ಆಪಲ್‌ನ ಐಫೋನ್‌ 6ನಲ್ಲಿ ಏನೇನು ವಿಶೇಷತೆಗಳಿವೆ?

ವದಂತಿ 1

ಆಪಲ್‌ನ ಐಫೋನ್‌ 6 ಸೋಲಾರ್‌ ಚಾರ್ಜಿಂಗ್‌‌ ಟಚ್‌ಸ್ಕ್ರೀನ್‌ ವಿಶೇಷತೆಯೊಂದಿಗೆ ಬರಲಿದೆಯಂತೆ. ಇದೇ ಫೆಬ್ರವರಿಯಲ್ಲಿ ಸೋಲಾರ್‌ ಚಾರ್ಜಿಂಗ್‌ ಟಚ್‌ಸ್ಕ್ರೀನ್‌ಗೆ ಸಂಬಂಧಿಸಿದಂತೆ ಪೆಟೆಂಟ್‌(ಹಕ್ಕು ಸ್ವಾಮ್ಯ)‌ ಪಡೆಯಲು ಆಪಲ್‌ ಅರ್ಜಿ ದಾಖಲಿಸಿದೆ. ಹೀಗಾಗಿ ಆಪಲ್‌ನ ಸೋಲಾರ್‌ ಟಚ್‌ಸ್ಕ್ರೀನ್‌ ಈ ವದಂತಿಗೆ ಈ ಸುದ್ದಿ ಮತ್ತಷ್ಟು ಪುಷ್ಠಿ ನೀಡಿದ್ದು ಆಪಲ್‌ ಈ ಟಚ್‌ಸ್ಕ್ರೀನ್‌ ತಯಾರಿಸಲು ಮುಂದಾಗುತ್ತಿದೆ ಎಂದು ಹೇಳಲಾಗುತ್ತಿದೆ.

ವದಂತಿ 2

ಐಫೋನ್‌6ನ್ನು ಉನ್ನತ ಗುಣಮಟ್ಟದ ತಂತ್ರಜ್ಞಾನದಿಂದ ತಯಾರಿಸಲು ಆಪಲ್‌ ಮುಂದಾಗುತ್ತಿದ್ದು ಅದಕ್ಕಾಗಿ ಐಫೋನ್‌ಗೆ ಸಪ್‌ಹೈರ್‌(Sapphire) ಗ್ಲಾಸ್‌ ಅಳವಡಿಸಲು ಮುಂದಾಗಲಿದೆ. ಈಗ ಸ್ಮಾರ್ಟ್‌ಫೋನಲ್ಲಿ ಬಳಕೆಯಾಗಲಿರುವ ಕಾರ್ನಿಂಗ್ ಗೊರಿಲ್ಲ ಗ್ಲಾಸ್‌‌ಗಿಂತಲೂ ಮೂರು ಪಟ್ಟು ಗಟ್ಟಿ ಮತ್ತು ಗೀರು(ಸ್ಕ್ರಾಚ್) ನಿರೋಧಕ ಶಕ್ತಿ ಈ ಗ್ಲಾಸ್‌‌ನಲ್ಲಿ ಹೆಚ್ಚು ಇರುತ್ತದೆ. ಉದಾ:ಒಂದು ಗೊರಿಲ್ಲ ಗ್ಲಾಸ್‌ಗೆ 150 ರೂಪಾಯಿ ಆದರೆ, ಆದೇ ಗಾತ್ರದ ಸಪ್‌ಹೈರ್‌ ಗ್ಲಾಸ್‌ 1500 ರೂಪಾಯಿ ಆಗಲಿದೆ. ಹೀಗಾಗಿ ಐಫೋನ್‌6 ಬೆಲೆ ಮತ್ತಷ್ಟು ದುಬಾರಿಯಾಗಲಿದೆ.

ವದಂತಿ 3

ಐಫೋನ್‌ 5ಎಸ್‌ನ್ನು ಮೂರು ಆಂತರಿಕ ಮೆಮೋರಿಯಲ್ಲಿ(16/32/64GB) ಬಿಡುಗಡೆ ಮಾಡಿತ್ತು. ಆದರೆ ಹೊಸದಾಗಿ ಬರಲಿರುವ ಐಫೋನ್‌‌ 6ನ್ನು 128GBಯಲ್ಲಿ ಆಪಲ್‌ ಬಿಡುಗಡೆ ಮಾಡಲು ಮುಂದಾಗುತ್ತಿದೆ ಎಂದು ಹೇಳಲಾಗುತ್ತಿದೆ.

ವದಂತಿ 4

ಈಗಾಗಲೇ ಐಫೋನ್‌ 5 ಎಸ್‌ನಲ್ಲಿ8 ಎಂಪಿ ಕ್ಯಾಮೆರಾ ನೀಡಲಾಗಿದೆ. ಮುಂದಿನ ಐಫೋನ್‌‌ 6ನಲ್ಲಿ 13 ಎಂಪಿ ಕ್ಯಾಮೆರಾದ ಜೊತೆಗೆ ಕಡಿಮೆ ಬೆಳಕಿನಲ್ಲಿ ಉತ್ತಮ ಫೋಟೋ ಕ್ಲಿಕ್ಕಿಸಲು ಮತ್ತಷ್ಟು ಸೆನ್ಸರ್‌ಗಳನ್ನು ಸೇರಿಸಲು ಆಪಲ್‌ ಮುಂದಾಗುತ್ತಿದೆ.

ವದಂತಿ 5

ಐಫೋನ್‌ ಕೆಲಸ ಗಳನ್ನು ಮತ್ತಷ್ಟು ವೇಗವಾಗಿ ಮಾಡಲು ಅಕ್ಟಾ ಕೋರ್‍ ಪ್ರೊಸೆಸರ್‌ನ್ನು ಈ ಐಫೋನ್‌ಗೆ ಆಪಲ್‌ ನೀಡುವ ಸಾಧ್ಯತೆ ಇದೆ.