ಸೋನಿ 'ಎಕ್ಸ್‌ಪಿರಿಯಾ 1':ವಿಶ್ವದ ಮೊದಲ '4K OLED' ಡಿಸ್‌ಪ್ಲೇ ಸ್ಮಾರ್ಟ್‌ಫೋನ್.!!

4K ಡಿಸ್‌ಪ್ಲೇ

'ಸೋನಿ ಎಕ್ಸ್‌ಪಿರಿಯಾ 1' ಸ್ಮಾರ್ಟ್‌ಫೋನ್ 3,840 x 1,644 ಪಿಕ್ಸಲ್ ರೆಸಲ್ಯೂಶನ್ ಸಾಮರ್ಥ್ಯದ 6.5 ಇಂಚಿನ ಸಿನಿಮಾವೈಲ್ಡ್ ಡಿಸ್‌ಪ್ಲೇ ಆಕಾರವನ್ನು ಒಳಗೊಂಡಿದೆ. ಸೋನಿ ಈಗಾಗಲೇ ತನ್ನ ಸ್ಮಾರ್ಟ್‌ಟಿವಿಗಳಲ್ಲಿ OLED ಡಿಸ್‌ಪ್ಲೇಯನ್ನು ಪರಿಚಯಿಸಿದ್ದು, ಅದೇ 4K ಗುಣಮಟ್ಟದ ಡಿಸ್‌ಪ್ಲೇಯನ್ನು ಈ 'ಎಕ್ಸ್‌ಪಿರಿಯಾ 1' ಸ್ಮಾರ್ಟ್‌ಫೋನ್ ಹೊಂದಿರಲಿದೆ ಎನ್ನಲಾಗಿದೆ.

ಪ್ರೊಸೆಸರ್

'ಸ್ನ್ಯಾಪ್‌ಡ್ರಾಗನ್ 855 ಪ್ರೊಸೆಸರ್ ಅನ್ನು ನೀಡಿದ್ದು, ಹೈ ಡೇಟಾ ಬೇಡುವ ಯಾವುದೇ ಗೇಮ್ ಅನ್ನು ಆಟಬಹುದಾಗಿದೆ. ಈ ಪ್ರೊಸೆಸರ್‌ ಮಲ್ಟಿಟಾಸ್ಕ್ ಕೆಲಸಗಳನ್ನು ಯಾವುದೇ ಅಡೆತಡೆ ಇಲ್ಲದೇ ನಿರ್ವಹಿಸುವ ಶಕ್ತಿಯನ್ನು ಸ್ಮಾರ್ಟ್‌ಫೋನಿಗೆ ಒದಗಿಸಲಿದೆ. ಇನ್ನೂ 6GB RAM ಸಾಮರ್ಥ್ಯದೊಂದಿಗೆ 128GB ಆಂತರಿಕ ಸಂಗ್ರಹ ಸಾಮರ್ಥ್ಯವನ್ನು ನೀಡಲಾಗಿದೆ.

ಕ್ಯಾಮೆರಾ

ಸೋನಿ ಮೊದಲ ಬಾರಿಗೆ ಮೂರು ಕ್ಯಾಮೆರಾಗಳನ್ನು ಪರಿಚಯಿಸಿದ್ದು, ಈ ಮೂರು ಕ್ಯಾಮೆರಾಗಳು 12 ಮೆಗಾಪಿಕ್ಸಲ್ ಸಾಮರ್ಥ್ಯವನ್ನು ಹೊಂದಿವೆ. ಪ್ರಮುಖ ಕ್ಯಾಮೆರಾ SteadyShot ಲೆನ್ಸ್ ಹೊಂದಿದ್ದು, ಉಳಿದೆರಡು ಟೆಲಿಪೋಟೋ ಲೆನ್ಸ್ ಮತ್ತು ಅಲ್ಟ್ರಾ ವೈಲ್ಡ್ ಲೆನ್ಸ್‌ಗಳನ್ನು ಹೊಂದಿದೆ. ಇನ್ನೂ ಸೆಲ್ಫಿಗಾಗಿ 8 ಮೆಗಾಪಿಕ್ಸಲ್ ಸಾಮರ್ಥ್ಯದ ಕ್ಯಾಮೆರಾ ನೀಡಲಾಗಿದೆ.

ಬ್ಯಾಟರಿ

'ಸೋನಿ ಎಕ್ಸ್‌ಪಿರಿಯಾ 1' ಸ್ಮಾರ್ಟ್‌ಫೋನ್ 3,330mAh ಶಕ್ತಿ ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, ಸೋನಿ ಹೊಸದಾಗಿ ಬ್ಯಾಟರಿ ಕೇರ್ ಮತ್ತು ಸ್ಮಾರ್ಟ್‌ ಸ್ಟೇಮಿನಾ ಮೋಡ್ ಆಯ್ಕೆಗಳನ್ನು ಪರಿಚಯಿಸಿದ್ದು, ಇವು ಬ್ಯಾಟರಿಯ ರಕ್ಷಣೆ ಮತ್ತು ಸುರಕ್ಷತೆಗೆ ಸಹಾಯಕ ಆಗಿವೆ.

ಲಭ್ಯತೆ ಮತ್ತು ಬೆಲೆ?

ಇತ್ತೀಚಿಗೆ ನಡೆದ ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ 2019 ಕಾರ್ಯಕ್ರಮದಲ್ಲಿ ಸೋನಿ ಕಂಪನಿಯು ತನ್ನ 'ಎಕ್ಸ್‌ಪಿರಿಯಾ 1' ಸ್ಮಾರ್ಟ್‌ಫೋನ್ ಅನ್ನು ಪ್ರದರ್ಶಿಸಲಾಗಿದ್ದು, ಇದೇ ವರ್ಷದ ಅಂತ್ಯದೊಳಗೆ ದೊರೆಯಲಿದೆ ಎಂದು ತಿಳಿಸಿದ್ದು, ಇದರ ಬೆಲೆಯ ಬಗ್ಗೆ ಕಂಪನಿಯು ಅಧಿಕೃತವಾಗಿ ಯಾವುದೇ ಮಾಹಿತಿ ಬಹಿರಂಗಪಡಿಸಿಲ್ಲ.