Honor: 2 ಸೊಗಸಾದ ಫೋನ್ ಲಾಂಚ್; 6000mAh ಬ್ಯಾಟರಿ.. 256GB ಸ್ಟೋರೇಜ್.. 14000ಕ್ಕಿಂತ ಕಡಿಮೆ!

ಹಾನರ್ ತನ್ನ ಅಭಿಮಾನಿಗಳಿಗೆ ಸ್ಪೇಷಲ್‌ ಸರ್ಪ್ರೈಸ್‌ ನೀಡಿದೆ. ಸದ್ದಿಲ್ಲದೆ ಎರಡು ಹೊಸ ಮೊಬೈಲ್‌ಗಳನ್ನು ಬಿಡುಗಡೆ ಮಾಡಿದೆ. ಹೌದು, ಕಂಪನಿಯು ಇವುಗಳನ್ನು ಹಾನರ್ ಪ್ಲೇ 60 (Honor Play 60) ಮತ್ತು ಹಾನರ್ ಪ್ಲೇ 60m (Honor Play 60m) ಎಂಬ ಹೆಸರಿನೊಂದಿಗೆ ಪರಿಚಯಿಸಲಾಗಿದೆ. ಈ ಎರಡೂ ಮೊಬೈಲ್‌ಗಳ ವಿಶೇಷತೆಗಳು ಒಂದೇ ಆಗಿದೆ. ಈ ಪೈಕಿ ಹಾನರ್ ಪ್ಲೇ 60 ಫೋನಿನ ಬೆಲೆ, ಲಭ್ಯತೆ ಮತ್ತು ವಿಶೇಷತೆಗಳನ್ನು ತಿಳಿಯೋಣ ಬನ್ನಿ.

ಹಾನರ್ ಕಳೆದ ವರ್ಷ ತನ್ನ ಹಾನರ್ ಪ್ಲೇ 50 ಮತ್ತು ಹಾನರ್ ಪ್ಲೇ 50 ಮಿಲಿಯನ್ ಸ್ಮಾರ್ಟ್‌ಫೋನ್‌ಗಳನ್ನು ಪರಿಚಯಿಸಿತ್ತು. ಇದೀಗ, ಈ ಮೊಬೈಲ್‌ಗಳ ಉತ್ತರಾಧಿಕಾರಿಗಳನ್ನು ಮಾರುಕಟ್ಟೆಯಲ್ಲಿ ಲಾಂಚ್ ಮಾಡಿದೆ. ಅದರಂತೆ ಎರಡು ಹೊಸ ಫೋನ್‌ಗಳು ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿವೆ. ಈ ಪೈಕಿ ಹಾನರ್ ಪ್ಲೇ 60 ಮೊಬೈಲ್ ಮೂರು ಬಣ್ಣಗಳಲ್ಲಿ ಬರುತ್ತದೆ. ನೀವು ಎರಡು ಸ್ಟೋರೇಜ್ ಆಯ್ಕೆಗಳಲ್ಲಿ ಖರೀದಿಸಬಹುದು. ಇವು ಕೈಗೆಟುಕುವ ಬೆಲೆಯಲ್ಲಿ ಬಿಡುಗಡೆಯಾಗಿದೆ.

