6,999ರೂ.ಗೆ ಲಾಂಚ್ ಆಯ್ತು ಇನ್‌ಫಿನಿಕ್ಸ್‌ನ ತ್ರಿವಳಿ ಕ್ಯಾಮೆರಾ ಫೋನ್!

ಡಿಸ್‌ಪ್ಲೇ

720x1520 ಪಿಕ್ಸಲ್‌ ರೆಸಲ್ಯೂಶನ್‌ ಸಾಮರ್ಥ್ಯದೊಂದಿಗೆ 6.21 ಇಂಚಿನ ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿದ್ದು, ಡಿಸ್‌ಪ್ಲೇಯ ಅನುಪಾತವು 19.5:9 ಆಗಿದೆ. ಹಾಗೇ ಡಿಸ್‌ಪ್ಲೇ ಪ್ರತಿ ಇಂಚಿ ಪಿಕ್ಸಲ್ ಸಾಂದ್ರತೆಯು 269 ಆಗಿದ್ದು, ತನ್ನ ವರ್ಗದಲ್ಲಿಯೇ ಉತ್ತಮವಾಗ ಡಿಸ್‌ಪ್ಲೇ ಎನ್ನಬಹುದಾಗಿದೆ.

ಪ್ರೊಸೆಸರ್‌

ಸಾಮರ್ಥ್ಯದ 2GHz ಹಿಲಿಯೊ 22 ಪ್ರೊಸೆಸರ್‌ ಈ ಸ್ಮಾರ್ಟ್‌ಫೋನಿನಲ್ಲಿ ಕಾರ್ಯನಿರ್ವಹಿಸಲಿದೆ. ಹಾಗೇ 2GBRAM ನೀಡಲಾಗಿದ್ದು, ಆಂತರಿಕ ಸಂಗ್ರಹಕ್ಕಾಗಿ 32GB ಸ್ಥಳಾವಕಾಶ ನೀಡಲಾಗಿದೆ.ಎಸ್‌ಡಿ ಕಾರ್ಡ್‌ ಮೂಲಕ ಬಾಹ್ಯವಾಗಿ 256GB ಸಂಗ್ರಹ ಸಾಮರ್ಥ್ಯ ಹೆಚ್ಚಿಸಿಕೊಳ್ಳಲು ಅವಕಾಶ ಮಾಡಿಕೊಡಲಾಗಿದೆ.

ಕ್ಯಾಮೆರಾ

ಇನ್‌ಫಿನಿಕ್ಸ್‌ ಸ್ಮಾರ್ಟ್ 3 ಪ್ಲಸ್‌ ಸ್ಮಾರ್ಟ್‌ಫೋನಿನಲ್ಲಿ ಮೂರು ಕ್ಯಾಮೆರಾಗಳನ್ನು ನೀಡಲಾಗಿದ್ದು, 13 ಮೆಗಾಪಿಕ್ಸಲ್ ಕ್ಯಾಮೆರಾ ಇದರ ಅಪಾರ್ಚರ್‌ (f/1.8) ಆಗಿದೆ ಹಾಗೇ ಸೆಕೆಂಡರಿ ಕ್ಯಾಮೆರಾವು 2 ಮೆಗಾಪಿಕ್ಸಲ್ ನಲ್ಲಿದೆ. ಸೆಲ್ಫಿಗಾಗಿ 8ಮೆಗಾಪಿಕ್ಸಲ್ ಕ್ಯಾಮೆರಾ ಒದಗಿಸಲಾಗಿದೆ.

ಬ್ಯಾಟರಿ

3500mAh ಸಾಮರ್ಥ್ಯದ ಬ್ಯಾಟರಿ ಒದಗಿಸಲಾಗಿದ್ದು, ಉತ್ತಮ ಬ್ಯಾಕ್‌ಅಪ್‌ ನೀಡುವ ಶಕ್ತಿಯನ್ನು ಪಡೆದಿದೆ. ಫಾಸ್ಟ್‌ ಚಾರ್ಜರ್‌ ಸೌಲಭ್ಯ ನೀಡಿಲ್ಲ ಆದರೆ ಉತ್ತಮ ಬೆಂಬಲ ನೀಡುವ ಚಾರ್ಜರ್‌ ನೀಡಲಾಗಿದೆ. ಹಾಗೇ ಬ್ಲೂಟೂತ್ v 5.00 ಸಾಮರ್ಥ್ಯದಲ್ಲಿದ್ದು, ವೇಗವಾಗಿ ಕನೆಕ್ಟ್‌ ಆಗಲಿದೆ.

ಬೆಲೆ ಮತ್ತು ಲಭ್ಯತೆ

ಇನ್‌ಫಿನಿಕ್ಸ್‌ ಕಂಪನಿಯ ಈ ಹೊಸ ಸ್ಮಾರ್ಟ್‌ಫೋನ್ ಎರಡು ಕಲರ್ ಗಳ ಆಯ್ಕೆಯಲ್ಲಿ ಲಭ್ಯವಿದ್ದು, ಮಿಡ್‌ನೈಟ್‌ ಬ್ಲ್ಯಾಕ್‌, ಶಾಪಿಯರ್‌ ಕಲರ್‌. ದೇಶಿಯ ಮಾರುಕಟ್ಟೆಯಲ್ಲಿ ಈ ಸ್ಮಾರ್ಟ್‌ಫೋನಿನ ಆರಂಭಿಕ ಬೆಲೆಯು 6,999ರೂ.ಗಳು ಆಗಿದ್ದು, ಪ್ರಮುಖ ಇ ಕಾಮರ್ಸ್‌ ತಾಣ ಫ್ಲಿಪ್‌ಕಾರ್ಟ್‌ನಲ್ಲಿ ದೊರೆಯಲಿದೆ.