ನೋಕಿಯಾ 7ನಲ್ಲಿ ಸೆಲ್ಫಿ ಅಲ್ಲ, ಬೋತಿ ಕ್ಯಾಮೆರಾ ಇದೆ.! ವಿಶೇಷತೆ ಏನು..?

ನೋಕಿಯಾ 7 ಹೇಗಿರಲಿದೆ:

ನೋಕಿಯಾ 7 ಸ್ಮಾರ್ಟ್‌ಫೋನ್ ಮಧ್ಯಮ ಬೆಲೆಯ ಫೋನ್ ಆಗಿರಲಿದ್ದು, 5.2 ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿರಲಿದೆ. IPS LCD ಡಿಸ್‌ಪ್ಲೇ ಇದಾಗಲಿದೆ. ಅಲ್ಲದೇ ವೇಗವಾಗಿ ಕಾರ್ಯನಿರ್ವಹಿಸುವ ಸಲುವಾಗಿ ಸ್ನಾಪ್‌ಡ್ರಾಗನ್ 630 ಪ್ರೋಸೆಸರ್ ಅನ್ನು ಕಾಣಬಹುದಾಗಿದೆ.

ಎರಡು ಆವೃತ್ತಿಯಲ್ಲಿ ಲಭ್ಯ:

ಎರಡು ಆವೃತ್ತಿಯಲ್ಲಿ ದೊರೆಯುತ್ತಿರುವ ಮೊದಲ ನೋಕಿಯಾ ಫೋನ್ ಇದಾಗಲಿದ್ದು, 4G RAM-64GB ROM ಮತ್ತು 6GB RAM ಮತ್ತು 128GB ROM ಇರುವ ಎರಡು ಆವೃತ್ತಿಯ ಫೋನ್‌ಗಳು ಲಾಂಚ್ ಆಗಲಿದೆ ಎನ್ನುವ ಮಾಹಿತಿಯೂ ಲಭ್ಯವಾಗಿದೆ.

ವಿಶೇಷ ಕ್ಯಾಮೆರಾ ಇದರಲ್ಲಿದೆ:

ನೋಕಿಯಾ 7 ಸ್ಮಾರ್ಟ್‌ಫೋನಿನಲ್ಲಿ ವಿಶೇಷವಾದ ಕ್ಯಾಮೆರಾ ಸೆಟ್ಟಿಂಗ್ ಅನ್ನು ಕಾಣಬಹುದಾಗಿದೆ. ಈ ಫೋನಿನಲ್ಲಿ 16 MP ಹಿಂಭಾಗದ ಕ್ಯಾಮೆರಾ ಮತ್ತು 5MP ಮುಂಭಾಗದ ಕ್ಯಾಮೆರಾವನ್ನು ಕಾಣಬಹುದಾಗಿದೆ. ಈ ಎರಡು ಕ್ಯಾಮೆರಾಗಳು ಒಂದೇ ಸಮಯದಲ್ಲಿ ಫೋಟೋವನ್ನು ಕ್ಯಾಪ್ಷರ್ ಮಾಡಲಿದೆ.

ಬೆಲೆ:

ಸದ್ಯ ಮಾರುಕಟ್ಟೆಯಲ್ಲಿ ದೊರೆಯುತ್ತಿರುವ ನೋಕಿಯಾ 8 ಬೆಲೆಗಿಂತಲೂ ಕಡಿಮೆ ಮತ್ತು ನೋಕಿಯಾ 6 ಗಿಂತಲೂ ಬೆಲೆ ಅಧಿಕವಾಗಿರಲಿದೆ ಎನ್ನಲಾಗಿದ್ದು, ಮಾರುಕಟ್ಟೆಯ ದರ ಸಮರದ ಆಧಾರದ ಮೇಲೆ ಬೆಲೆಯನ್ನು ಬಿಡುಗಡೆ ಸಮಯದಲ್ಲಿ ಕಂಪನಿಯೂ ತಿಳಿಸಲಿದೆ ಎನ್ನಲಾಗಿದೆ.