ನಮ್ಮ ಮೆಟ್ರೋದಲ್ಲಿ ಓಡಾಡ್ತಿರಾ..? ಹಾಗಿದ್ರೆ ಜಿಯೋ ಬೇಕೆ ಬೇಕು..! ಯಾಕೆ ಗೊತ್ತಾ..?

ಜಿಯೋ ಬಿಟ್ಟು ಇನ್ಯಾವುದು ಇಲ್ಲ:

ನಮ್ಮ ಮೆಟ್ರೋದಲ್ಲಿ ಅದರಲ್ಲೂ ಸುರಂಗ ಮಾರ್ಗದಲ್ಲಿ ಜಿಯೋ ಹೊರತುಪಡಿಸಿ ಬಿಎಸ್‌ಎನ್‌ಎಲ್ ಸೇರಿದಂತೆ ಎಲ್ಲಾ ಟೆಲಿಕಾಂ ಕಂಪನಿಗಳ ಸಿಗ್ನಲ್ ಕಡಿತಗೊಳ್ಳಲಿದೆ. ಈ ಹಿನ್ನಲೆಯಲ್ಲಿ ಜಿಯೋ ಬಿಟ್ಟು ಬೇರೆ ಕಂಪನಿಗಳ ಗ್ರಾಹಕರು ಪರದಾಡುವಂತಾಗಿದೆ.

ಸಿಗ್ನಲ್ ಯಾಕಿಲ್ಲ?

ಮೆಟ್ರೋ ಸುರಂಗ ಮಾರ್ಗದಲ್ಲಿ ಸಿಗ್ನಲ್ ಸಿಗಬೇಕಾದರೆ ಟೆಲಿಕಾಂ ಕಂಪನಿಗಳು ಅಮೆರಿಕನ್ ಟವರ್ ಕಾರ್ಪೊರೇಶನ್ ಜೊತೆ ಒಪ್ಪಂದ ಮಾಡಿಕೊಳ್ಳಬೇಕು. ಆದರೆ ದುಬಾರಿ ಬೆಲೆ ಎನ್ನುವ ಕಾರಣಕ್ಕೆ ಒಪ್ಪಂದ ಮಾಡಿಕೊಳ್ಳಲು ಹಿಂದೇಟು ಹಾಕಲಾಗುತ್ತಿದೆ ಎನ್ನಲಾಗಿದೆ. ಆದರೆ ಜಿಯೋ ಕಂಪನಿ ಮಾತ್ರ ಒಡಂಬಡಿಕೆ ಮಾಡಿಕೊಂಡಿದೆ. ಹಾಗಾಗಿ ಜಿಯೋ ಗ್ರಾಹಕರು ಮಾತ್ರ ಸದ್ಯ ಮೆಟ್ರೋ ಸುರಂಗ ನಿಲ್ದಾಣ ಹಾಗೂ ಸುರಂಗ ಮಾರ್ಗದಲ್ಲಿಯೂ ಮೊಬೈಲ್ ಸೇವೆ ಪಡೆಯುತ್ತಿದ್ದಾರೆ.

ಏನೀದು ಒಪ್ಪಂದ:

ಮೆಟ್ರೋ ಮಾರ್ಗದ ಸುರಂಗ ಮಾರ್ಗ ಸೇರಿದಂತೆ ಎಲ್ಲಾ 40 ನಿಲ್ದಾಣಗಳಲ್ಲಿಯೂ ಮೊಬೈಲ್ ನೆಟ್‌ವರ್ಕ್ ಸೌಕರ್ಯ ಅಭಿವೃದ್ಧಿಪಡಿಸಲಾಗಿದೆ. ಅದಕ್ಕಾಗಿ ಅಮೆರಿಕನ್ ಟವರ್ ಕಾರ್ಪೊರೇಶನ್ 700 ಚದರ ಜಾಗ ಪಡೆದಿದ್ದು, 8,500 ರೂ. ಮಾಸಿಕ ಬಾಡಿಗೆ ನೀಡುತ್ತಿದೆ. ಈ ಕಂಪನಿ 59.90ಲಕ್ಷ ಮಾಸಿಕದಂತೆ ನೀಡುವ ಬಾಡಿಗೆ ಹಣದಿಂದ 7.14 ಕೋಟಿ ವಾರ್ಷಿಕ ಆದಾಯ ಬಿಎಂಆರ್‌‌‌ಸಿಎಲ್‌‌ಗೆ ಲಭಿಸುತ್ತಿದೆ.