ನಿದ್ರೆ ಮತ್ತು ಸಂತಾನೋತ್ಪತ್ತಿ ಕುಂಠಿತಕ್ಕೆ 'ಸ್ಮಾರ್ಟ್‌ಫೋನ್' ಕಾರಣ ಎಂದ ಅಧ್ಯಯನ.!!

ಟೆಕ್ನೊಫೆರೆನ್ಸ್‌(technoference)

ಅತೀಯಾದ ಸ್ಮಾರ್ಟ್‌ಫೋನ್‌ ಬಳಕೆಗೆ ಅಡಿಕ್ಟ್‌ ಆಗಿರುವುದಕ್ಕೆ ಈ ಪದ ಬಳೆಸಲಾಗುತ್ತಿದೆ. ಪರಸ್ಪರ ಮಹಿಳೆ ಪುರುಷರಿಬ್ಬರೂ ಸಂಪೂರ್ಣ ಸ್ಮಾರ್ಟ್‌ಫೋನಿನಲ್ಲಯೇ ಮಗ್ನರಾಗುತ್ತಿರುವುದು, ದಂಪತಿಗಳ ಸಂಬಂಧದ ನಡುವೆ ಅಂತರ ಮೂಡಿಸುತ್ತಿದೆ. ಹೀಗಾಗಿ ದಂಪತಿಗಳಲ್ಲಿ ಸಂತಾನೋತ್ಪತ್ತಿ ಸಮಸ್ಯೆಗಳು ಎದುರಾಗುತ್ತವೆ ಎಂಬ ಅಂಶಗಳನ್ನು ಅಧ್ಯಯನವು ಹೊರಹಾಕಿದೆ.

ಮರೆಯಾಗುತ್ತಿದೆ ನಿದ್ರೆ

ಸರ್ವೇಯ ಪ್ರಕಾರ ಪ್ರತಿ ಐದು ಮಹಿಳೆಯರಲ್ಲಿ ಒಬ್ಬರು(ಶೇ. 19.5) ಹಾಗೂ ಪ್ರತಿ ಎಂಟು ಪುರುಷರಲ್ಲಿ ಒಬ್ಬರು(ಶೇ. 11.8 ) ಅತೀಯಾದ ಸ್ಮಾರ್ಟ್‌ಫೋನ್‌ ಬಳಕೆಯಿಂದಾಗಿ ನಿದ್ರೆಯಿಂದ ವಂಚಿತರಾಗುತ್ತಿದ್ದಾರೆ ಎಂಬ ಮಾಹಿತಿಯನ್ನು ವರದಿ ತಿಳಿಸಿದೆ.

ಸಂತಾನೋತ್ಪತ್ತಿ ಕುಸಿತ

ದಿನದ ಹೆಚ್ಚಾದ ಸಮಯವನ್ನು ಸ್ಮಾರ್ಟ್‌ಫೋನಿನಲ್ಲಿ ಕಳೆಯುವ ಕಾರಣದಿಂದಾಗಿ ಸಂತಾನೋತ್ಪತ್ತಿ ಪ್ರಮಾಣ ಕಡಿಮೆಯಾಗಿದೆ ಎಂಬುದನ್ನು ಶೇ.12.6 ನಷ್ಟು ಪುರುಷರ ತಿಳಿಸಿದ್ದಾರೆ. ಹಾಗೂ ಶೇ.14 ರಷ್ಟು ಮಹಿಳೆಯರು ಸಹ ಸಂತಾನೋತ್ಪತ್ತಿ ಕುಸಿತಕ್ಕೆ ಅತೀಯಾದ ಸ್ಮಾರ್ಟ್‌ಫೋನ್ ಬಳಕೆಯೇ ಕಾರಣ ಎಂಬದನ್ನು ತಿಳಿಸಿದ್ದಾರೆ.

ಗಂಭೀರ ನೋವಿಗೆ ಕಾರಣ

ಸಂಶೋಧನೆಯ ವರದಿ ಪ್ರಕಾರ ವಿಪರೀತ ಸ್ಮಾರ್ಟ್‌ಫೋನ್‌ ಉಪಯೋಗಿಸುವುದರಿಂದ ತಲೆನೋವು, ಕಣ್ಣುಗಳ ನೋವುಗಳು ಸೇರಿದಂತೆ ಹಲವು ಗಂಭೀರ ನೋವುಗಳಿಗೆ ಕಾರಣವಾಗುತ್ತದೆ ಎಂಬುದನ್ನು ಶೇ.8.4 ಮಹಿಳೆಯರು ಮತ್ತು ಶೇ.7.9 ರಷ್ಟು ಪುರುಷರು ಹೇಳಿಕೊಂಡಿದ್ದಾರೆ.

ಸಮಸ್ಯೆ ಏರಿಕೆ

2005ರಲ್ಲಿ ನಡೆದ ಇದೇ ಮಾದರಿಯ ಸರ್ವೇಯ ಪ್ರಶ್ನೇಗಳನ್ನೆ ಈ ಅಧ್ಯಯದ ಸರ್ವೇಯಲ್ಲಿ ಕೇಳಲಾಗಿದ್ದು, ಅತೀಯಾದ ಸ್ಮಾರ್ಟ್‌ಫೋನ್ ಬಳಕೆ ನಿದ್ರೆ ಕಸೆದುಕೊಂಡಿದೆ, ಸಂತಾನೋತ್ಪತ್ತಿ ಕ್ಷೀಣಿಸಿದೆ, ವಾಹನ ಚಾಲನೆ ಮಾಡುವಾಗ ಸ್ಮಾರ್ಟ್‌ಫೋನ್‌ ಬಳಕೆ ತೊಂದರೆ ತಂದಿದೆ, ಮತ್ತು ಹಲವು ಸಮಸ್ಯೆಗಳನ್ನು ಎದುರಿಸಲಾಗಿದೆ ಎಂಬುದನ್ನು ಹೇಳಿಕೊಂಡಿದ್ದಾರೆ.