smartphones: ಡಿಸೆಂಬರ್‌ನಲ್ಲಿ ಭಾರತದಲ್ಲಿ ಲಾಂಚ್‌ ಆಗುವ ಅತ್ಯುತ್ತಮ ಸ್ಮಾರ್ಟ್‌ಫೋನ್‌ಗಳಿವು: ಗ್ರಾಹಕರಲ್ಲಿದೆ ಭಾರೀ ಕಾತುರ!

ಸ್ಮಾರ್ಟ್‌ಫೋನ್‌ಗಳು (Smartphones) ಪ್ರತಿ ತಿಂಗಳು ಅನಾವರಣ ಆಗುತ್ತಿದ್ದು, ಈ ಮೂಲಕ ಗ್ರಾಹಕರು ಅವರ ಅಗತ್ಯಕ್ಕೆ ತಕ್ಕಂತೆ ಹೊಸ ಹೊಸ ಫೋನ್‌ಗಳನ್ನು ಖರೀದಿ ಮಾಡುತ್ತಿದ್ದಾರೆ. ಅದರಲ್ಲೂ ಕೆಲವು ಬ್ರ್ಯಾಂಡ್‌ಗಳ ಫೋನ್‌ಗಳಿಗೆ ಗ್ರಾಹಕರು ಕಾದು ಕುಳಿತಿದ್ದು, ಈ ಫೋನ್‌ಗಳ ಬಗ್ಗೆ ಈಗಾಗಲೇ ಸಾಕಷ್ಟು ಮಾಹಿತಿ ಲೀಕ್‌ ಆಗಿವೆ.

ಹೌದು, ಹೊಸ ಸ್ಮಾರ್ಟ್‌ಫೋನ್‌ಗೆ ಅಪ್‌ಗ್ರೇಡ್‌ ಆಗುವುದು ಹಲವಾರು ಜನರ ಆಸೆ. ಅದರಲ್ಲೂ ಇತ್ತೀಚಿಗೆ ಸಾಕಷ್ಟು ಹೊಸ ಸ್ಮಾರ್ಟ್‌ಫೋನ್‌ಗಳು ಲಾಂಚ್‌ ಆಗಿದ್ದರೂ ಸಹ ಗ್ರಾಹಕರು ಈ ತಿಂಗಳು ಲಾಂಚ್‌ ಆಗಲಿರುವ ಸ್ಮಾರ್ಟ್‌ವಾಚ್‌ಗಳನ್ನು ಖರೀದಿ ಮಾಡಲು ಕಾಯುತ್ತಿದ್ದಾರೆ. ಈ ವಿಭಾಗದಲ್ಲಿ ಐಕ್ಯೂ, ಒನ್‌ಪ್ಲಸ್, ರಿಯಲ್‌ಮಿ, ಪೊಕೊ, ರೆಡ್ಮಿ, ಹಾನರ್ (IQOO, OnePlus, Realme, Poco, Redmi, Honor) ಫೋನ್‌ಗಳು ಸೇರಿವೆ. ಹಾಗಿದ್ರೆ, ಈ ತಿಂಗಳು ಯಾವೆಲ್ಲಾ ನಿರೀಕ್ಷಿತ ಸ್ಮಾರ್ಟ್‌ಫೋನ್‌ಗಳು ಲಾಂಚ್‌ ಆಗಲಿವೆ?, ಇವುಗಳ ಫೀಚರ್ಸ್‌ ಏನು ಅನ್ನೋದನ್ನು ಈ ಲೇಖನದಲ್ಲಿ ತಿಳಿಸಿಕೊಡಲಾಗಿದೆ ಓದಿರಿ.

