ಭಾರತಕ್ಕೆ ಎಂಟ್ರಿ ಕೊಡಲಿದೆ ನೂಬಿಯಾ 'ರೆಡ್ ಮ್ಯಾಜಿಕ್ ಮಾರ್ಸ್'.!?

ವಿನ್ಯಾಸ

ನುಬಿಯಾ 'ರೆಡ್ ಮ್ಯಾಜಿಕ್ ಮಾರ್ಸ್‌' ಗೇಮಿಂಗ್ ಫೋನ್ ಗಟ್ಟಿಮುಟ್ಟಾದ ರಚನೆಯನ್ನು ಹೊಂದಿದ್ದು, ಹಿಂಬದಿಯಲ್ಲಿ ಕ್ಯಾಮೆರಾ ಮತ್ತು ಫ್ಲ್ಯಾಶ್‌ ಲೈಟ್‌ನೊಂದಿಗೆ RGB ಲೈಟಿಂಗ್ ಸ್ಟ್ರೀಪ್‌ ಅನ್ನು ಹೊಂದಿದೆ. ಗೇಮ್ಸ್‌ ಆಡುವಾಗ ನಿಯಂತ್ರಿಸಲು 'ಇ-ಸ್ಪೋರ್ಟ್ಸ್‌' ಬಟನ್ ಮತ್ತು 'ಮಾರ್ಸ್‌ ಟ್ರಿಗರ್ ಟಚ್‌' ಎಂಬ ಶೊಲ್ಡರ್ ಬಟನ್ ನೀಡಲಾಗಿದೆ.

ಡಿಸ್‌ಪ್ಲೇ

1080x2160 ಪಿಕ್ಸಲ್ ರೆಸಲ್ಯೂಶನ್ ಪಿಕ್ಸಲ್ ಸಾಮರ್ಥ್ಯದೊಂದಿಗೆ 6.0 ಇಂಚಿನ ಫುಲ್ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇಯನ್ನು ಹೊಂದಿದ್ದು, ಡಿಸ್‌ಪ್ಲೇಯ ಪ್ರತಿ ಇಂಚಿನ ಪಿಕ್ಸಲ್ ಸಾಮರ್ಥ್ಯವು 402 PPI ಆಗಿದೆ. ಗೇಮಿಂಗ್ ಆಡಲು ಅನುಕೂಲಕರವಾಗಿದ್ದು, ರೋಮಾಂಚಕಾರಿ ಅನುಭವ ನೀಡಲಿದೆ.

ಪ್ರೊಸೆಸರ್

ಅಧಿಕ ಡೇಟಾದ ಗೇಮ್ಸ್‌ಗಳು ಅತ್ಯುತ್ತಮ RAM ಸಾಮರ್ಥ್ಯ ಬೇಡುತ್ತವೆ. ಅದಕ್ಕಾಗಿ ಸ್ನ್ಯಾಪ್‌ಡ್ರಾಗನ್ 845 SoC ಸಾಮರ್ಥ್ಯದ ಪ್ರೊಸೆಸರ್ ಅನ್ನು ಒದಗಿಸಲಾಗಿದೆ. 10GB RAM ಮತ್ತು 256GB ಆಂತರಿಕ ಸಂಗ್ರಹ ಸಾಮರ್ಥ್ಯವನ್ನು ಹೊಂದಿರಲಿದೆ. ಅತ್ಯುತ್ತಮ RAM ಅಡೆತಡೆ ಇಲ್ಲದೇ ಆಡಲು ನೆರವು ಮಾಡಿಕೊಡಲಿದೆ.

ಕ್ಯಾಮೆರಾ

ಇದು ಪಕ್ಕಾ ಗೇಮಿಂಗ್ ಸ್ಮಾರ್ಟ್‌ಫೋನಿನ ಹಿಂಬದಿಯಲ್ಲಿ 16 ಮೆಗಾಪಿಕ್ಸಲ್ ಸಾಮರ್ಥ್ಯದ ಕ್ಯಾಮೆರಾ ಇದ್ದು, ಜೊತೆಗೆ ಎಲ್‌ಇಡಿ ಫ್ಲ್ಯಾಶ್ ಲೈಟ್‌ ನೀಡಲಾಗಿದ್ದು. ಸೆಲ್ಫಿಗಾಗಿ 8 ಮೆಗಾಪಿಕ್ಸಲ್ ಸಾಮರ್ಥ್ಯದ ಕ್ಯಾಮೆರಾ ಒದಗಿಸಲಾಗಿದೆ. ಇದು ಪಕ್ಕಾ ಗೇಮಿಂಗ್ ಫೋನ್ ಆಗಿರುವುದರಿಂದ ಕ್ಯಾಮೆರಾ ಬಗ್ಗೆ ಹೆಚ್ಚಿನ ಮೆಗಾಪಿಕ್ಸಲ್ ನೀಡಿಲ್ಲ ಎನ್ನಬಹುದು.

ಬ್ಯಾಟರಿ

ರೆಡ್‌ ಮ್ಯಾಜಿಕ್ ಮಾರ್ಸ್‌ ಗೇಮಿಂಗ್ ಫೋನಿನ್ ಬ್ಯಾಟರಿ ಲೈಫ್ 3,800mAh ಸಾಮರ್ಥ್ಯದಲ್ಲಿ ಇರಲಿದ್ದು, ಗೇಮಿಂಗ್‌ ಆಡಲು ಫೋನಿಗೆ ಉತ್ತಮ ಬ್ಯಾಟರಿ ಬಾಳಿಕೆ ನೀಡಲಿದೆ. ಇದರೊಂದಿಗೆ ನಿಯೋ ಚಾರ್ಜಿಂಗ್ ತಂತ್ರಜ್ಞಾನದ ಫಾಸ್ಟ್‌ ಚಾರ್ಜಿಂಗ್ ಸೌಲಭ್ಯ ಇರಲಿದೆ.