'ರಿಯಲ್ ಮಿ 3' ಸ್ಮಾರ್ಟ್‌ಫೋನ್ ರಿಲೀಸ್‌ಗೆ ಮೂಹುರ್ತ ಫಿಕ್ಸ್! ಭರ್ಜರಿ ಸೇಲ್ ಕನ್ಫರ್ಮ್!!

ವಿನ್ಯಾಸ

ರಿಯಲ್ ಮಿ 3 ಸ್ಮಾರ್ಟ್‌ಫೋನ್ ಡಿಸ್‌ಪ್ಲೇ ಸುತ್ತಲೂ ಅತೀ ಕಡಿಮೆ ಅಂಚನ್ನು ಒಳಗೊಂಡಿದ್ದು, ವಾಟರ್ ಡ್ರಾಪ್ ನಾಚ್ ಸ್ಕ್ರೀನ್ ಇರಲಿದ್ದು, ತೆಳುವಾದ ರಚನೆಯೊಂದಿಗೆ ಕಡಿಮೆ ತೂಕವನ್ನು ಹೊಂದಿದೆ. ನಾಲ್ಕು ಮೂಲೆಗಳು ಹಾಫ್ ಕರ್ವ್ ಆಕಾರವನ್ನು ಪಡೆದಿದ್ದು, ಫೋನಿಗೆ ಸೌಂದರ್ಯ ನೀಡಿವೆ. ಸೆಲ್ಫಿ ಕ್ಯಾಮೆರಾ ಮುಂಬದಿಯ ಮೇಲ್ತುದಿಯ ಮಧ್ಯ ಭಾಗದಲ್ಲಿದೆ.

ಡಿಸ್‌ಪ್ಲೇ

1080 x 2340 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದೊಂದಿಗೆ 6.3 ಇಂಚಿನ ಫುಲ್ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಡಿಸ್‌ಪ್ಲೇ ಅನುಪಾತವು 19:5:9 ಆಗಿದ್ದು, ಪ್ರತಿ ಇಂಚಿನ ಪಿಕ್ಸಲ್ ಸಾಮರ್ಥ್ಯ 409 ppi ಆಗಿದೆ. ವಿಶಾಲವಾದ ಡಿಸ್‌ಪ್ಲೇ ಅಂಚು ರಹಿತವಾಗಿದ್ದು, ಪೂರ್ಣ ಡಿಸ್‌ಪ್ಲೇ ವೀಕ್ಷಣೆಯ ಅನುಭವ ದೊರೆಯಲಿದೆ.

ಪ್ರೊಸೆಸರ್

'ಮೀಡಿಯಾಟೆಕ್‌ ಹಿಲಿಯೋ P70 ಚಿಪ್‌' ಸೆಟ್‌ ಸಾಮರ್ಥ್ಯದ ವೇಗದ ಪ್ರೊಸೆಸರ್‌ ಅನ್ನು ಹೊಂದಿರುವ 'ರಿಯಲ್ ಮಿ 3' ಸಾರ್ಟ್‌ಫೋನ್ 'ಅಂಡ್ರಾಯ್ಡ್‌ 9 ಪೈ' ಆಪರೇಟಿಂಗ್ ಸಿಸ್ಟಮ್ ನಲ್ಲಿ ಕಾರ್ಯನಿರ್ವಹಿಸಲಿದೆ. ಇದರೊಂದಿಗೆ Mali-G72 MP3 ಗ್ರಾಫಿಕ್ಸ್ ಅನ್ನು ಸಹ ಒಳಗೊಂಡಿರಲಿದ್ದು, ಹೈ ಎಂಡ್ ಗೇಮ್ಸ್‌ ಆಡಬಹುದಾಗಿದೆ.

ಮೆಮೊರಿ

'ರಿಯಲ್ ಮಿ 3' ಸ್ಮಾರ್ಟ್‌ಫೋನ್ 4GB RAM ಸಾಮರ್ಥ್ಯದೊಂದಿಗೆ 64 GB ಆಂತರಿಕ ಸಂಗ್ರಹ ಸ್ಥಳಾವಕಾಶವನ್ನು ಒಳಗೊಂಡಿದೆ. ಇದರೊಂದಿಗೆ ಎಸ್‌ಡಿ ಕಾರ್ಡ್‌ ಮೂಲಕ ಬಾಹ್ಯ ಸಂಗ್ರಹ ಸಾಮರ್ಥ್ಯವನ್ನು 256GB ವರೆಗೂ ವಿಸ್ತರಿಸುವ ಅವಕಾಶವನ್ನು ಸಹ ಒದಗಿಸಲಾಗಿದೆ.

ಕ್ಯಾಮೆರಾ

ರಿಯಲ್ ಮಿ 3 ಸ್ಮಾರ್ಟ್‌ಫೋನ್ ಎರಡು ಹಿಂಬದಿ ಕ್ಯಾಮೆರಾಗಳನ್ನು ಹೊಂದಿರಲಿದ್ದು, ಅವು ಕ್ರಮವಾಗಿ '24 ಮೆಗಾಪಿಕ್ಸಲ್' ಮತ್ತು '16 ಮೆಗಾಪಿಕ್ಸಲ್' ಸಾಮರ್ಥ್ಯವನ್ನು ಒಳಗೊಂಡಿರಲಿವೆ ಎಂದು ಹೇಳಲಾಗುತ್ತಿದೆ. ಮುಂಬದಿಯಲ್ಲಿ 16 ಮೆಗಾಪಿಕ್ಸಲ್ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಹೊಂದಿರಲಿದೆ.

ಬ್ಯಾಟರಿ ಶಕ್ತಿ

4000mAh ಸಾಮರ್ಥ್ಯದ ಪವರ್‌ಫುಲ್ ದೀರ್ಘಬಾಳಿಕೆಯ ಬ್ಯಾಟರಿಯನ್ನು ಹೊಂದಿರಲಿದ್ದು, ಈ ಬ್ಯಾಟರಿಯು ಸುಮಾರು ಎರಡು ದಿನಗಳ ವರೆಗೆ ಬಾಳುವ ಶಕ್ತಿಯನ್ನು ಒಳಗೊಂಡಿದೆ. ಇದರೊಂದಿಗೆ ಫಾಸ್ಟ್‌ ಚಾರ್ಜರ್ ಒದಗಿಸುವ ಸಾಧ್ಯತೆಗಳಿವೆ ಎಂದು ಹೇಳಲಾಗುತ್ತಿದೆ.