ಮತ್ತೆ ಬಿಡುಗಡೆ ಆಯ್ತು ನೋಕಿಯಾ 3310: 1 ತಿಂಗಳ ಬ್ಯಾಟರಿ ಬಾಳಿಕೆ, ಕ್ಯಾಮೆರಾ ಇನ್ನು ಹಲವು.!!!

ನೋಕಿಯಾ 3310 ಫೀಚರ್ ಫೋನನ್ನು ಮತ್ತೆ ಹೊಸ ರೂಪದಲ್ಲಿ ಬಿಡುಗಡೆ ಮಾಡಿದೆ.

| Updated: Monday, February 27, 2017, 11:04 [IST]

ನೋಕಿಯಾ ನಿರೀಕ್ಷೆಯಂತೆ ತನ್ನ ಕ್ಲಾಸಿಕ್ ಪೋನುಗಳಲ್ಲಿ ಒಂದಾದ ನೋಕಿಯಾ 3310 ಫೀಚರ್ ಫೋನನ್ನು ಮತ್ತೆ ಹೊಸ ರೂಪದಲ್ಲಿ ಬಿಡುಗಡೆ ಮಾಡಿದ್ದು, ಶೀಘ್ರವೇ ಮಾರುಕಟ್ಟೆಯನ್ನು ಪ್ರವೇಶಿಸಲಿದೆ.

ಮತ್ತೆ ಬಿಡುಗಡೆ ಆಯ್ತು ನೋಕಿಯಾ 3310: 1 ತಿಂಗಳ ಬ್ಯಾಟರಿ ಬಾಳಿಕೆ..!!

ಓದಿರಿ: 2GB RAM, 13MP ಕ್ಯಾಮೆರಾ ಹೊಂದಿರುವ ನೋಕಿಯಾ 3: ಬೆಲೆ 10,500 ರೂ.ಗಳು ಮಾತ್ರ..!!!

ಬಾರ್ಸಿಲೋನಾದಲ್ಲಿ ನಡೆಯುತ್ತಿರುವ ಮೊಬೈಲ್ ವರ್ಲ್ಡ್ ಕಾಂಗ್ರೆಸ್‍ ಸಮಾವೇಶದಲ್ಲಿ 17 ವರ್ಷಗಳ ಬಳಿಕ ನೋಕಿಯಾ 3310 ಪರಿಚಯಗೊಳಿಸಲಾಗಿದ್ದು, ಸದ್ಯ ಈ ಪೋನಿನ ಬೆಲೆ EUR 49 ಆಗಿದ್ದು, ಭಾರತೀಯ ಕರೆಸ್ಸಿಯಲ್ಲಿ 3,500 ರೂ ಗಳಾಗಲಿದೆ. ಆದರೆ ಭಾರತದಲ್ಲಿ ಲಾಂಚ್ ಆಗುವ ವೇಳೆಯಲ್ಲಿ ಬೆಲೆ ಮತ್ತಷ್ಟು ಕಡಿಮೆಯಾಗಲಿದ್ದು, ಸುಮಾರು 2,500 ರೂ ಗಳಿಗೆ ಲಭ್ಯವಿರಲಿದೆ ಎನ್ನುವ ಮಾಹಿತಿ ಲಭ್ಯವಾಗಿದೆ.

ನೋಕಿಯಾ 3310ಪೋನ್‌ ಹೇಗಿದೆ:

ನೋಕಿಯಾ 3310 ಪೋನು 2.4 ಇಂಚಿನ ಟಿಎಫ್‍ಟಿ (320X240) ಕಲರ್ ಡಿಸ್‌ಪ್ಲೇ ಹೊಂದಿದ್ದು, 112.8 ಮಿ ಮೀಟರ್ ದಪ್ಪ, 79.6 ಗ್ರಾಂ ತೂಕವನ್ನು ಹೊಂದಿದೆ.

ಕ್ಯಾಮೆರ ಸಹ ನೀಡಲಾಗಿದೆ:

ನೋಕಿಯಾ 3310 ಪೋನಿನಲ್ಲಿ LED ಫ್ಲಾಶ್ ಲೈಟ್‌ನೊಂಡಿದಿಗೆ 2 MP ಕ್ಯಾಮೆರಾವನ್ನು ನೀಡಲಾಗದೆ, ಮಿನಿ ಸಿಮ್ ಹಾಕಬಹುದು. 2ಜಿ ನೆಟ್‍ವರ್ಕಿನಲ್ಲಿ ಈ ಪೋನ್ ವರ್ಕ್ ಆಗಲಿದ್ದು, ನೋಕಿಯಾ ಸೀರಿಸ್ 30+ OSನಲ್ಲಿ ಕಾರ್ಯ ನಿರ್ವಹಿಸಲಿದೆ.

ಒಂದು ತಿಂಗಳ ಬ್ಯಾಟರಿ ಸ್ಟ್ಯಾಂಡ್ ಬೈ:

ನೋಕಿಯಾ 3310 ಪೋನಿನಲ್ಲಿ ತೆಗೆಯಬಹುದಾದ 1,200mAh ಬ್ಯಾಟರಿಯನ್ನು ನೀಡಲಾಗಿದ್ದು, 22 ಗಂಟೆಗಳ ಟಾಕ್ ಟೈಂ ಹೊಂದಿರುವ ಈ ಬ್ಯಾಟರಿ 1 ತಿಂಗಳ ಕಾಲ ಸ್ಟ್ಯಾಂಡ್ ಬೈ ಟೈಂ ಹೊಂದಿದೆ ಎನ್ನಲಾಗಿದೆ.

ಎಫ್‍ಎಂ ರೇಡಿಯೋ ಸಹ ನೀಡಲಾಗಿದೆ:

ನೋಕಿಯಾ 3310 ಪೋನಿನಲ್ಲಿ ಎಫ್‍ಎಂ ರೇಡಿಯೋ ನೀಡಲಾಗಿದ್ದು, ಪೋನಿನಲ್ಲಿ 16 MB ಆಂತರಿಕ ಮೆಮೊರಿ ಇದ್ದು, ಗ್ರಾಹಕರು ಮೈಕ್ರೊ SD ಕಾರ್ಡ್‌ ಹಾಕಿಕೊಳ್ಳುವ ಮೂಲಕ 32 ಜಿಬಿವರೆಗೆ ಮಮೊರಿಯನ್ನು ವಿಸ್ತರಿಸಿಕೊಳ್ಳುವ ಅವಕಾಶವನ್ನು ನೀಡಲಾಗಿದೆ.