ಐಕ್ಯೂ 12 5G : ಈ ಸ್ಮಾರ್ಟ್‌ಫೋನ್ (IQOO 12 5G) 12 ಡಿಸೆಂಬರ್ 2023 ರಂದು ಲಾಂಚ್‌ ಆಗಲಿದೆ ಎಂದು ತಿಳಿದುಬಂದಿದೆ. ಇದು ಐಕ್ಯೂ 12 ಸರಣಿಯನ್ನು ಈಗಾಗಲೇ ಚೀನಾದಲ್ಲಿ ಪ್ರಾರಂಭಿಸಲಾಗಿದ್ದು, ಇದು ಸ್ನಾಪ್‌ಡ್ರಾಗನ್ 8 ಜನ್ 3 ಚಿಪ್‌ಸೆಟ್ ಅನ್ನು ಪ್ಯಾಕ್ ಮಾಡುವ ಮೊದಲ ಫೋನ್‌ ಆಗಿ ಹೆಸರು ಪಡೆಯಲಿದೆ. ಇದರೊಂದಿಗೆ ಈ ಸರಣಿಯಲ್ಲಿ ಐಕ್ಯೂ 12 5G ಮತ್ತು ಐಕ್ಯೂ 12 ಪ್ರೊ 5G ಫೋನ್‌ಗಳು ಇರಲಿವೆ ಎನ್ನಲಾಗಿದೆ. ಜೊತೆಗೆ ಈ ಫೋನ್ HDR10+ ಮತ್ತು 144Hz ರಿಫ್ರೆಶ್ ರೇಟ್‌ನೊಂದಿಗೆ 6.78 ಇಂಚಿನ 1.5K ಅಮೋಲೆಡ್‌ ಡಿಸ್ಪ್ಲೇಯನ್ನು ಹೊಂದಿರಲಿದೆ ಎಂದು ತಿಳಿದುಬಂದಿದೆ.

ಒನ್‌ಪ್ಲಸ್‌ 12: ಈ ಸ್ಮಾರ್ಟ್‌ಫೋನ್ (OnePlus 12) ಸಹ ಈ ತಿಂಗಳು ಲಾಂಚ್‌ ಆಗುವ ಸಂಭವ ಇದೆ. ಈ ಫೋನ್ ಒನ್‌ಪ್ಲಸ್‌ ಅಧ್ಯಕ್ಷ ಲಿ ಜಿಯೋ ಲೂಯಿಸ್ ವೈಬೋ ಪ್ಲಾಟ್‌ಫಾರ್ಮ್ ಮೂಲಕ ಇದನ್ನು ಘೋಷಣೆ ಮಾಡಿದ್ದಾರೆ. ಅದರಂತೆ ಭಾರತದಲ್ಲಿ ಈ ಫೋನ್‌ 12 ಜನವರಿ ಅಥವಾ ಫೆಬ್ರವರಿ 2024 ರಲ್ಲಿ ಲಾಂಚ್‌ ಆಗಲಿದೆ ಎನ್ನಲಾಗಿದೆ. ಇದರೊಂದಿಗೆ ಈ ಫೋನ್ ಓಮ್ನಿವಿಷನ್ OV64B ಸೆನ್ಸರ್‌ನೊಂದಿಗೆ 64MP ಪೆರಿಸ್ಕೋಪ್ ಕ್ಯಾಮೆರಾ ಮತ್ತು ಸೋನಿ LYT 808 ಸಂವೇದಕದೊಂದಿಗೆ 50MP ಮುಖ್ಯ ಕ್ಯಾಮೆರಾ ಹೊಂದಿರಲಿದೆ ಎನ್ನಲಾಗಿದೆ.

ರಿಯಲ್‌ಮಿ GT 5 ಪ್ರೊ: ಈ ಸ್ಮಾರ್ಟ್‌ಫೋನ್ (Realme GT 5 Pro) ಚೀನಾದಲ್ಲಿ 7 ಡಿಸೆಂಬರ್ 2023 ರಂದು ಲಾಂಚ್‌ ಆಗುವ ನಿರೀಕ್ಷೆಯಿದೆ. ಈ ಫೋನ್ ಸ್ನಾಪ್‌ಡ್ರಾಗನ್ 8 ಜನ್ 3 ಚಿಪ್‌ಸೆಟ್‌ನಿಂದ ಕಾರ್ಯನಿರ್ವಹಿಸಲಿದ್ದು, 24GB RAM ಮತ್ತು 1TB ಸ್ಟೋರೇಜ್‌ ಆಯ್ಕೆಯಲ್ಲಿ ಕಾಣಿಸಿಕೊಳ್ಳಲಿದೆ ಎನ್ನಲಾಗಿದೆ. ಇದರೊಂದಿಗೆ 6.78 ಇಂಚಿನ ಅಮೋಲೆಡ್‌ ಡಿಸ್ಪ್ಲೇ ಹೊಂದಿದ್ದು, 120Hz ರಿಫ್ರೆಶ್ ರೇಟ್‌ ಆಯ್ಕೆಯನ್ನು ಪಡೆದಿದೆ ಎನ್ನಲಾಗಿದೆ. ಹಾಗೆಯೇ ಆಂಡ್ರಾಯ್ಡ್‌ 14 ಆಧಾರಿತ ರಿಯಲ್‌ಮಿ UI 5 ಅನ್ನು ಈ ಫೋನ್ ರನ್ ಮಾಡುತ್ತದೆ ಎಂದು ಹೇಳಲಾಗಿದೆ.

