ಒನ್‌ಪ್ಲಸ್ 6 ಸ್ಮಾರ್ಟ್‌ಫೋನ್ ಅಧಿಕೃತ ಟೀಸರ್ ಬಿಡುಗಡೆ...!

ಒನ್‌ಪ್ಲಸ್ ಮೊಬೈಲ್ ಮಾರುಕಟ್ಟೆಯಲ್ಲಿ ಹೆಚ್ಚಿನ ಅಭಿಮಾನಿಗಳನ್ನು ಸೆಳೆದುಕೊಂಡಿದೆ. ಈ ಹಿನ್ನಲೆಯಲ್ಲಿ ಒನ್‌ಪ್ಲಸ್ ಬಿಡುಗಡೆ ಮಾಡಲಿದೆ ಎನ್ನುವ ಸ್ಮಾರ್ಟ್‌ಫೋನ್ ಕುರಿತು ಅಭಿಮಾನಿಗಳಲ್ಲಿ ಭಾರೀ ನಿರೀಕ್ಷೆಗಳು ಹೊಂದಿರುತ್ತಾರೆ. ಇದೇ ಮಾದರಿಯಲ್ಲಿ ಒನ್‌ಪ್ಲಸ್ 6 ಸ್ಮಾರ್ಟ್‌ಫೋನ್ ಕುರಿತು ದಿನಕ್ಕೊಂದು ರೂಮರ್ ಗಳು ಬರುತ್ತಿರುವುದು ಇದಕ್ಕೆ ಸಾಕ್ಷಿ. ಮಾರುಕಟ್ಟೆಯಲ್ಲಿ ಒನ್‌ಪ್ಲಸ್ 5T ಸ್ಮಾರ್ಟ್‌ಫೋನ್ ಲಭ್ಯವಿಲ್ಲದ ಹಿನ್ನಲೆಯಲ್ಲಿ ಒನ್‌ಪ್ಲಸ್ 6 ಶೀಘ್ರವೇ ಕಾಣಿಸಿಕೊಳ್ಳಲಿದೆ ಎಂಬ ವಿಷಯ ಸಾಕಷ್ಟು ಪ್ರಚಲಿತದಲ್ಲಿದೆ.

ಅಭಿಮಾನಿಗಳ ಕಾಯುವಿಕೆಯನ್ನು ತಣಿಸುವ ಸಲುವಾಗಿ ಒನ್‌ಪ್ಲಸ್ ತನ್ನ ಮುಂದಿನ ಸ್ಮಾರ್ಟ್‌ಫೋನ್ ಒನ್‌ಪ್ಲಸ್ 6 ಕುರಿತ ಟೀಸರ್ ಅನ್ನು ಬಿಡುಗಡೆ ಮಾಡಿದ್ದು, ಅಧಿಕೃತ ಟೀಸರ್ ನಲ್ಲಿ ಒನ್‌ಪ್ಲಸ್ 6 ಶೀಘ್ರವೇ ಲಾಂಚ್ ಆಗಲಿದೆ ಎನ್ನುವ ಮಾಹಿತಿಯನ್ನು ತಿಳಿಸಿದ್ದು, ವೇಗದ ಫೋನ್ ಎಂಬುದನ್ನು ನೀಡಿದ್ದಾರೆ. 'ದಿ ಸ್ಪೀಡ್ ಯೂ ನೀಡ್' ಎನ್ನುವ ಟ್ಯಾಗ್‌ ನೊಂದಿಗೆ ಟೀಸರ್ ಸದ್ದು ಮಾಡುತ್ತಿದೆ.

ಓದಿರಿ: ಲೀಕ್ ಮಾಹಿತಿಯ ಮೂಲಕವೇ ಅಬ್ಬರಿಸಿದ ನೋಕಿಯಾ 9: 41 MP ತ್ರಿಪಲ್ ಕ್ಯಾಮೆರಾ, 8GB RAM..!

