Just In
Don't Miss
-
ಕರ್ನಾಟಕ ಲೋಕಸಭೆ ಚುನಾವಣಾ ಫಲಿತಾಂಶ LIVE: 28 ಕ್ಷೇತ್ರಗಳು ಯಾರಿಗೆ ಒಲಿಯಲಿವೆ? -
ಆಲ್ ರೌಂಡರ್ಗಳಲ್ಲಿ ಹಸನ್ಗೆ ಅಗ್ರ ಸ್ಥಾನ, ಭಾರತ 10ರೊಳಗೂ ಇಲ್ಲ! -
ನಿಖಿಲ್, ಸುಮಲತಾ, ರೈ ಮಾತ್ರವಲ್ಲ 10ಕ್ಕೂ ಹೆಚ್ಚು ಸಿನಿಸ್ಟಾರ್ಸ್ ಭವಿಷ್ಯ ಏನಾಗುತ್ತೆ? -
ಹೊಸ ಸೌಲಭ್ಯಗಳೊಂದಿಗೆ ಬಿಡುಗಡೆಗೆ ಸಿದ್ದವಾದ ರೆನಾಲ್ಟ್ ಕ್ವಿಡ್ ಫೇಸ್ಲಿಫ್ಟ್ -
ಸಕ್ಸಸ್ಫುಲ್ ಕರಿಯರ್ ನಿಮ್ಮದಾಗಬೇಕೆ? ಹಾಗಿದ್ದರೆ ಈ ಟಿಪ್ಸ್ ಫಾಲೋ ಮಾಡಿ -
7000 ಮರಗಳನ್ನು ಹೊಂದಿರುವ ಲೋದಿ ಗಾರ್ಡನ್ನಲ್ಲಿ ಏನೇನಿದೆ ಗೊತ್ತಾ? -
ಟಾಟಾ ಲ್ಯಾಂಡ್ ರೋವರ್ ಸವಾಲು! 14 ಶತಕೋಟಿ ಡಾಲರ್ ಸಾಲ, ಚೀನಾದಲ್ಲಿ ಬೇಡಿಕೆ ಕುಸಿತ -
ಪ್ರಾಯೋಗಿಕ ಚಿಂತನೆಯಿಂದ ಕೂಡಿರುವ ಆರು ರಾಶಿಚಕ್ರಗಳು
ರಿಯಲ್ ಮಿ 'ಪಾಪ್ಅಪ್ ಸ್ಟೋರ್' ಲಾಂಚ್!.ಉಚಿತ ಫೋನ್ ಗೆಲ್ಲುವ ಅವಕಾಶ!
ಗ್ರಾಹಕರಲ್ಲಿ ಭಾರೀ ಕುತೂಹಲ ಮೂಡಿಸಿದ್ದ 'ರಿಯಲ್ ಮಿ 3 ಪ್ರೋ' ಸ್ಮಾರ್ಟ್ಫೋನ್ ಇದೇ ಏಪ್ರಿಯ 22ರಂದು ಲಾಂಚ್ ಆಗಿದ್ದು, ದೇಶಿಯ ಮಾರುಕಟ್ಟೆಯಲ್ಲಿ ಇದೇ ಏಪ್ರಿಲ್ 29ರಂದು ಸೇಲ್ ಆರಂಭವಾಗಲಿದೆ. ಆದರೆ ಕಂಪನಿಯು ಹೊಸದೊಂದು ಕಾನ್ಸೆಪ್ಟ್‌ಗೆ ಮುಂದಾಗಿದ್ದು, ಇಲ್ಲಿ ಗ್ರಾಹಕರಿಗೆ 'ರಿಯಲ್ ಮಿ 3 ಪ್ರೋ' ಸ್ಮಾರ್ಟ್ಫೋನ್ ಗೆಲ್ಲಬಹುದಾದ ಅವಕಾಶವಿದ್ದು, ಜೊತೆಗೆ ಮೂವಿ ಟಿಕೆಟ್ ಸಹ ಲಭ್ಯವಾಗಲಿದೆ.
