ದೀಪಾವಳಿ ಧಮಾಕ: ಅಂಬಾನಿ ಸಿಡಿಸಿದ ಡೇಟಾ ಪಟಾಕಿ '1GBಗೆ ರೂ.5 ಮಾತ್ರ'.!!

ಟ್ವೀಟ್ ಮಾಡಿದ ಅಂಬಾನಿ ಮುದ್ದು ಮಗಳು:

ಜಿಯೋ ಫೋನ್ ಲಾಚಿಂಗ್ ವೇಳೆ ವೇದಿಕೆಯ ಮೇಲೆ ಫೋನಿನ ವಿಶೇಷತೆಗಳನ್ನು ತಿಳಿಸಿಕೊಡಲು ತಮ್ಮ ಮಕ್ಕಳಿಗೆ ಅವಕಾಶ ಮಾಡಿಕೊಟ್ಟಿದ್ದ ಅಂಬಾನಿ, ಈ ಬಾರಿ ಜಿಯೋ ಫೈಬರ್ ಕುರಿತ ಮಾಹಿತಿಯನ್ನು ಅಂಬಾನಿ ಮಗಳು ಇಶಾ ಹಂಚಿಕೊಂಡಿದ್ದಾರೆ. ಜಿಯೋ ಫೈವರ್ ರೌಟರ್ ಫೋಟೊವನ್ನು ಟ್ವೀಟ್ ಮಾಡಿದ್ದಾರೆ.

ದೀಪಾವಳಿ ಧಮಾಕ:

ಜಿಯೋ ದೀಪಾವಳಿಗೆ ಭರ್ಜರಿ ಆಫರ್ ಅನ್ನು ನೀಡಿದೆ. ದೀಪಾವಳಿಯನ್ನು ಮತ್ತಷ್ಟು ಸಂಭ್ರಮ ಗೊಳಿಸಲು ತನ್ನ ಬ್ರಾಡ್‌ ಬ್ಯಾಂಡ್ ಸೇವೆಯನ್ನು ಲಾಂಚ್ ಮಾಡುತ್ತಿದೆ. ಒಟ್ಟಿನಲ್ಲಿ ತನ್ನ ನಂಬಿದ ಗ್ರಾಹಕರಿಗೆ ಆಚ್ಚರಿಯನ್ನು ನೀಡಲು ಮುಂದಾಗಿದೆ.

ರೂ.500ಕ್ಕೆ ಒಂದು GB ಡೇಟಾ:

ಜಿಯೋ ಫೈಬರ್ ಆರಂಭಿಕ ಕೊಡುಗೆಯಾಗಿ ತಿಂಗಳಿಗೆ ರೂ.500ಕ್ಕೆ 100 GB ಡೇಟಾವನ್ನು ನೀಡುವುದಾಗಿ ತಿಳಿಸಿದೆ. ಈ ಹಿಂದೆ ಜಿಯೋ 4G VoLTE ಸೇವೆಯನ್ನು ಆರಂಭಿಸಿದ ಸಂದರ್ಭದಲ್ಲಿಯೂ ಇದೇ ಮಾದರಿಯ ಆಫರ್ ನೀಡಿದ್ದನ್ನು ನಾವಿಲ್ಲಿ ನೆನಪಿಸಿಕೊಳ್ಳಬಹುದು.

ಮೂರು ತಿಂಗಳ ಕೊಡುಗೆ:

ಮೂಲಗಳ ಪ್ರಕಾರ ಇದಲ್ಲದೇ ಮೊದಲ ಮೂರು ತಿಂಗಳಿಗೆ ಪ್ರಮೋಷನ್ ಆಫರ್ ವೊಂದನ್ನು ಜಿಯೋ ಬಿಡುಗಡೆ ಮಾಡಲಿದೆ ಎನ್ನಲಾಗಿದೆ. ಆದರೆ ಈ ಬಗ್ಗೆ ಯಾವುದೇ ಖಚಿತ ಮಾಹಿತಿಯೂ ದೊರೆತಿಲ್ಲ ಎನ್ನಲಾಗಿದೆ.

100 ಸಿಟಿಗಳಲ್ಲಿ ಸೇವೆ ಲಭ್ಯ:

ಭಾರತದಲ್ಲಿ ಪ್ರಥಮವಾಗಿ ಸುಮಾರು 100 ಸಿಟಿಗಳಲ್ಲಿ ಸೇವೆಯನ್ನು ಜಿಯೋ ಫೈಬರ್ ನೀಡಲಿದೆ ಎನ್ನಲಾಗಿದೆ. ಇದಾದ ನಂತರದಲ್ಲಿ ಎಲ್ಲಾ ನಗರ ಮತ್ತು ಗ್ರಾಮೀಣ ಭಾಗಕ್ಕೂ ಸೇವೆಯನ್ನು ವಿಸ್ತರಿಸಲಿದೆ ಎಂದು ಮಾಹಿತಿ ಲಭ್ಯವಾಗಿದೆ.

1Gbps ವೇಗ:

ಇದಲ್ಲದೇ ಜಿಯೋ ಫೈಬರ್ ಭಾರತದಲ್ಲಿ ಅತೀ ವೇಗದ ಬ್ರಾಡ್ ಬ್ಯಾಂಡ್ ಸೇವೆಯನ್ನು ನೀಡಲಿದೆ. ಇದಕ್ಕಾಗಿ 1Gbps ವೇಗ ಸೇವೆಯನ್ನು ನೀಡಲಿದೆ. ಇದಕ್ಕಾಗಿಯೇ ಆಪ್ಟಿಕಲ್ ಫೈಬರ್ ಅನ್ನು ಬಳಕೆ ಮಾಡಿಕೊಳ್ಳುತ್ತಿದೆ.