ಈ ಟೀಸರ್ ಒನ್‌ಪ್ಲಸ್ 6 ಬರುವಿಕೆಯನ್ನು ಖಚಿತಪಡಿಸಲಿದ್ದು, ಶೀಘ್ರವೇ ಲಾಂಚ್ ಆಗುವ ಸಾಧ್ಯತೆಯನ್ನು ತೋರಿಸಿಕೊಟ್ಟಿದೆ. ಅಲ್ಲದೇ ಒನ್‌ಪ್ಲಸ್ 6 ರೆಡಿಯಾಗಿದೆ ಎನ್ನುವ ಮಾಹಿತಿಯನ್ನು ಅಧಿಕೃತವಾಗಿ ಟ್ವಿಟರ್ ನಲ್ಲಿ ಘೋಷಿಸಿದ್ದು, ಅಭಿಮಾನಿಗಳನ್ನು ಹೊಸ ಸ್ಮಾರ್ಟ್‌ಫೋನ್ ಆಗಮನಕ್ಕೆ ಸಿದ್ಧಪಡಿಸಲು ಮುಂದಾಗಿದೆ.

ಒನ್‌ಪ್ಲಸ್ 6 ಸ್ಮಾರ್ಟ್‌ಫೋನ್ ನಲ್ಲಿ 6.28 ಇಂಚಿನ FHD+ ಅಮೊಲೈಡ್ ಡಿಸ್‌ಪ್ಲೇಯನ್ನು ಅಳವಡಿಲಾಗಿದೆ. ಇದು FHD+ ಗುಣಮಟ್ಟ 19:9 ಅನುಪಾತದ ಡಿಸ್‌ಪ್ಲೇ ಆಗಿರಲಿದೆ. ಒನ್‌ಪ್ಲಸ್ 5T ಮಾದರಿಯಲ್ಲಿ ಹಿಂಬದಿಯಲ್ಲಿ ಫಿಂಗರ್ ಪ್ರಿಂಟ್ ಸ್ಕ್ಯಾನರ್ ಅನ್ನು ಒನ್‌ಪ್ಲಸ್ 6 ಸ್ಮಾರ್ಟ್‌ಫೋನ್ ನಲ್ಲಿಯೂ ಕಾಣಬಹುದಾಗಿದೆ.

ಇದರೊಂದಿಗೆ ಒನ್‌ಪ್ಲಸ್ 6 ಸ್ಮಾರ್ಟ್‌ಫೋನ್ ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾವನ್ನು ನೀಡಲಾಗಿದೆ. 16MP + 20MP ಲೈನ್ಸ್ ಗಳನ್ನು ಅಳವಡಿಸಲಾಗಿದ್ದು, ಜೊತೆಗೆ ಡ್ಯುಯಲ್ LED ಫ್ಲಾಷ್ ಲೈಟ್ ಅನ್ನು ಸಹ ಕಾಣುವ ಸಾಧ್ಯತೆ ಇದೆ. 3450mAh ಬ್ಯಾಟರಿಯನ್ನು ನೀಡುವ ಸಾಧ್ಯತೆ ದಟ್ಟವಾಗಿದೆ. ಅಲ್ಲದೇ ವೇಗದ ಚಾರ್ಜಿಂಗ್‌ಗಾಗಿ ಡ್ಯಾಷ್ ಚಾರ್ಜರ್ ಅನ್ನು ನೀಡಲಿದೆ.

ಇದಲ್ಲದೇ ಒನ್‌ಪ್ಲಸ್ 6 ಸ್ಮಾರ್ಟ್‌ಫೋನ್ ನಲ್ಲಿ ಆಕ್ಟಾಕೋರ್ ಕ್ವಾಲ್ಕಮ್ ಸ್ಪಾಪ್‌ಡ್ರಾಗನ್ 845 ಪ್ರೋಸೆಸರ್ ಇರುವ ಸಾಧ್ಯತೆ ಇದ್ದು, 6GB RAM ಮತ್ತು 128GB ಇಂಟೆರ್ನಲ್ ಮೆಮೊರಿಯೊಂದಿಗೆ ದೊರೆಯಲಿದೆ. ಇದರೊಂದಿಗೆ ಕೃತಕ ಬುದ್ಧಿಮತ್ತೆಯನ್ನು ಒನ್‌ಪ್ಲಸ್ ನೀಡಲಿದೆ. ಇದು ಕ್ಯಾಮೆರಾಗಾಗಿ ಮತ್ತು ಪ್ರೋಸೆಸರ್‌ಗಾಗಿ ಸ್ಮಾರ್ಟ್‌ಫೋನಿನಲ್ಲಿ ಬಳಕೆಯಾಗಲಿದೆ.