ಹಾನರ್ ಪ್ಲೇ ಫೋನಿನ 60 ವೈಶಿಷ್ಟ್ಯಗಳು

ಡಿಸ್ಪ್ಲೇ ವಿವರ

ಹಾನರ್ ಪ್ಲೇ 60 ಸ್ಮಾರ್ಟ್‌ಫೋನ್ 6.61 ಇಂಚಿನ ಎಲ್‌ಸಿಡಿ ಡಿಸ್ಪ್ಲೇ ಹೊಂದಿದೆ. ಇದು 720 × 1604 ಪಿಕ್ಸೆಲ್ ಸ್ಕ್ರೀನ್ ರೆಸಲ್ಯೂಶನ್ ಬೆಂಬಲದೊಂದಿಗೆ ಬರುತ್ತದೆ. ಇದರೊಂದಿಗೆ 120Hz ರಿಫ್ರೆಶ್ ದರದ ಬೆಂಬಲ ಪಡೆದಿದೆ. ಕಂಪನಿಯು ಬಜೆಟ್ ಶ್ರೇಣಿಯ ಬಳಕೆದಾರರನ್ನು ಗಮನದಲ್ಲಿಟ್ಟುಕೊಂಡು ಈ ಪೋನಿನ ಡಿಸ್‌ಪ್ಲೇ ವಿನ್ಯಾಸಗೊಳಿಸಿದೆ. ವಿಶೇಷವೆಂದರೆ, ಹಾನರ್ ಪ್ಲೇ 60m ಫೋನಿನಲ್ಲಿಯೂ ಇದೇ ಡಿಸ್ಪ್ಲೇ ಲಭ್ಯವಿದೆ.

ಪ್ರೊಸೆಸರ್ ಸಾಮರ್ಥ್ಯ

ಹಾನರ್ ಪ್ಲೇ 60 ಮೊಬೈಲ್ ಮೀಡಿಯಾ ಟೆಕ್‌ನ ಡೈಮೆನ್ಸಿಟಿ 6300 SoC ಪ್ರೊಸೆಸರ್ ಹೊಂದಿದೆ. ಈ ಫೋನ್‌ ಆಂಡ್ರಾಯ್ಡ್ 15 ಆಧರಿಸಿದ ಮ್ಯಾಜಿಕ್ ಓಎಸ್ 9.0 ನೊಂದಿಗೆ ಕೆಲಸ ನಿರ್ವಹಿಸುತ್ತವೆ. ಗ್ರಾಫಿಕ್ಸ್‌ಗಾಗಿ ಇದು ARM G57 GPU ಸಹ ಹೊಂದಿದೆ. ಹಾನರ್ ಪ್ಲೇ 60m ಫೋನಿನಲ್ಲಿಯೂ ಸಹ ಇದೇ ಪ್ರೊಸೆಸರ್ ಅಳವಡಿಸಲಾಗಿದೆ.

ಕ್ಯಾಮೆರಾ ಸೆಟಪ್

ಹಾನರ್ ಪ್ಲೇ 60 ಫೋನಿನ ಕ್ಯಾಮೆರಾ ಸೆಟಪ್ ಬಗ್ಗೆ ಹೇಳುವುದಾದರೆ, ಇದು ಫೋಟೋಗ್ರಫಿ ಮತ್ತು ವಿಡಿಯೋ ಕರೆಗೆ ಉತ್ತಮವಾಗಿದೆ. ಈ ಮೊಬೈಲ್ 13 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಮತ್ತು 5 ಮೆಗಾಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಹೊಂದಿದೆ. ಹಾನರ್ ಪ್ಲೇ 60m ಮೊಬೈಲ್ ಸಹ ಇದೇ ಕ್ಯಾಮೆರಾ ಸೆಟಪ್‌ನೊಂದಿಗೆ ಬರುತ್ತದೆ.

ಬ್ಯಾಟರಿ ಮತ್ತು ಚಾರ್ಜಿಂಗ್‌

ಹಾನರ್ ಪ್ಲೇ 60 ಸ್ಮಾರ್ಟ್‌ಫೋನ್ 6000mAh ಸಾಮರ್ಥ್ಯ ಬ್ಯಾಟರಿ ಹೊಂದಿದೆ. ಇದರೊಂದಿಗೆ ಚಾರ್ಜಿಂಗ್‌ಗೆ 5V/3A ಚಾರ್ಜರ್ ಮತ್ತು ಇಂಟೆಲಿಜೆಂಟ್ ಚಾರ್ಜಿಂಗ್ ಮೋಡ್ ಸಪೋರ್ಟ್ ಲಭ್ಯವಿದೆ. ಹಾನರ್ ಪ್ಲೇ 60m ಫೋನ್ ಸಹ ಇದೇ ಬ್ಯಾಟರಿಯೊಂದಿಗೆ ಬರುತ್ತದೆ.

