'ಒಪೊ ಎಫ್‌1ಎಸ್‌' ಸ್ಮಾರ್ಟ್‌ಫೋನ್‌ ಭಾರತದಲ್ಲಿ ಲಾಂಚ್‌: ವಿಶೇಷತೆಗಳೇನು?

'ಒಪೊ ಎಫ್‌1ಎಸ್‌' 16MP ಸೆಲ್ಫಿ ಕ್ಯಾಮೆರಾ ಹೊಂದಿದ್ದು, 13MP ಹಿಂಭಾಗ ಕ್ಯಾಮೆರಾ ಹೊಂದಿದೆ.

ಒಪೊ ಕಂಪನಿ ಇತ್ತೀಚೆಗೆ ತಾನೆ ಒಪೊ ಎಫ್‌1 ಪ್ಲಸ್‌ ಮತ್ತು ಎಫ್‌1 ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಿತ್ತು. ಅವುಗಳ ಹಿಂದೆಯೇ ಈಗ 'ಒಪೊ ಎಫ್‌1ಎಸ್‌' ಅನ್ನು ಬಿಡುಗಡೆಮಾಡಿದ್ದು ಬ್ಯುಟಿಫೈ 4.0 ಫೀಚರ್ ಅಳವಡಿಸಲಾಗಿದೆ. ಬ್ಯುಟಿಫೈ 4.0 ಅಪ್‌ಗ್ರೇಡ್‌ ಏಳು ಬ್ಯುಟಿಫೈ ಹಂತಗಳ ಜೊತೆಗೆ ಎರಡು ಸ್ಕಿನ್‌ ಟೋನ್‌ ವಿಧಾನಗಳನ್ನು ಹೊಂದಿದೆ.

ಕ್ಯಾಮೆರಾ ಟೆಕ್ನಾಲಜಿಯಲ್ಲಿ "ಉತ್ತಮ ಅನುಭವ ನೀಡುವ ಒಪೊ ಸ್ಮಾರ್ಟ್‌ಫೋನ್‌ ಇಂಡಸ್ಟ್ರಿಯ ನಾಯಕನಾಗಿದ್ದು ಹಲವು ಪ್ರಶಸ್ತಿ ಪುರಸ್ಕಾರಗಳನ್ನು ಪಡೆದಿದೆ. ಸೆಲ್ಫಿ ಸ್ಮಾರ್ಟ್‌ಫೋನ್‌ 'ಒಪೊ ಎಫ್‌1ಎಸ್‌' ಲಾಂಚ್‌ ಮಾಡುವ ಮೂಲಕ ಅತ್ಯಾಧುನಿಕ ಫೋಟೋಗ್ರಫಿ ಟೆಕ್ನಾಲಜಿಯನ್ನು ಭಾರತದ ವಿ‍ಶಾಲ ಪ್ರದೇಶದಲ್ಲಿ ಪರಿಚಯಿಸುತ್ತಿದ್ದೇವೆ', ಎಂದು ಒಪೊ ಇಂಡಿಯಾ ಅಧ್ಯಕ್ಷ 'ಸ್ಕೈ ಲಿ ' ಹೇಳಿದ್ದಾರೆ.

'ಒಪೊ ಎಫ್‌1ಎಸ್‌' 5.5 HD ಡಿಸ್‌ಪ್ಲೇ ಹೊಂದಿದ್ದು ಒಪೊ ಎಫ್‌1 ಪ್ಲಸ್‌ ಡಿಸೈನ್‌ ಹೊಂದಿದೆ. ಆಂಡ್ರಾಯ್ಡ್ 5.1 ಲಾಲಿಪಪ್ ನಂತರದ ColorOS 3.0 ಓಎಸ್‌ ಚಾಲಿತವಾಗಿದೆ.

'ಒಪೊ ಎಫ್‌1ಎಸ್‌' ಡ್ಯುಯಲ್‌ ಸಿಮ್‌ ಸ್ಮಾರ್ಟ್‌ಫೋನ್‌ ಆಗಿದ್ದು, ಆಕ್ಟಾ ಕೋರ್‌ MT6750 ಪ್ರೊಸೆಸರ್ ಯೋಜಿತವಾಗಿದೆ. 3GB RAM ಮತ್ತು 32GB ROM ಹೊಂದಿದ್ದು. ( 128GB ಮೈಕ್ರೋ ಎಸ್‌ಡಿ ಕಾರ್ಡ್‌ ವಿಸ್ತರಿಸಬಹುದಾಗಿದೆ)

ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್‌ ಫೀಚರ್ ಚಾಲಿತವಾಗಿದ್ದು, 0.22 ಸೆಕೆಂಡ್‌ಗಳಲ್ಲಿ ಫೋನ್‌ ಅನ್‌ಲಾಕ್‌ ಮಾಡಬಹುದಾಗಿದೆ. ಬಳಕೆದಾರರು ಆಪ್‌ ಲಾಂಚ್‌ ಮಾಡಬಹುದಾಗಿದೆ ಅಥವಾ ಹೋಮ್‌ ಬಟನ್ ಟಚ್‌ ಮಾಡುವ ಮೂಲಕ ಒಂದೇ ಟಚ್‌ನಿಂದ ಕರೆ ಮಾಡಬಹುದಾಗಿದೆ.

'ಒಪೊ ಎಫ್‌1ಎಸ್‌' 3,075mAh ಬ್ಯಾಟರಿ ಸಾಮರ್ಥ್ಯ ಹೊಂದಿದ್ದು, 4G ನ್ಯಾನೋ ಸಿಮ್‌ ಸಪೋರ್ಟ್‌ ಮಾಡುತ್ತದೆ.

'ಒಪೊ ಎಫ್‌1ಎಸ್‌' ಕುರಿತ ರಿವೀವ್‌ ಬಗ್ಗೆ ವೀಡಿಯೋದಲ್ಲಿ ನೋಡಿ.

ಸ್ಮಾರ್ಟ್‌ಫೋನ್ ಬ್ರೌಸಿಂಗ್‌ಗಾಗಿ ಒಪೇರಾ ಮಿನಿ: ಒಮ್ಮೆ ಬಳಸಿ ನೋಡಿ

ಆಂಡ್ರಾಯ್ M, 4G 'ಇಂಟೆಕ್ಸ್ ಆಕ್ವಾ ಸ್ಟ್ರಾಂಗ್ 5.1' ರೂ 5,599 ಕ್ಕೆ ಲಾಂಚ್‌