'ವಿವೋ U 1' ಎಂಟ್ರಿ ಲೆವೆಲ್ ಫೋನ್ ರಿಲೀಸ್‌ಗೆ ರೆಡಿ!.4,030mAh ಬ್ಯಾಟರಿ ಶಕ್ತಿ!

ಡಿಸ್‌ಪ್ಲೇ

ವಿವೋ ಯು 1 ಸ್ಮಾರ್ಟ್‌ಫೋನ್ 6.2 ಇಂಚಿನ ಹೆಚ್‌ಡಿ ಡಿಸ್‌ಪ್ಲೇಯನ್ನು ಹೊಂದಿರಲಿದ್ದು, ಡಿಸ್‌ಪ್ಲೇಯ ಪಿಕ್ಸಲ್ ರೆಸಲ್ಯೂಶನ್‌ 1520 × 720 ಸಾಮರ್ಥ್ಯದಲ್ಲಿರಲಿದೆ. ಡಿಸ್‌ಪ್ಲೇಯ ಅನುಪಾತವು 19:9 ಆಗಿದ್ದು, ಸ್ಕ್ರೀನ್‌ನಿಂದ ಬಾಹ್ಯಬಾಡಿಯ ನಡುವಿನ ಅನುಪಾತ ಶೇ.88.6% ಆಗಿರಲಿದೆ. ತನ್ನ ವರ್ಗದಲ್ಲಿಯೇ ಉತ್ತಮ ಡಿಸ್‌ಪ್ಲೇ ಇದಾಗಿದೆ ಎನ್ನಬಹುದು.

ಪ್ರೊಸೆಸರ್

ಆಕ್ಟಾಕೋರ್ ಸ್ನ್ಯಾಪ್‌ಡ್ರಾಗನ್ 439 ಪ್ರೊಸೆಸರ್ ಅನ್ನು ಹೊಂದಿರಲಿದ್ದು, ಫೋನ್ ಕಾರ್ಯವೈಖರಿಯು ವೇಗವಾಗಿರಲಿದೆ. ಇದರೊಂದಿಗೆ ಆಂಡ್ರಾಯ್ಡ್‌ ಓರಿಯೊ ಆಪರೇಟಿಂಗ್ ಸಿಸ್ಟಮ್ ಸಹ ಇದ್ದು, ಪ್ರೊಸೆಸರ್‌ಗೆ ಉತ್ತಮ, ಬೆಂಬಲ ನೀಡಲಿದೆ ಮತ್ತು ಫೋನ್‌ನಲ್ಲಿ ಆಪರೇಟಿಂಗ್‌ನಲ್ಲಿ ಹೊಸ ಫೀಚರ್ಸ್‌ಗಳು ಇರಲಿವೆ.

ಮೆಮೊರಿ

ವಿವೋ ಯು 1 ಸ್ಮಾರ್ಟ್‌ಫೋನ್ ದೇಶಿಯ ಮಾರುಕಟ್ಟೆಗೆ ಎರಡು ವೇರಿಯಂಟ್‌ಗಳಲ್ಲಿ ಎಂಟ್ರಿಕೊಡಲಿದೆ. 3GB RAM + 64GB ಆಂತರಿಕ ಸಂಗ್ರಹ ಸಾಮರ್ಥ್ಯದ ಮತ್ತು 4GB RAM + 64GB ಸಂಗ್ರಹ ಸ್ಥಳಾವಕಾಶದ ವೇರಿಯಂಟ್ ಆಯ್ಕೆಗಳಲ್ಲಿ ಲಭ್ಯವಾಗಲಿವೆ. ಚೀನಾದಲ್ಲಿ ಈ ಮಾದರಿಯ ಫೋನ್ ಮೂರು ವೇರಿಯಂಟ್‌ನಲ್ಲಿ ಆಯ್ಕೆಯನ್ನು ಹೊಂದಿದೆ.

ಕ್ಯಾಮೆರಾ

ಸ್ಮಾರ್ಟ್‌ಫೋನ್ ಹಿಂಬದಿಯಲ್ಲಿ ಡ್ಯುಯಲ್ ರೇರ ಕ್ಯಾಮೆರಾ ಹೊಂದಿದ್ದು, ಪ್ರಾಥಮಿಕ ಕ್ಯಾಮೆರಾವು f/2.2 ಅಪರ್ಚರ್ ನೊಂದಿಗೆ 13 ಮೆಗಾಪಿಕ್ಸಲ್ ಸಾಮರ್ಥ್ಯವನ್ನು ಹೊಂದಿರಲಿದೆ ಹಾಗೂ ಸೆಕೆಂಡರಿ ಕ್ಯಾಮೆರಾವು f/2.4 ಅಪರ್ಚರ್ ನೊಂದಿಗೆ ಮೆಗಾಪಿಕ್ಸಲ್ ಸಾಮರ್ಥ್ಯದಲ್ಲಿ ಇರಲಿದೆ.

ಬ್ಯಾಟರಿ

4,030mAh ಸಾಮರ್ಥ್ಯದ ಶಕ್ತಿಯುತ ಬ್ಯಾಟರಿ ಬ್ಯಾಟರಿಯನ್ನು ನೀಡಲಾಗಲಿದ್ದು, ಒಮ್ಮೆ ಚಾರ್ಜ್ ಮಾಡಿದರೇ ಒಂದು ದಿನ ಸಂಪೂರ್ಣ ಬಾಳಿಕೆ ಒದಗಿಸಲಿದೆ. ಫಾಸ್ಟ್‌ ಚಾರ್ಜ್‌ರ ಸೌಲಭ್ಯವನ್ನು ನೀಡಲಿರುವ ಬಗ್ಗೆ ಮಾಹಿತಿ ಇಲ್ಲ. ತನ್ನ ವರ್ಗದಲ್ಲಿಯೇ ಇದು ಬೆಸ್ಟ್ ಬ್ಯಾಟರಿ ಆಗಿದೆ.

ಬೆಲೆ ಮತ್ತು ಲಭ್ಯತೆ

ವಿವೋ ಯು 1 ಸ್ಮಾರ್ಟ್‌ಫೋನ್ ಕಂಪನಿಯ ಆರಂಭಿಕ ಸ್ಮಾರ್ಟ್‌ಫೋನ್ ಎಂದೆನಿಸಿಕೊಳ್ಳಲಿದ್ದು, ಈ ಫೋನ್ ಇದೇ ಮೇ ತಿಂಗಳಲ್ಲಿ ದೇಶಿಯ ಮಾರುಕಟ್ಟೆಗೆ ಎಂಟ್ರಿ ಕೊಡಲಿದೆ. ಎರಡು ವೇರಿಯಂಟ್‌ಗಳಲ್ಲಿ ಲಭ್ಯವಾಗಲಿರುವ ಈ ಸ್ಮಾರ್ಟ್‌ಫೋನ್ ಆರಂಭಿಕ ಬೆಲೆಯು 6,490ರೂ.ಗಳು ಇರಬಹುದು ಎಂದು ಊಹಿಸಲಾಗಿದೆ.