ಇತರೆ ವೈಶಿಷ್ಟ್ಯಗಳು

ಹಾನರ್ ಪ್ಲೇ 60 ಫೋನ್‌ ಹಲವು ಎಐ (AI) ವೈಶಿಷ್ಟ್ಯಗಳನ್ನು ಹೊಂದಿದೆ. ಎಐ ಒನ್ ಕ್ಲಿಕ್, ಎಐ ವಂಚನೆ ವಿರೋಧಿ ವೈಶಿಷ್ಟ್ಯ, ಸ್ಮಾರ್ಟ್ ಕ್ಯಾಪ್ಸುಲ್‌ಗಳು, ಗ್ಲೋರಿ ಎನಿವೇರ್ ಡೋರ್ ಒಳಗೊಂಡಿದೆ. ಈ ಮೊಬೈಲ್ ಸೈಡ್ ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸರ್ ಹೊಂದಿದೆ. ಇದು ಫೇಸ್ ಅನ್‌ಲಾಕ್ ಸಪೋರ್ಟ್, ಬ್ಲೂಟೂತ್ 5.3, ಯುಎಸ್‌ಬಿ ಟೈಪ್ ಸಿ ಪೋರ್ಟ್, 3.5 ಎಂಎಂ ಹೆಡ್‌ಫೋನ್ ಜ್ಯಾಕ್ ಸಹ ಒಳಗೊಂಡಿದೆ. ಹಾಗೆಯೇ ನೀರು ಮತ್ತು ಧೂಳಿನ ವಿರುದ್ಧ ರಕ್ಷಣೆಗಾಗಿ IP64 ರೇಟಿಂಗ್ ಪಡೆದಿದೆ.

ಹಾನರ್ ಪ್ಲೇ 60 ಬೆಲೆ ಮತ್ತು ಲಭ್ಯತೆ

ಹಾನರ್ ಪ್ಲೇ 60 ಎರಡು ಸ್ಟೋರೇಜ್ ರೂಪಾಂತರಗಳಲ್ಲಿ ಮಾರಾಟವಾಗಲಿದೆ. ಈ ಫೋನಿನ 6GB RAM + 128GB ಸ್ಟೋರೇಜ್ ಆಯ್ಕೆಯ ಬೆಲೆ 14,000 ರೂ. ಆಗಿದೆ. ಇನ್ನು 8GB RAM + 256GB ಸ್ಟೋರೇಜ್ ರೂಪಾಂತರವನ್ನು 16,355 ರೂ.ಗೆ ಪರಿಚಯಿಸಲಾಗಿದೆ. ನೀವು ಇಂಕ್ ರಾಕ್ ಬ್ಲಾಕ್, ಜೇಡ್ ಡ್ರ್ಯಾಗನ್ ಸ್ನೋ, ಕ್ಸಿಯೋಶನ್ ಕ್ವಿಂಗ್ ಬಣ್ಣಗಳಲ್ಲಿ ಖರೀದಿಸಬಹುದು.

ಹಾನರ್ ಪ್ಲೇ 60m ಮೊಬೈಲ್ ಅನ್ನು ಮೂರು ಸ್ಟೋರೇಜ್ ರೂಪಾಂತರಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಈ ಫೋನಿನ 6GB RAM + 128GB ಸ್ಟೋರೇಜ್ ರೂಪಾಂತರದ ಬೆಲೆ 19,862 ರೂ. ಆಗಿದೆ. 8GB RAM + 256GB ಸ್ಟೋರೇಜ್ ಆಯ್ಕೆಯನ್ನು 25,700 ರೂ.ಗೆ ಪರಿಚಯಿಸಲಾಗಿದೆ. ಇನ್ನು 12GB RAM + 256GB ಸ್ಟೋರೇಜ್ ಅನ್ನು 30,383 ರೂ.ಗೆ ಬಿಡುಗಡೆ ಮಾಡಲಾಗಿದೆ. ನೀವು ಇಂಕ್ ರಾಕ್ ಕಪ್ಪು, ಜೇಡ್ ಡ್ರ್ಯಾಗನ್ ಸ್ನೋ, ಮಾರ್ನಿಂಗ್ ಗ್ಲೋ ಗೋಲ್ಡ್ ಬಣ್ಣದಲ್ಲಿ ಈ ಫೋನನ್ನು ಖರೀದಿಸಬಹುದು.