ಲೆನೊವೊ K8 ನೋಟ್ ಲಾಂಚ್: ಬೆಲೆ, ವಿಶೇಷತೆಗಳು.!!

ಡಿಸೈನ್ ಮತ್ತು ಡಿಸ್‌ಪ್ಲೇ:

ಲೆನೊವೊ K8 ನೋಟ್ ಸ್ಮಾರ್ಟ್‌ಫೋನಿನಲ್ಲಿ 5.5 ಇಂಚಿನ ಡಿಸ್‌ಪ್ಲೇ ಇದ್ದು, FHD ಗುಣಮಟ್ಟವನ್ನು ಹೊಂದಿದೆ. ಜೊತೆಗೆ ಗೊರಿಲ್ಲಾ ಗ್ಲಾಸ್ ಸುರಕ್ಷತೆಯನ್ನು ಒಳಗೊಂಡಿದೆ. ಅಲ್ಯೂಮಿನಿಯಮ್ ನಿಂದ ಈ ಫೋನ್ ನಿರ್ಮಾಣವಾಗಿಟ್ಟು ಗಟ್ಟಿಯಾಗಿದ್ದು, ಬಿದ್ದರು ಒಡೆಯುವುದಿಲ್ಲ ಎನ್ನಲಾಗಿದೆ.

ಹಾರ್ಡ್‌ವೇರ್ ಮತ್ತು ಸಾಫ್ಟ್‌ವೇರ್:

ಲೆನೊವೊ K8 ನೋಟ್ ಫೋನಿನಲ್ಲಿ ಡಿಕಾ ಕೋರ್ ಮೀಡಿಯಾ ಟೆಕ್ ಹೆಲಿಯೊ X20 ಪ್ರೋಸೆಸರ್ ಅಳವಡಿಸಲಾಗಿದ್ದು, 3GB/4GB RAM ನೊಂದಿಗೆ ದೊರೆಯಲಿದೆ. ಇದರೊಂದಿಗೆ 32GB/64GB ಇಂಟರ್ನಲ್ ಮೆಮೊರಿಯನ್ನು ಹೊಂದಿದೆ. ಅಲ್ಲದೇ SD ಕಾರ್ಡ್ ಹಾಕಿಕೊಂಡು ಮೆಮೊರಿಯನ್ನು ವಿಸ್ತರಿಸಿಕೊಳ್ಳುವ ಅವಕಾಶವನ್ನು ಮಾಡಿಕೊಡಲಿದೆ. ಆಂಡ್ರಾಯ್ಡ್ ನ್ಯಾಗಾದಲ್ಲಿ ಕಾರ್ಯನಿರ್ವಹಿಸಲಿದೆ.

ಕ್ಯಾಮೆರಾ:

ಲೆನೊವೊ K8 ನೋಟ್ ಫೋನಿನ ಹಿಂಭಾಗದಲ್ಲಿ 13MP + 5MP ಡ್ಯುಯಲ್ ಕ್ಯಾಮೆರಾ ಸೆಟಪ್ ಅನ್ನು ನೀಡಲಾಗಿದೆ ಜೊತೆಗೆ ಡ್ಯುಯಲ್ LED ಲೈಟ್ ಸಹ ಇದೆ. ಮುಂಭಾಗದಲ್ಲಿ 13MP ಸೆಲ್ಫಿ ಕ್ಯಾಮೆರಾವನ್ನು ಕಾಣಬಹುದಾಗಿದೆ. ಇದು ಕಡಿಮೆ ಬೆಳಕಿನಲ್ಲಿಯೂ ಉತ್ತಮ ಫೋಟೊ ತೆಗೆಯಲು ಶಕ್ತವಾಗಿದೆ .

ಬ್ಯಾಟರಿ:

ಲೆನೊವೊ K8 ನೋಟ್ ಸ್ಮಾರ್ಟ್‌ಫೋನಿನಲ್ಲಿ 4000mAh ಬ್ಯಾಟರಿಯನ್ನು ಕಾಣಬಹುದಾಗಿದೆ. ಅಲ್ಲದೇ ಈ ಫೋನಿನಲ್ಲಿ ಎರಡು ಸಿಮ್ ಮತ್ತು ಒಂದು ಮೆಮೊರಿ ಕಾರ್ಡ್ ಅನ್ನು ಒಟ್ಟಾಗಿ ಬಳಸಿಕೊಳ್ಳುವ ಅವಕಾಶವನ್ನು ನೀಡಲಾಗಿದೆ. ಇದಲ್ಲದೇ USB OTG ಸೌಲಭ್ಯ ಸಹ ಇದರಲ್ಲಿದೆ.

ಬೆಲೆ ಮತ್ತು ಲಭ್ಯತೆ:

ಲೆನೊವೊ K8 ನೋಟ್ ಸ್ಮಾರ್ಟ್‌ಫೋನ್ ಒಟ್ಟು ಎರಡು ಬಣ್ಣದಲ್ಲಿ ದೊರೆಯಲಿದ್ದು, ಬ್ಲಾಕ್ ಮತ್ತು ಗೋಲ್ಡ್ ಬಣ್ಣದಲ್ಲಿ ಲಭ್ಯವಿದೆ. ಒಟ್ಟು ಎರಡು ಆವೃತ್ತಿಯಿದ್ದು, ಇದು ಕ್ರಮವಾಗಿ ರೂ.12,999 ಮತ್ತು ರೂ.13,999 ಗೆ ದೊರೆಯುತ್ತಿದೆ. ಆಗಸ್ಟ್ 12ರಿಂದ ಅಮೆಜಾನ್‌ನಲ್ಲಿ ದೊರೆಯಲಿದೆ.