡಾ, ಜರ್ಮನಿ, ಯುಕೆ, ಯುಎಸ್‌ ನಲ್ಲಿ ಈ ಫೋನ್ ದೊರೆಯಲಿದೆ ಎನ್ನಲಾಗಿದೆ.