ಭಾರತದಲ್ಲಿ ಬಿಡುಗಡೆ ಆಯ್ತು ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ : ಬೆಲೆ, ವಿಶೇಷತೆಗಳು..!

ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ ಬೆಲೆ:

ಸ್ಯಾಮ್‌ಸಂಗ್ ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ ಇಂದು ಲಾಂಚ್ ಆಗಿದ್ದು, ಸ್ಯಾಮ್‌ಸಂಗ್ ಗ್ಯಾಲೆಕ್ಸಿ S8 ರೂ.57,900 ಗಳಾಗಿದ್ದು, ಇದೇ ಗ್ಯಾಲೆಕ್ಸಿ S8 ಪ್ಲಸ್ ರೂ. 64,900ಗೆ ದೊರೆಯಲಿದೆ. ಈ ಎರಡು ಫೋನ್‌ಗಳು ಡುಯಲ್ ಸಿಮ್ ಆಯ್ಕೆಯನ್ನು ಹೊಂದಿದೆ. ಆದರೆ ಈ ಫೋನ್‌ಗಳು ಅಮೆರಿಕಾದ ಮಾರುಕಟ್ಟೆಯಲ್ಲಿ ಇನ್ನು ಕಡಿಮೆ ಬೆಲೆಗೆ ಲಭ್ಯವಿದೆ ಎನ್ನಲಾಗಿದೆ.

ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ ಡಿಸ್‌ಪ್ಲೇ:

ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ ಸ್ಮಾರ್ಟ್‌ಫೋನಿನಲ್ಲಿ ಡ್ಯುಯಲ್ ಎಡ್ಜ್ ಕರ್ವಡ್ ಡಿಸ್‌ಪ್ಲೇಯನ್ನು ನೀಡಲಾಗಿದೆ. ಗೊರಿಲ್ಲ ಗ್ಲಾಸ್ 5 ಪ್ರೋಟೆಕ್ಷನ್ ಇದಕ್ಕಿದೆ. ಗ್ಯಾಲೆಕ್ಸಿ S8 ಪ್ಲಸ್ 6.2 ಇಂಚಿನ ಪರದೆಯನ್ನು ಹೊಂದಿದ್ದರೆ, ಗ್ಯಾಲೆಕ್ಸಿ S8 5.8 ಇಂಚಿನ ಪರದೆಯನ್ನು ಹೊಂದಿದೆ. ಆಮೊಲೈಡ್ ಡಿಸ್‌ಪ್ಲೇಯಾಗಿದ್ದು, QHD+ ಗುಣಮಟ್ಟವನ್ನು ಹೊಂದಿದೆ.

ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ ಪ್ರೋಸೆಸರ್:

ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ ಸ್ಮಾರ್ಟ್‌ಫೋನ್‌ಗಳು 2.35 GHz ಸ್ಯಾಮ್‌ಸಂಗ್ ಏಕ್ಸ್ನೋನ್ಸ್ 8895 ಪ್ರೋಸೆಸರ್ ಹೊಂದಿದೆ. ಈ ಫೋನುಗಳಲ್ಲಿ 4GB RAM ಅಳವಡಿಸಲಾಗಿದೆ. ಆದರೆ ಈ ಹಿಂದೆ ಕ್ವಾಲಕಮ್ ಸ್ನಾಪ್‌ಡ್ರಾಗನ್ 835 ಪ್ರೋಸೆಸರ್ ಹೊಂದಿರುವ ಫೋನುಗಳನ್ನು ಭಾರತದಲ್ಲಿ ಪರಿಚಯಿಸಲಾಗುವುದಾಗಿ ತಿಳಿಸಲಾಗಿತ್ತು.

ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ ಕ್ಯಾಮೆರಾ:

ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ ಸ್ಮಾರ್ಟ್‌ಫೋನಿನಲ್ಲಿ 12 MP ಡ್ಯುಯಲ್ ಪಿಕ್ಸೆಲ್ ಹಿಂಬದಿ ಕ್ಯಾಮೆರಾವನ್ನು ಹೊಂದಿದೆ. ಅಲ್ಲದೇ ಮುಂಭಾಗದಲ್ಲಿ 8 MP ಕ್ಯಾಮೆರಾವನ್ನು ನೀಡಲಾಗಿದೆ. ಇದು ಸಹ ಆಟೋ ಪೋಕಸ್ ಹೊಂದಿದೆ. ಈ ಎರಡು ಫೋನುಗಳು 64 GB ಇಂಟರ್‌ನಲ್ ಮೆಮೊರಿ ಇದ್ದು, ಮೈಕ್ರೋ ಎಸ್‌ಡಿ ಕಾರ್ಡ್ ಹಾಕಿಕೊಳ್ಳುವ ಮೂಲಕ 256 GB ವರೆಗೂ ಮೆಮೊರಿ ವಿಸ್ತರಿಸಿಕೊಳ್ಳುವ ಅವಕಾಶ ಮಾಡಿಕೊಡಲಾಗಿದೆ.

ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ ಬ್ಯಾಟರಿ:

ಗ್ಯಾಲೆಕ್ಸಿ S8 ಮತ್ತು ಗ್ಯಾಲೆಕ್ಸಿ S8 ಪ್ಲಸ್ ಸ್ಮಾರ್ಟ್‌ಫೋನುಗಳಲ್ಲಿ ಡಿಸ್‌ಪ್ಲೇ ವ್ಯತ್ಯಾಸ ಹೊಂದಿರುವ ಹಿನ್ನಲೆಯಲ್ಲಿ ಬ್ಯಾಟರಿ ಸಹ ಬೇರೆ ಬೇರೆಯಾಗಿದ್ದು, ಗ್ಯಾಲೆಕ್ಸಿ S8 ನಲ್ಲಿ 3000 mAh ಹಾಗೂ ಗ್ಯಾಲೆಕ್ಸಿ S8 ಪ್ಲಸ್ ನಲ್ಲಿ 3500 mAh ಬ್ಯಾಟರಿ ಅಳವಡಿಸಲಾಗಿದೆ. ಜೊತೆ ಈ ಫೋನ್‌ಗಳು 4G ಸಪೋರ್ಟ್ ಮಾಡಲಿವೆ ಮತ್ತು ಆಂಡ್ರಾಯ್ಡ್ 7.0ದಲ್ಲಿ ಕಾರ್ಯನಿರ್ವಹಿಸಲಿವೆ.