'ಗ್ಯಾಲ್ಯಾಕ್ಸಿ ಎಸ್‌10 ಪ್ಲಸ್‌'ನ ಹಿಡೆನ್‌ ಕ್ಯಾಮೆರಾ ಫೀಚರ್ಸ್‌ ಬಗ್ಗೆ ನಿಮಗೆ ಗೊತ್ತಾ?

ಅಲ್ಟ್ರಾವೈಲ್ಡ್ ಆಂಗಲ್‌ ಶಾರ್ಟ್‌

ಮೂರು ಕ್ಯಾಮೆರಾ ಆಯ್ಕೆಗಳಲ್ಲಿ, ಮೂರನೇಯದ್ದು ಅಲ್ಟ್ರಾವೈಲ್ಡ್‌ ಆಂಗಲ್‌ ಫೋಟೊ ಕ್ಲಿಕ್ಕ್ ಮಾಡಲು ನೀಡಲಾಗಿದೆ. ಇದು ಸುಮಾರು 123 ಡಿಗ್ರಿ ವೈಲ್ಡ್‌ ಆಂಗಲ್‌ ಸಾಮರ್ಥ್ಯದ ಹೊಂದಿದ್ದು, ವಿಶಾಲವಾದ ಪೋಟೊ ಸೆರೆ ಹಿಡಿಯಲು ಉಪಯುಕ್ತ ಎನಿಸಲಿದೆ. ಕ್ಯಾಮೆರಾ ತೆರೆದು ಚಿತ್ರದಲ್ಲಿ ತೋರಿಸಿರುವ ಐಕಾನ್‌ ಆಯ್ಕೆಯನ್ನು ಸೆಲೆಕ್ಟ್‌ ಮಾಡಿ ವೈಲ್ಡ್‌ ಆಂಗಲ್‌ ಪೋಟೊ ತೆಗೆಯಬಹುದು.

ಸೂಪರ್‌ ಸ್ಟಡಿ ಮೋಡ್‌

ಸೂಪರ್‌ ಸ್ಟಡಿ ಮೋಡ್‌ ಆಯ್ಕೆಯ ನೆರವಿನಿಂದ ಸ್ಥಿರ್‌ ವಿಡಿಯೊ ಚಿತ್ರಿಕರಣ ಮಾಡಬಹುದಾಗಿದ್ದು, ಕ್ಯಾಮೆರಾದಲ್ಲಿರುವ OIS ಮತ್ತು ಕೇಲವು ತಂತ್ರಾಂಶಗಳು ಇದಕ್ಕೆ ಬೆಂಬಲ ನೀಡಲಿವೆ. ವಿಡಿಯೊ ರೆಸಲ್ಯೂಶನ್‌ 1080p ಗುಣಮಟ್ಟದಲ್ಲಿರಲಿದ್ದು, ಮೋಷನ್‌ ಮತ್ತು ಆಕ್ಷನ್‌ ಚಿತ್ರಿಕರಣದ ಸಮಯದಲ್ಲಿ ಈ ಸೂಪರ್‌ ಸ್ಟಡಿ ಮೋಡ್‌ ಆಯ್ಕೆಯನ್ನು ಆನ್‌ ಮಾಡಿಕೊಳ್ಳಬಹುದು. ಚಿತ್ರ ಗಮನಿಸಿ.

