ಸ್ಯಾಮ್ಸಂಗ್ ಗ್ಯಾಲಕ್ಸಿ S3 ಯಾವಾಗ ಬರುತ್ತೆ ?

ಭಾರತೀಯ ಮಾರುಕಟ್ಟೆಗೆ ಸ್ಯಾಮ್ಸಂಗ್ S3 ಗ್ಯಾಲಕ್ಸಿ ಸ್ಮಾರ್ಟ್ ಫೋನ್ ಯಾವಾಗಪ್ಪಾ ಬರುತ್ತೆ ಅಂತ ಹಲವಾರು ಜನ ನಿರೀಕ್ಷೆಯಲ್ಲಿದ್ದಾರೆ. ಮೇ 3 ಕ್ಕೆ ಬಿಡುಗಡೆಯಾದ ಈ ಸ್ಮಾರ್ಟ್ ಫೋನ್ ಎಲ್ಲೆಡೆ ಪ್ರಶಂಸೆಗೆ ಪಾತ್ರವಾಗಿದ್ದು, ಆಪಲ್ ನ ಐಫೋನ್ 4S ಗಿಂತಾ ಎಲ್ಲ ರೀತಿಯಲ್ಲಿ ಚೆನ್ನಾಗಿದೆ ಎಂಬುದು ಗ್ರಾಹಕರ ಅಭಿಪ್ರಾಯ. ನೀವು ಒಂದು ತಿಂಗಳು ಕಾದರೆ ಸಾಕು, ಈ ಸುಂದರ ಗ್ಯಾಲಕ್ಸಿ S3 ಫೋನ್ ಭಾರತಕ್ಕೆ ಬರಲಿದೆ.

ಇನ್ನೂ ಪಕ್ಕಾ ಆಗಿ ಹೇಳಬೇಕೆಂದರೆ ಜೂನ್ ಮೊದಲ ವಾರ ಬರಲಿದೆ. ಅದೂ 38,000 ರೂಪಾಯಿಗೆ. ಎಚ್.ಟಿ.ಸಿ ಯ ಒನ್ X ಮಾಡೆಲ್ ಕೂಡಾ ಇದೇ ಶ್ರೇಣಿಯ ಫೋನ್ ಆಗಿದ್ದು, ಕ್ವಾಡ್ ಕೋರ್ ಪ್ರೋಸೆಸರ್ ಹೊಂದಿದೆ. ಆಪಲ್ ನ ಐಫೋನ್ 4S ನಲ್ಲಿ ಇರುವ ವಾಯ್ಸ್ ರೆಕಗ್ನಿಶನ್ ತಂತ್ರಾಂಶ "ಸಿರಿ" ರೀತಿಯಲ್ಲಿಯೇ, ಈ ಗ್ಯಾಲಕ್ಸಿ S3 ಯಲ್ಲಿಯೂ ಇದ್ದು ಕರೆ ಮಾಡುವುದು, ಶೆಡ್ಯೂಲಿಂಗ್ ಮಾಡುವುದು ಇನ್ನಷ್ಟು ಸುಲಭವಾಗಲಿದೆ.

ಹಾಗಾಗಿ ನೀವು ಸ್ವಲ್ಪ ಜಾಸ್ತಿ ಬೆಲೆಯಾದರೂ ಪರವಾಗಿಲ್ಲ, ಸ್ಮಾರ್ಟ್ ಫೋನ್ ಖರೀದಿಸುತ್ತೇನೆ ಎಂದು ನಿಮ್ಮ ಮನಸ್ಸಿನಲ್ಲಿ ಅಂದುಕೊಂಡಿದ್ದರೆ, ಸ್ಯಾಮ್ಸಂಗ್ ಗ್ಯಾಲಕ್ಸಿ S3 ಒಂದು ಅತ್ಯುತ್ತಮ ಚಾಯ್ಸ್ ಆಗಲಿದೆ.