'ನೂಬಿಯಾದ' ಈ ಹೊಸ ಫೋನ್ ಕೈಯಲ್ಲಿ ಹಿಡಿಯುವುದಲ್ಲ! ಕೈಗೆ ಧರಿಸುವುದು!!

ಫೀಟ್‌ನೆಸ್ಸ್ ಟ್ರಾಕರ್‌!

ನೂಬಿಯಾ ಅಲ್ಫಾದ ಈ ಫೋನ್ ಕೇವಲ ಧರಿಸುವ ಫೋನ್ ಅಷ್ಟೇ ಅಲ್ಲ. ಬದಲಾಗಿ ಇದು ನಿಮ್ಮ ಫೀಟ್‌ನೆಸ್‌ ಟ್ರಾಕರ್‌ ಆಗಿ ಕಾರ್ಯನಿರ್ವಹಿಸಲಿದೆ. ಹಾರ್ಟ್‌ಬೀಟ್‌ ಪಲ್ಸ್‌ರೇಟ್, ಕ್ಯಾಲೋರಿ ಏರಿಳಿತದ ಲೆಕ್ಕಾಚಾರ, ನಡಿಗೆಯ ಸೇರಿದಂತೆ ಫೀಟ್‌ನೆಸ್‌ ಟ್ರಾಕ್‌ ಮಾಡಲಿದೆ.

ವಿನ್ಯಾಸ್

ಈ ಧರಿಸುವ ಫೋನ್ ಆಕರ್ಷಕ ರಚನೆಯನ್ನು ಹೊಂದಿದ್ದು, ಫೀಟ್‌ನೆಸ್ಸ್ ಪ್ರಿಯರಿಗೆ ಹೇಳಿ ಮಾಡಿಸಿದಂತಿದೆ. ಸ್ಟೈನ್‌ಲೆಸ್ ಸ್ಟೀಲ್‌ನಿಂದ ರಚಿತವಾಗಿದ್ದು, ಬ್ಲ್ಯಾಕ್‌ ಮತ್ತು ಗೋಲ್ಡ್‌ ಬಣ್ಣಗಳಲ್ಲಿ ಲಭ್ಯವಿರಲಿದೆ. ಫ್ರಂಟ್‌ ಕ್ಯಾಮೆರಾ ಮತ್ತು ಬಟನ್ ನೀಡಲಾಗಿದ್ದು, ಫೇಕ್ಸಿಬಲ್‌ ರಚನೆಯನ್ನು ಹೊಂದಿದೆ.

ಡಿಸ್‌ಪ್ಲೇ

4 ಇಂಚಿನ OLED ಡಿಸ್‌ಪ್ಲೇಯನ್ನು ಹೊಂದಿರುವ ಈ ಫೋನ್, 90 ದಶಕದ ಕ್ಯಾಮೆರಾ ನೆಗೆಟಿವ್ ಫೀಲ್ಮ್ ರೋಲ್ ಮಾದರಿಯಲ್ಲಿ ಇದರ ಡಿಸ್‌ಪ್ಲೇಯನ್ನು ಕಾಣಿಸಲಿದೆ. ಅಡ್ಡವಾದ ಆಕಾರವನ್ನು ಹೊಂದಿರುವ ಈ ಡಿಸ್‌ಪ್ಲೇಯು ಕೈಗೆ ಧರಿಸಿದಾಗ ಮುಂಗೈಯ ಅರ್ಧಭಾಗ ಆವರಿಸಿಕೊಳ್ಳುತ್ತದೆ.

ಕ್ಯಾಮೆರಾ ಮತ್ತು ಮೈಕ್ರೋಫೋನ್

ನೂಬಿಯಾ ಅಲ್ಫಾ 'ಧರಿಸುವ ಫೋನಿ'ನಲ್ಲಿ 5 ಮೆಗಾಪಿಕ್ಸಲ್ ಸಾಮರ್ಥ್ಯದ ಫ್ರಂಟ್‌ ಕ್ಯಾಮೆರಾವನ್ನು ನೀಡಲಾಗಿದೆ. ಇದರಲ್ಲಿ ಸೆಲ್ಫಿ ಫೋಟೋಗಳನ್ನು ಸೆರೆಹಿಡಿಯಬಹುದಾಗಿದೆ. ಇದರಲ್ಲಿ ಮೈಕ್ರೋಫೋನ್ ಅಳವಡಿಸಲಾಗಿದ್ದು, ಈ ಫೋನಿನಲ್ಲಿ ಕರೆಗಳನ್ನು ಮಾಡಬಹುದಾಗಿದೆ.

ಪ್ರೊಸೆಸರ್

ಸ್ನ್ಯಾಪ್‌ಡ್ರಾಗನ್ ವೇರ್ 2100 ಚಿಪ್‌ ಸೆಟ್‌ ಪ್ರೊಸೆಸರ್‌ ಅನ್ನು ಹೊಂದಿರುವ ಈ ಫೋನ್ 1GB RAM ಮತ್ತು 8GB ಆಂತರಿಕ ಸಂಗ್ರಹ ಸಾಮರ್ಥ್ಯವನ್ನು ಸಹ ಒಳಗೊಂಡಿದೆ. ಇದರೊಂದಿಗೆ 500mAh ಸಾಮರ್ಥ್ಯದ ಬ್ಯಾಟರಿ ಶಕ್ತಿಯನ್ನು ಹೊಂದಿದ್ದು, ಈ ಬ್ಯಾಟರಿ ಎರಡು ದಿನಗಳ ವರೆಗೆ ಬಾಳಿಕೆ ಬರಲಿದೆ.

ಲಭ್ಯತೆ ಮತ್ತು ಬೆಲೆ?

ಉತ್ತರ ಅಮೆರಿಕಾ ಮತ್ತು ಯೂರೋಪ್ ದೇಶಗಳಲ್ಲಿ ನೂಬಿಯಾ ಅಲ್ಫಾ ಬ್ಲೂಟೂತ್ ವೇರಿಯಂಟ್ ಮಾದರಿ ಫೋನ್ ಸದ್ಯ ದೊರೆಯಲಿದ್ದು, ಇದರ ಬೆಲೆಯು 449 ಯುರೋ ಆಗಿದೆ. ಇನ್ನೂ ಇ- ಸಿಮ್ ವೇರಿಯಂಟ್ ಮಾದರಿಯ ಫೋನ್‌ ಈ ವರ್ಷದ ಅಂತ್ಯದೊಳಗೆ ಯುರೋಪ್‌ನಲ್ಲಿ ಮಾರಾಟ ಆರಂಭಿಸಲಿದೆ. ಆದರೆ ಭಾರತೀಯ ಮಾರುಕಟ್ಟೆಗೆ ಯಾವಾಗ ಲಾಂಚ್‌ ಆಗಲಿದೆ ಎಂಬ ಮಾಹಿತಿ ಲಭ್ಯವಿಲ್ಲ.