ಮೋಷನ್‌ ಫೋಟೊ

ಗ್ಯಾಲ್ಯಾಕ್ಸಿ ಎಸ್‌10 ಪ್ಲಸ್‌ ಸ್ಮಾರ್ಟ್‌ಫೋನಿನಲ್ಲಿ ಮೋಷನ್‌ ಫೋಟೊ ವೀಕ್ಷಿಸುವ ಆಯ್ಕೆಯನ್ನು ನೀಡಲಾಗಿದ್ದು, ಪ್ರತಿ ಫೋಟೊ ಸೆರೆಹಿಡಿಯುವ ಮುನ್ನ ಶಾರ್ಟ್‌ ವಿಡಿಯೊ ರೇಕಾರ್ಡ್‌ ಮಾಡಬಹುದಾಗಿದೆ. ಈ ಆಯ್ಕೆಯನ್ನು ಚಾಲ್ತಿಮಾಡಲು ಕ್ಯಾಮೆರಾ ಸೆಟ್ಟಿಂಗ್‌ ಲಿಸ್ಟ್‌ನಲ್ಲಿ ಕಾಣಿಸುವ ಮೋಷನ್‌ ಫೋಟೊಸ್‌ ಫೀಚರ್‌ ಆಯ್ಕೆಯನ್ನು ಅನ್ನು ಆನ್‌ ಮಾಡಬೇಕು.

ಸೇವ್‌ RAW ಪಿಚ್ಚರ್ಸ್‌

ಡಿಎಸ್‌ಎಲ್‌ಆರ್‌ ಕ್ಯಾಮೆರಾಗಳಲ್ಲಿ ನೋಡಬಹುದಾದ ಸೇವ್‌ RAW ಪಿಚ್ಚರ್ಸ್‌ ಆಯ್ಕೆಯನ್ನು ಗ್ಯಾಲ್ಯಾಕ್ಸಿ ಎಸ್‌10ಪ್ಲಸ್‌ ಒಳಗೊಂಡಿದ್ದು ಆಗಿದ್ದು, ಕ್ಯಾಮೆರಾದಲ್ಲಿ ಪ್ರೊ ಮೋಡ್‌ ಆಯ್ಕೆಯಲ್ಲಿ ಸೆರೆಹಿಡಿದ ಫೋಟೊಗಳು RAW ಪಿಚ್ಚರ್ಸ್‌ನಲ್ಲಿ ಸೇವ್‌ ಆಗುವುದು ಮತ್ತು ಹೆಚ್ಚಿನ್‌ ಮಾಹಿತಿಯನ್ನು ಹೊಂದಿರುತ್ತದೆ. ಆನ್‌ ಮಾಡಲು ಈ ಹಂತ ಫಾಲೋ ಮಾಡಿ ಕ್ಯಾಮೆರಾ ಸೆಟ್ಟಿಂಗ್ > ಸೇವ್‌ ಆಯ್ಕೆಗಳು > RAW ಕಾಪಿಸ್‌(ಪ್ರೊ).

ಲೈವ್‌ ಫೋಕಸ್‌ ಬಳಕೆ

ಗ್ಯಾಲ್ಯಾಕ್ಸಿ ಎಸ್‌10ಪ್ಲಸ್‌ ಫೋನ್‌ನಲ್ಲಿ ಫೋಟೊ ಸೆರೆಹಿಡಿವುವಾಗ ಬೇಕಾದ ಅಬ್ಜೆಕ್ಟ್‌ಗೆ ಮಾತ್ರ ಲೈವ್‌ ಫೋಕಸ್ ಮಾಡಿಕೊಳ್ಳಬಹುದಾಗಿದ್ದು, ಇದಕ್ಕಾಗಿ ಟೆಲಿಫೋಟೊ ಲೆನ್ಸ್ ನೀಡಲಾಗಿದೆ. ಆಟೋಮ್ಯಾಟಿಕ್ ಆಗಿ ಅದು ಬ್ಲರ್‌ ಮಾಡಿಕೊಳ್ಳುತ್ತದೆ ಆದರೆ ನೀವು ಲೈವ್‌ ಫೋಕಸ್‌ ಸೆಲೆಕ್ಟ್ ಮಾಡಿಕೊಳ್ಳುವ ಮೂಲಕ ನಿಗದಿತ ಅಬ್ಜೆಕ್ಟ್‌ ಅನ್ನು ಮಾತ್ರ ಪೋಕಸ್‌ ಮಾಡಿಕೊಳ್ಳಬಹುದು.