ಪೊಕೊ X6 ನಿಯೋ : ಈ ಫೋನ್‌ (Poco X6 Neo) ಸಹ ಈ ತಿಂಗಳಲ್ಲಿ ಲಾಂಚ್‌ ಆಗುವ ನಿರೀಕ್ಷೆ ಇದೆ. ಈ ಫೋನ್ ಶಿಯೋಮಿ 13R ಪ್ರೊ ನ ಮರುಬ್ರಾಂಡ್ ಆಗಿರಬಹುದು ಎಂದು ಹೇಳಲಾಗಿದೆ. ಜೊತೆಗೆ ವಿಶ್ವಾಸಾರ್ಹ ಟಿಪ್‌ಸ್ಟರ್ Kacper Skrzypek ಕೂಡ ಈ ಫೋನ್‌ ರೆಡ್ಮಿ ನೋಟ್‌ 13R ಪ್ರೊ ನ ಮರುಬ್ರಾಂಡ್ ಆಗಿರಲಿದೆ ಎಂದು ಉಲ್ಲೇಖಿಸಿದೆ. ಈ ವಿಶೇಷ ಸ್ಮಾರ್ಟ್‌ಫೋನ್ 50MP ಅಥವಾ 108MP ಮುಖ್ಯ ಕ್ಯಾಮರಾ ಮತ್ತು 2MP ಡೆಪ್ತ್ ಸೆನ್ಸಾರ್ ಆಯ್ಕೆ ಪಡೆದಿರಲಿದೆ ಎನ್ನಲಾಗಿದೆ.

ಪೊಕೊ X6 ಪ್ರೊ: ಈ ಫೋನ್ (Poco X6 Pro) ಕೂಡ ಇದೇ ತಿಂಗಳಲ್ಲಿ ಲಾಂಚ್‌ ಆಗುವ ನಿರೀಕ್ಷೆ ಇದೆ. ಈ ಸ್ಮಾರ್ಟ್‌ಫೋನ್‌ IMEI ಡೇಟಾಬೇಸ್‌ನಲ್ಲಿ ಕಾಣಿಸಿಕೊಂಡಿದ್ದು, ಶೀಘ್ರದಲ್ಲೇ ಭಾರತದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಹಾಗೆಯೇ ಈ ಫೋನ್ 16GB RAM ಮತ್ತು 512GB ಇಂಟರ್‌ ಸ್ಟೋರೇಜ್‌ ಆಯ್ಕೆಯೊಂದಿಗೆ ಸ್ನಾಪ್ಡ್ರಾಗನ್ 7s ಜನ್ 2 ಚಿಪ್‌ಸೆಟ್‌ನಿಂದ ಕಾರ್ಯನಿರ್ವಹಿಸಲಿದೆ ಎಂದು ಹೇಳಲಾಗಿದೆ. ಜೊತೆಗೆ ಇದು 5100mAh ಸಾಮರ್ಥ್ಯದ ಬ್ಯಾಟರಿ ಆಯ್ಕೆ ಪಡೆಯಲಿದ್ದು, 67W ವೈರ್ಡ್ ಫಾಸ್ಟ್ ಚಾರ್ಜಿಂಗ್‌ ಬೆಂಬಲ ಹೊಂದಿದೆ ಎಂದು ತಿಳಿದುಬಂದಿದೆ.

ಹಾನರ್‌ 100: ಈ ಸ್ಮಾರ್ಟ್‌ಫೋನ್‌ (Honor 100) ಅನ್ನು ಈಗಾಗಲೇ ಚೀನಾದಲ್ಲಿ ಲಾಂಚ್ ಮಾಡಲಾಗಿದೆ. ಇದು ಹಾನರ್‌ 90 ರ ಉತ್ತರಾಧಿಕಾರಿಯಾಗಿದ್ದು, 120Hz ರಿಫ್ರೆಶ್ ರೇಟ್‌ ಆಯ್ಕೆಯೊಂದಿಗೆ ಫುಲ್‌ ಹೆಚ್‌ಡಿ + OLED ಡಿಸ್ಪ್ಲೇ ಯೊಂದಿಗೆ ಕಾಣಿಸಿಕೊಳ್ಳಲಿದೆ ಎನ್ನಲಾಗಿದೆ. ಜೊತೆಗೆ 5000mAh ಸಾಮರ್ಥ್ಯದ ಬ್ಯಾಟರಿ ಹೊಂದಿರಲಿದ್ದು, ಸ್ನಾಪ್‌ಡ್ರಾಗನ್ 7 ಜನ್ 3 ಚಿಪ್‌ಸೆಟ್‌ನಿಂದ ಕಾರ್ಯನಿರ್ವಹಿಸಲಿದೆ ಎಂದು ತಿಳಿದುಬಂದಿದೆ. ಇದರೊಂದಿಗೆ ಪ್ರೊ ಮಾದರಿಯು ಸ್ನಾಪ್ಡ್ರಾಗನ್ 8 ಜನ್ 2 SoC ಅನ್ನು ಹೊಂದಿರುತ್ತದೆ ಎಂದು ಲೀಕ್‌ ಮಾಹಿತಿಯಿಂದ ತಿಳಿದುಬಂದಿದೆ.