ಹೌದು, ರಿಯಲ್ ಮಿ ಕಂಪನಿಯು 'ಪಾಪ್ಅಪ್ ಸ್ಟೋರ್' ಹೆಸರಿನಲ್ಲಿ ಶಾಪ್‌ ಒಂದನ್ನು ನಾಳೆ (ಏಪ್ರಿಲ್ 27) ದೆಹಲಿಯ ಫೆಸಿಫಿಕ್ ಮಾಲ್‌ನಲ್ಲಿ ತೆರೆಯಲಿದ್ದು, 'ರಿಯಲ್ ಮಿ 3 ಪ್ರೋ' ಗೆಲ್ಲುವ ಅವಕಾಶ ಸಹ ಇದ್ದು, ಜೊತೆಗೆ ಒಂದು ರಿಯಲ್ ಮಿ 3 ಪ್ರೋ' ಫೋನ್ ಖರೀದಿಸುವ ಚಾನ್ಸ್‌ ಸಹ ದೊರೆಯಲಿದೆ. ಇನ್ನು ಪ್ರೀ ಬುಕ್ಕಿಂಗ್ ಮಾಡಿದ ಗ್ರಾಹಕರಿಗೆ ಸ್ಮಾರ್ಟ್ಫೋನ್ ಬ್ಯಾಕ್‌ ಕವರ್‌ ಉಚಿತವಾಗಿ ಲಭ್ಯವಾಗಿದೆ.
ಕ್ಯೂನಲ್ಲಿ ಬಂದ ಮೊದಲ 200 ಗ್ರಾಹಕರಿಗೆ 'ಅವೆಂಜರ್ಸ್‌ ಎಂಡ್‌ಗೇಮ್' ಸಿನಿಮಾದ ಟಿಕೆಟ್ ಉಚಿತವಾಗಿ ನೀಡಲಿದ್ದು, ಜೊತೆಗೆ ಮಾಲ್‌ನಲ್ಲಿ ಉಚಿತ ಫುಡ್‌ ಗೆಲ್ಲುವ ಅವಕಾಶವಿದೆ ಎನ್ನಲಾಗಿದೆ. ಅದಕ್ಕಾಗಿ ಕಂಪನಿಯ ಅಧಿಕೃತ ವೆಬ್‌ಸೈಟ್‌ನಲ್ಲಿ ರಿಜಿಸ್ಟರ್‌ ಮಾಡಕೊಳ್ಳಬೇಕು. ಇದೇ ಏಪ್ರಿಲ್ 29 ರಂದು ಫ್ಲಿಪ್‌ಕಾರ್ಟ್‌ ಮತ್ತು ಕಂಪನಿಯ ವೆಬ್‌ಸೈಟ್‌ನಲ್ಲಿ ಫೋನಿನ ಮೊದಲ ಅಧಿಕೃತ ಸೇಲ್ ಆರಂಭವಾಗಲಿದೆ. ಹಾಗಾದರೇ 'ರಿಯಲ್ ಮಿ 3 ಪ್ರೋ' ಸ್ಮಾರ್ಟ್ಫೋನ್ ಏನೆಲ್ಲಾ ಫೀಚರ್ಸ್‌ಗಳನ್ನು ಹೊಂದಿದೆ ಎಂಬುದನ್ನು ನೋಡೋಣ ಬನ್ನಿರಿ.
ಡಿಸೈನ್
3D ಸ್ಪೀಡ್‌ ವೇ ಡಿಸೈನ್‌ನಲ್ಲಿ ಆಕರ್ಷಕ ರಚನೆಯನ್ನು ಹೊಂದಿದ್ದು, ಗ್ರೇಡಿಯಂಟ್ ಕಲರ್‌ ಫೋನಿನ ಅಂದ ಹೆಚ್ಚಿಸಿದೆ. ಡಿಸ್‌ಪ್ಲೇಯ ಸುತ್ತಲೂ ಅತೀ ಕಡಿಮೆ ಅಂಚನ್ನು ನೀಡಲಾಗಿದ್ದು, ಸಂಪೂರ್ಣ ಡಿಸ್‌ಪ್ಲೇಯ ಅನುಭವ ದೊರೆಯಲಿದೆ. ಹಾಗೇ ಡಿಸ್‌ಪ್ಲೇಯ ರಕ್ಷಣೆಗಾಗಿ ಗೊರಿಲ್ಲಾ ಗ್ಲಾಸ್‌ 5 ಸಹ ನೀಡಲಾಗಿದೆ. ನಿಟ್ರೊ ಬ್ಲೂ ಮತ್ತು ಲೈಟ್‌ ಪರ್ಪಲ್ ಬಣ್ಣಗಳ ಆಯ್ಕೆಯನ್ನು ಹೊಂದಿದೆ.
