ಬರಲಿದೆ ಹಾನರ್ 'ವ್ಯಿವ್'..ಹೆಚ್ಚಲಿದೆ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಕ್ಯೂ!

ಪ್ರೀ ಬುಕ್ಕಿಂಗ್

ಹಾನರ್ ವ್ಯಿವ್ ಫೋನಿನ್ ಪ್ರಮುಖ ಆಕರ್ಷಣೆಯೇ ಇದರ ಕ್ಯಾಮರಾ ಆಗಿದ್ದು, ಹಿಂಬಾಗದಲ್ಲಿ ಫ್ಲ್ಯಾಶ್‌ನೊಂದಿಗೆ 48 ಮೆಗಾಪಿಕ್ಸಲ್ ಕ್ಯಾಮರಾವನ್ನು ಹೊಂದಿದ್ದು, ಸೆಲ್ಫೀಗಾಗಿ 25 ಮೆಗಾಪಿಕ್ಸಲ್ ಕ್ಯಾಮರಾವನ್ನು ನೀಡಲಾಗಿದೆ. ಇದರೊಂದಿಗೆ 8000x6000 ಪಿಕ್ಸಲ್ ಫೋಟೋ ರೆಸಲ್ಯೂಶನ್ ಸಾಮರ್ಥ್ಯದ ಇದ್ದು, ಜತೆಗೆ ಡಿಜಿಟಲ್ ಝೂಮ್, ಫೇಸ್ ಡಿಟಕ್ಷನ್, ಆಟೋ ಫೋಕಸ್ ಹೊಂದಿದೆ.

ವಿನ್ಯಾಸ ಮತ್ತು ಡಿಸ್‌ಪ್ಲೇ

ಹಾನರ್‌ನ ಈ ಹೊಸ ಸ್ಮಾರ್ಟ್‌ಫೋನಿನಲ್ಲಿ 6.4 ಇಂಚಿನ ಫುಲ್ ಹೆಚ್‌ಡಿ ಪರದೆ ಇರಲಿದೆ. ಇದರೊಂದಿಗೆ 19.5:9ರ ಅನುಪಾತದಲ್ಲಿ 1080x2310 ಪಿಕ್ಸಲ್ ಸಾಮರ್ಥ್ಯವನ್ನು ಹೊಂದಿರುವ ಸ್ಕ್ರೀನ್ ನೀಡಲಾಗಿದೆ. ಫೋನಿನ ಹೊರಭಾಗದಲ್ಲಿ ನಾಲ್ಕು ಮೂಲೆ ರೌಂಡೆಡ್ ಕರ್ವ ಇರುವುದು ಸ್ಮಾರ್ಟ್‌ಫೋನಿಗೆ ಸ್ಮಾರ್ಟ್‌ ಅಂದ ತಂದುಕೊಟ್ಟಿದೆ.

ತಾಂತ್ರಿಕ ವಿಶೇಷತೆಗಳು

ಆಂಡ್ರಾಯ್ಡ್ 9 ನೊಂದಿಗೆ, ಆಕ್ಟಾಕೋರ್ ಹಿಸಿಲಿಕೊನ್ ಕಿರಿನ್ 980 ಉತ್ತಮ ಪ್ರೊಸೆಸ್ಸರ್ ಹೊಂದಿರುವ ಈ ಸ್ಮಾರ್ಟ್‌ಫೋನ್ 6GB/8GB RAM ಆಯ್ಕೆ ನೀಡಲಾಗಿದ್ದು, 128GB/256GB ಆಂತರಿಕ ಸಂಗ್ರಹ ಸಾಮರ್ಥ್ಯವನ್ನು ಒಳಗೊಂಡಿರಲಿದೆ. ಆದರೆ ಬಾಹ್ಯ ಮೆಮೋರಿ ಸಂಗ್ರಹಕ್ಕೆ ಅವಕಾಶ ನೀಡಿಲ್ಲ ಎನ್ನುವುದು ಈ ಫೋನಿನ್ ನಕಾರಾತ್ಮಕ ಅಂಶ ಎನ್ನಬಹುದಾಗಿದೆ.

ಇತರೆ ವೈಶಿಷ್ಟತೆಗಳು

ಈ ಸ್ಮಾರ್ಟ್‌ಫೋನ್ 4000mAh ಸಾಮರ್ಥ್ಯದ ಪವರಫುಲ್ ಬ್ಯಾಟರಿ ಹೊಂದಿರುವುದು ಮತ್ತು ಇದು ಹೊರತೆಗೆಯಲು ಅಸಾಧ್ಯವಾಗಿದೆ. ಫಾಸ್ಟ್ ಚಾರ್ಜಿಂಗ್‌ ಸೌಲಭ್ಯ ಹೊಂದಿದೆ. ಕೆಂಪು, ಕಪ್ಪು ಮತ್ತು ನೀಲಿ ಬಣ್ಣಗಳಲ್ಲಿ ಈ ಸ್ಮಾರ್ಟ್‌ಫೋನ ಗ್ರಾಹಕರಿಗೆ ದೊರೆಯಲಿದೆ.