ಒಪ್ಪೋ ರೆನೋ 11 ಸರಣಿ: ಈ ವಿಭಾಗದಲ್ಲಿ ಎರಡು ಫೋನ್‌ಗಳು ಲಾಂಚ್‌ ಆಗಲಿವೆ ಎನ್ನಲಾಗಿದೆ. ಅಂದರೆ ಒಪ್ಪೋ ರೆನೋ 11 5G (Oppo Reno 11) ಮತ್ತು ಒಪ್ಪೋ ರೆನೋ 11 ಪ್ರೊ 5G ಸ್ಮಾರ್ಟ್‌ಫೋನ್‌ಗಳು ಲಾಂಚ್‌ ಆಗಲಿದೆ. ಈ ಫೋನ್‌ ಅನ್ನು TDRA ಪ್ರಮಾಣೀಕರಣ ವೆಬ್‌ಸೈಟ್‌ನಲ್ಲಿ ಮಾಡೆಲ್ ಸಂಖ್ಯೆ CPH2607 ನೊಂದಿಗೆ ವೀಕ್ಷಣೆ ಮಾಡಲಾಗಿದೆ. ಈ ಫೋನ್ 120Hz ರಿಫ್ರೆಶ್ ರೇಟ್ ಮತ್ತು 1600 ನಿಟ್ಸ್‌ ಬ್ರೈಟ್‌ನೆಸ್‌ನೊಂದಿಗೆ 6.74 ಇಂಚಿನ FHD+ ಕರ್ವ್ಡ್ OLED ಪ್ಯಾನೆಲ್ ಡಿಸ್‌ಪ್ಲೇ ಹೊಂದಿರಬಹುದು ಎಂದು ಊಹಿಸಲಾಗಿದೆ.

ರೆಡ್ಮಿ K70 : ಈ ಫೋನ್‌ (Redmi K70) ಚೀನಾದಲ್ಲಿ ಈಗಾಗಲೇ ಲಾಂಚ್‌ ಆಗಿದೆ. ಈ ಸರಣಿಯು 3 ಸ್ಮಾರ್ಟ್‌ಫೋನ್‌ಗಳನ್ನು ಹೊಂದಿದ್ದು ಅದರಲ್ಲಿ ರೆಡ್ಮಿ K70 , ರೆಡ್ಮಿ K70E , ಮತ್ತು ರೆಡ್ಮಿ K70 ಪ್ರೊ ಸೇರಿವೆ. ಇನ್ನು ಈ ರೆಡ್ಮಿ K70 ಸ್ಮಾರ್ಟ್‌ಫೋನ್‌ನ ಭಾರತದಲ್ಲಿ ಡಿಸೆಂಬರ್‌ನಲ್ಲಿ ಪೊಕೊ F6 ಆಗಿ ಬಿಡುಗಡೆಯಾಗಬಹುದು ಎಂದು ಹೇಳಲಾಗಿದೆ. ಈ ಡಿವೈಸ್‌ ಇತ್ತೀಚೆಗೆ ಗೀಕ್‌ಬೆಂಚ್‌ನಲ್ಲಿ ಕಾಣಿಸಿಕೊಂಡಿದೆ. ಈ ಸ್ಮಾರ್ಟ್‌ಫೋನ್‌ ಆಕ್ಟಾ-ಕೋರ್ ಮೀಡಿಯಾ ಟೆಕ್ ಡೈಮೆನ್ಸಿಟಿ 8300 ಚಿಪ್‌ಸೆಟ್‌ನಿಂದ ಕಾರ್ಯನಿರ್ವಹಿಸಲಿದ್ದು, ಈ ಹೊಸ ಪ್ರೊಸೆಸರ್ ಅದರ ಹಿಂದಿನದಕ್ಕಿಂತ 20% ಉತ್ತಮವಾಗಿದೆ.