ಡಿಸ್‌ಪ್ಲೇ
1,080 x 2,340 ಪಿಕ್ಸಲ್ ರೆಸಲ್ಯೂಶನ್‌ ನೊಂದಿಗೆ 6.3 ಇಂಚಿನ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇಯನ್ನು ಹೊಂದಿದೆ. ಡಿಸ್‌ಪ್ಲೇ ಮತ್ತು ಬಾಹ್ಯ ಬಾಡಿಯ ರಚನೆಯ ನಡುವಿನ ರೆಶಿಯೋ ಶೇ.90.8% ಆಗಿದೆ ಹಾಗೂ ಅನುಪಾತವು 19.5:9 ಆಗಿದೆ. ಪ್ರತಿ ಇಂಚಿನ ಪಿಕ್ಸಲ್ ಸಾಂದ್ರತೆಯು 409 PPI ಆಗಿದೆ. ಸಂಪೂರ್ಣ ಅಂಚುರಹಿತ ಡಿಸ್‌ಪ್ಲೇಯ ಅನುಭವ ನೀಡಲಿದೆ ಎನ್ನಲಾಗಿದೆ.
ಪ್ರೊಸೆಸರ್
ರಿಯಲ್ ಮಿ 3 ಪ್ರೋ ಸ್ಮಾರ್ಟ್ಫೋನ್ ಕ್ಚಾಲ್ಕಮ್ ಚಿಪ್‌ ಸೆಟ್‌ನೊಂದಿಗೆ, ಸ್ನ್ಯಾಪ್‌ಡ್ರಾಗನ್ 710 AIE ಪ್ರೊಸೆಸರ್ ಹೊಂದಿದ್ದು, ಫೋನಿನ ಮಲ್ಟಿಟಾಸ್ಕ್‌ ಕಾರ್ಯವೈಖರಿಯು ವೇಗವಾಗಿರಲಿದೆ. ಹಾಗೇ ಆಂಡ್ರೆನೊ 616 GPU ಸಹ ಹೊಂದಿದ್ದು, ಇದರೊಂದಿಗೆ ಆಂಡ್ರಾಯ್ಡ್‌ 9.0 ಪೈ, ಆಧಾರಿತ ಕಲರ್‌ 6.0 ಓಎಸ್‌ ಈ ಫೋನಿನಲ್ಲಿ ಇರಲಿದೆ.
ಮೆಮೊರಿ
ರಿಯಲ್ ಮಿ 3 ಪ್ರೋ ಸ್ಮಾರ್ಟ್ಫೋನ್ ನಿರೀಕ್ಷೆಯಂತೆ ಎರಡು ವೇರಿಯಂಟ್‌ಗಳಲ್ಲಿ ಲಾಂಚ್ ಆಗಿದೆ. 4GB RAM ಮತ್ತು 64GB ಸಂಗ್ರಹ ಸಾಮರ್ಥ್ಯ ಹಾಗೂ 6GB RAM + 128GB ಆಂತರಿಕ ಸಂಗ್ರಹ ಸ್ಥಳಾವಕಾಶವನ್ನು ಹೊಂದಿರುವ ವೇರಿಯಂಟ್‌ ಮಾದರಿಗಳಲ್ಲಿ ಗ್ರಾಹಕರಿಗೆ ದೊರೆಯಲಿದೆ. ಕಂಪನಿಯ ಫ್ಲ್ಯಾಗ್‌ಶಿಪ್‌ ಮಾದರಿಯ ಸ್ಮಾರ್ಟ್ಫೋನ್ ಎನಿಸಿಕೊಂಡಿದೆ.