ಫ್ಲೋಟಿಂಗ್ ಕ್ಯಾಮೆರಾ ಶಟರ್‌

ಗ್ಯಾಲ್ಯಾಕ್ಸಿ ಎಸ್‌10 ಪ್ಲಸ್‌ ಸ್ಮಾರ್ಟ್‌ಫೋನ್‌ ಡಿಸ್‌ಪ್ಲೇಯು ಉದ್ದವಾಗಿದ್ದು, ಫೋಟೊ ಕ್ಲಿಕ್ಕ್ ಮಾಡುವಾಗ ಬೆರಳು ಶಟರ್‌ ಬಟನ್‌ ಒತ್ತಲು ಅನ್‌ಕಂಫರ್ಟ್‌ ಎನಿಸಬಹುದು. ಈ ಸಮಸ್ಯೆ ಆಗಬಾರದೆಂದು ಫ್ಲೋಟಿಂಗ್ ಶಟರ್‌ ಆಯ್ಕೆ ನೀಡಲಾಗಿದ್ದು, ಸಕ್ರಿಯ ಮಾಡುವ ಮೂಲಕ ಡಿಸ್‌ಪ್ಲೇಯಲ್ಲಿ ಎಕ್ಸ್‌ಟ್ರಾ ಶಟರ್‌ ಬಳಕೆ ಮಾಬಹುದು. (ಕ್ಯಾಮೆರಾ ಸೆಟ್ಟಿಂಗ್ > ಶೂಟಿಂಗ್‌ ಮೇಥೆಡ್‌ > ಫ್ಲೋಟಿಂಗ್‌ ಶಟರ್‌ ಬಟನ್)

ಗೆಸ್ಚರ್‌ ಫೋಟೊ ಕ್ಲಿಕ್ಕ್

ಈ ಸ್ಮಾರ್ಟ್‌ಫೋನಿನಲ್ಲಿ ಬಳಕೆದಾರರು ಫೋಟೊ ಸೆರೆಹಿಡಿಯಲು ಶಟರ್‌ ಬಟನ್‌ ಒತ್ತಬೇಕೆಂದಿಲ್ಲ ಏಕೆಂದರೇ, ಅಂಗೈ ಗೆಸ್ಚರ್ ಮೂಲಕವು ಫೋಟೊ ಕ್ಲಿಕ್ಕಿಸುವ ಆಯ್ಕೆಯನ್ನು ನೀಡಲಾಗಿದೆ. ಅದಕ್ಕಾಗಿ ಶೋ ಪಾಮ್‌ ಆಯ್ಕೆ ಸಕ್ರಿಯ ಮಾಡಬೇಕು. (ಕ್ಯಾಮೆರಾ ಸೆಟ್ಟಿಂಗ್ > ಶೂಟಿಂಗ್‌ ಮೇಥೆಡ್‌ > ಶೋ ಪಾಮ್).

ವಾಯಿಸ್‌ ಕ್ಲಿಕ್ಕ್

ವಾಯಿಸ್‌ ಮೂಲಕ ಸಹ ಫೋಟೊ ಸೆರೆಹಿಡಿಯುವ ಆಯ್ಕೆ ನೀಡಲಾಗಿದ್ದು, ಸ್ಮೈಲ್‌, ಚೀಸ್‌, ಶೂಟ್‌ ಅಥವಾ ಕ್ಯಾಪ್ಚರ್‌ ಪದಗಳನ್ನು ಕ್ಯಾಮೆರಾ ಗ್ರಹಿಸಲಿದೆ. ವಿಡಿಯೊಗಾಗಿ ರೇಕಾರ್ಡ್‌ ವಿಡಿಯೊ ಪದವನ್ನು ಬಳಸಬಹುದಾಗಿದೆ. ಈ ಆಯ್ಕೆಯನ್ನು ಸಕ್ರಿಯ ಮಾಡಲು ಈ ಹಂತಗಳನ್ನು ಫಾಲೋ ಮಾಡಿ. (ಕ್ಯಾಮೆರಾ ಸೆಟ್ಟಿಂಗ್ > ಶೂಟಿಂಗ್‌ ಮೇಥೆಡ್‌ > ವಾಯಿಸ್‌ ಕಂಟ್ರೋಲ್).