ಬಜೆಟ್‌ ಬೆಲೆಯಲ್ಲಿ ಲಾಂಚ್‌ ಆಗಿದೆ 'ಪ್ಯಾನಸಾನಿಕ್ ಎಲುಗಾ 800' ಸ್ಮಾರ್ಟ್‌ಫೋನ್.!!

ಡಿಸೈನ್

ಸ್ಮಾರ್ಟ್‌ಫೋನ್ ಬಾಹ್ಯ ಭಾಗ ಗೋಲ್ಡ್‌ ಬಣ್ಣದ ರಚನೆಯನ್ನು ಹೊಂದಿರುವ ಈ ಸ್ಮಾರ್ಟ್‌ಫೋನ್ ಶೈನಿಂಗ್‌ಅನ್ನು ಪಡೆದಿದ್ದು, ಆಕರ್ಷಕವಾಗಿ ಕಾಣಿಸುತ್ತದೆ. ಹಿಂಬದಿ ಕ್ಯಾಮೆರಾ ಮತ್ತು ಫ್ಲ್ಯಾಶ್ ಲೈಟ್‌ ಅನ್ನು ಹೊಂದಿದ್ದು, ಇದರೊಟ್ಟಿಗೆ ಸೆನ್ಸಾರ್‌ ಸಹ ನೀಡಲಾಗಿದೆ. ಈ ಸ್ಮಾರ್ಟ್‌ಫೋನ್ 152.8x75.3x8.6mm ಸುತ್ತಳತೆಯನ್ನು ಹೊಂದಿದೆ.

ಡಿಸ್‌ಪ್ಲೇ

ಪ್ಯಾನಾಸಾನಿಕ್ ಎಲುಗಾ ರೇ 800 ಸ್ಮಾರ್ಟ್‌ಫೋನ್ 1080x1920 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದೊಂದಿಗೆ 5.5 ಇಂಚಿನ ಪೂರ್ಣ ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿದ್ದು, ಜೊತೆಗೆ ಡಿಸ್‌ಪ್ಲೇಯು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್‌ 3 ನಿಂದ ರಕ್ಷಣೆಯನ್ನು ಪಡೆದಿದೆ. 16:9 ಡಿಸ್‌ಪ್ಲೇ ಅನುಪಾತವ ಆಗಿದೆ.

ಪ್ರೊಸೆಸರ್

1.8GHz ಆಕ್ಟಾಕೋರ್‌ SoC ಪ್ರೊಸೆಸರ್‌ ಅನ್ನು ಒಳಗೊಂಡಿರುವ ಈ ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್‌ 7.0 Nougat ಓಎಸ್‌ನಲ್ಲಿ ಕಾರ್ಯನಿರ್ವಹಿಸಲಿದೆ. 4GB RAM ಮತ್ತು 64GB ಆಂತರಿಕ ಸಂಗ್ರಹ ಸಾಮರ್ಥ್ಯವನ್ನು ಹೊಂದಿದ್ದು, ಇದರೊಂದಿಗೆ ಎಸ್‌ಡಿ ಕಾರ್ಡ್‌ ಮೂಲಕ ಬಾಹ್ಯ ಸಂಗ್ರಹ ಸಾಮರ್ಥ್ಯವನ್ನು 128GB ವರೆಗೂ ಹೆಚ್ಚಿಸಿಕೊಳ್ಳುವ ಅವಕಾಶವನ್ನು ನೀಡಲಾಗಿದೆ.

ಕ್ಯಾಮೆರಾ

ಪ್ಯಾನಾಸಾನಿಕ್‌ನ ಈ ಹೊಸ ಸ್ಮಾರ್ಟ್‌ಫೋನ್ ಹಿಂಬದಿಯಲ್ಲಿ ಒಂದು 13 ಮೆಗಾಪಿಕ್ಸಲ್ ಸಾಮರ್ಥ್ಯದ ರೇರ್ ಕ್ಯಾಮೆರಾವನ್ನು ನೀಡಲಾಗಿದ್ದು ಈ ಕ್ಯಾಮೆರಾ ಎಲ್‌ಇಡಿ ಫ್ಲ್ಯಾಶ್ ಲೈಟ್‌ನೊಂದಿಗೆ ಸೆನ್ಸಾರ್‌ ಅನ್ನು ಹೊಂದಿದೆ. ಮುಂಬದಿಯಲ್ಲಿ ಸೆಲ್ಫಿಗಾಗಿ 8 ಮೆಗಾಪಿಕ್ಸಲ್ ಸಾಮರ್ಥ್ಯದ ಕ್ಯಾಮೆರಾವನ್ನು ಒದಗಿಸಲಾಗಿದೆ.

ಬ್ಯಾಟರಿ

ಪ್ಯಾನಾಸಾನಿಕ್ ಎಲುಗಾ ರೇ 800 ಸ್ಮಾರ್ಟ್‌ಫೋನ್ 4000mAh ಸಾಮರ್ಥ್ಯದ ದೀರ್ಘಕಾಲ ಬಾಳಕೆ ಬರುವ ಬ್ಯಾಟರಿಯನ್ನು ಅಳವಡಿಸಲಾಗಿದ್ದು, ಸುಮಾರು ಎರಡು ದಿನಗಳ ಕಾಲ ಸ್ಮಾರ್ಟ್‌ಫೋನಿಗೆ ಚಾರ್ಜ್‌ ಒದಗಿಸಬಲ್ಲ ಶಕ್ತಿಯನ್ನು ಬ್ಯಾಟರಿ ಹೊಂದಿದೆ. ಜೊತೆಗೆ 4G LTE, Wi-Fi 802.11 b/g/n, ಬ್ಲೂಟೂತ್ v4.2, GPS/ A-GPS ಆಯ್ಕೆಗಳು ಇರಲಿವೆ.

ಬೆಲೆ ಮತ್ತು ಲಭ್ಯತೆ

ಈ ಮೊದಲೇ ತಿಳಿಸಿದಂತೆ ಪ್ಯಾನಾಸಾನಿಕ್ ಎಲುಗಾ ರೇ 800 ಸ್ಮಾರ್ಟ್‌ಫೋನ್ ಬಜೆಟ್‌ ಬೆಲೆಯ ಸ್ಮಾರ್ಟ್‌ಫೋನ್ ಆಗಿದ್ದು, ಇದರ ಬೆಲೆಯು 9,999ರೂ.ಗಳು ಆಗಿದೆ. ಪ್ರಮುಖ ಇ ಕಾಮರ್ಸ ಜಾಲತಾಣಗಳಲ್ಲಿ ದೊರೆಯಲಿದೆ.