ಕ್ಯಾಮೆರಾ
ಈ ಸ್ಮಾರ್ಟ್ಫೋನ್ ಹಿಂಬದಿಯಲ್ಲಿ ಡ್ಯುಯಲ್ ರೇರ್ ಕ್ಯಾಮೆರಾವನ್ನು ಹೊಂದಿದ್ದು, ಪ್ರಾಥಮಿಕ ರೇರ್ ಕ್ಯಾಮೆರಾವು 16 ಮೆಗಾಪಿಕ್ಸಲ್ ಸಾಮರ್ಥ್ಯದಲ್ಲಿದ್ದು, ಸೋನಿಯ IMX519 ಸೆನ್ಸಾರ್‌ ಅನ್ನು ಹೊಂದಿರಲಿದೆ. ಇನ್ನು ಸೆಕೆಂಡರಿ ಕ್ಯಾಮೆರಾವು 5ಮೆಗಾಪಿಕ್ಸಲ್ ಸಾಮರ್ಥ್ಯದಲ್ಲಿದ್ದು, f/2.4 ಅಪರ್ಚರ್ ಇರಲಿದೆ. AI ಸೆನ್ಸಾರ್‌ ಪಡೆದುಕೊಂಡಿದ್ದು, ಫೋಟೋಗಳು ಅತ್ಯುತ್ತಮವಾಗಿ ಮೂಡಿಬರಲಿವೆ.
ಸೆಲ್ಫಿ ಕ್ಯಾಮೆರಾ
ರಿಯಲ್ ಮಿ 3 ಪ್ರೋ ಸ್ಮಾರ್ಟ್‌ಫೋನಿನಲ್ಲಿ 25 ಮೆಗಾಪಿಕ್ಸಲ್ ಸಾಮರ್ಥ್ಯದ ಕ್ಯಾಮೆರಾವನ್ನು ನೀಡಲಾಗಿದ್ದು, ಈ ಕ್ಯಾಮೆರಾವು f/2.0 ಅಪರ್ಚರ್ ಅನ್ನು ಹೊಂದಿದೆ. ಹಾಗೇ ಸೆಲ್ಫಿ ಕ್ಯಾಮೆರಾ 1/2.8 ಸೆನ್ಸಾರ್‌ನಲ್ಲಿ ಕೆಲಸ ಮಾಡಲಿದೆ.
ಬ್ಯಾಟರಿ
4045mAh ಸಾಮರ್ಥ್ಯದ ಬ್ಯಾಟರಿಯನ್ನು ಒದಗಿಸಲಾಗಿದ್ದು, ಇದರೊಂದಿಗೆ ಸ್ಮಾರ್ಟ್ಫೋನ್ ವೇಗದ ಚಾರ್ಜಿಂಗ್‌ಗಾಗಿ VOOC 3.0, ಫಾಸ್ಟ್‌ ಚಾರ್ಜಿಂಗ್ ತಂತ್ರಜ್ಞಾನದ ಸೌಲಭ್ಯವನ್ನು ನೀಡಲಾಗಲಿದೆ. ಈ ತಂತ್ರಜ್ಞಾನದ ನೆರವಿನಿಂದ ಸ್ಮಾರ್ಟ್ಫೋನ್ ಕ್ವಿಕ್‌ ಆಗಿ ಚಾರ್ಜ್‌ ಪಡೆದುಕೊಳ್ಳಲಿದ್ದು, 30 ನಿಮಿಷದಲ್ಲಿ ಶೇ. 50% ಚಾರ್ಜ್‌ ಪಡೆದುಕೊಳ್ಳವ ಶಕ್ತಿಯನ್ನು ಒದಗಿಸಲಿದೆ.
ಬೆಲೆ ಮತ್ತು ಲಭ್ಯತೆ
ರಿಯಲ್ ಮಿ 3 ಪ್ರೋ ಸ್ಮಾರ್ಟ್ಫೋನ್ ಮೊದಲ ಸೇಲ್ ಇದೇ ಏಪ್ರಿಲ್ 29ರಿಂದ ಆರಂಭವಾಗಲಿದೆ. ನಿಟ್ರೊ ಬ್ಲೂ ಮತ್ತು ಲೈಟ್‌ ಪರ್ಪಲ್ ಬಣ್ಣಗಳ ಆಯ್ಕೆಗಳು ದೊರೆಯಲಿವೆ. ಇನ್ನು ರಿಯಲ್ ಮಿ 3 ಪ್ರೋ ಸ್ಮಾರ್ಟ್‌ಫೋನಿನ 4GB RAM+64GB ವೇರಿಯಂಟ್‌ ಬೆಲೆಯು 13,999ರೂ.ಗಳು ಹಾಗೂ 6GB RAM+128GB ಮಾದರಿಯ ವೇರಿಯಂಟ್‌ ಬೆಲೆ 16,999ರೂ.ಗಳು ಆಗಿದೆ.
