ವಿಂಡೋಸ್ ಫೋನ್ 8 ಮೊಬೈಲ್ ಬರಲಿದೆ

Posted By: Super

    ವಿಂಡೋಸ್ ಫೋನ್ 8 ಮೊಬೈಲ್ ಬರಲಿದೆ

    ಮೊನ್ನೆಯಿಂದ ಸುದ್ದಿಯಲ್ಲಿರುವ ಮೈಕ್ರೋಸಾಫ್ಟ್ ಸ್ಯಾನ್ ಫ್ರಾನ್ಸಿಸ್ಕೋ ದಲ್ಲಿ ತನ್ನದೇ ಆದ ಸರ್ಫೇಸ್ ಟ್ಯಾಬ್ಲೆಟ್ ಅನ್ನು ಬಿಡುಗಡೆ ಮಾಡಿದ ಬೆನ್ನಲ್ಲೇ ವಿಂಡೋಸ್ 8 ಆಧಾರಿತ ಸ್ಮಾರ್ಟ್ ಫೋನ್ ಆಪರೇಟಿಂಗ್ ಸಿಸ್ಟಮ್ ಅನ್ನೂ ಅನಾವರಣಗೊಳಿಸಿ ಮತ್ತೊಂದು ಅಚ್ಚರಿ ಮೂಡಿಸಿದೆ.

    ಬಹು ನಿರೀಕ್ಷಿತ ವಿಂಡೋಸ್ 8 ತಂತ್ರಾಂಶವನ್ನು ಕೇವಲ ಪಿಸಿ ಅಷ್ಟೇ ಅಲ್ಲದೆ ಟ್ಯಾಬ್ಲೆಟ್ ಹಾಗು ಸ್ಮಾರ್ಟ್ ಫೋನುಗಳಿಗೂ ಅಭಿವೃದ್ಧಿ ಪಡಿಸಿ ತನ್ನ ವಿಂಡೋಸ್ 8 ಅನ್ನು ಮತ್ತೊಂದು ಯಶಸ್ವೀ ಹಾಗು ಜನಪ್ರಿಯ ಸಾಫ್ಟ್ವೇರ್ ಮಾಡಲು ಎಲ್ಲ ರೀತಿಯಲ್ಲಿ ತಯಾರಾಗಿರುವ ಮೈಕ್ರೋಸಾಫ್ಟ್, ತನ್ನದೇ ಆದ ಟ್ಯಾಬ್ಲೆಟ್ ಹಾಗು ಸ್ಮಾರ್ಟ್ ಫೋನ್ ಗೆ ಹೊಂದಿಕೊಳ್ಳುವ ವಿಂಡೋಸ್ 8 ತಂತ್ರಾಂಶ ಬಿಡುಗಡೆ ಮಾಡುವ ಮೂಲಕ ಆಪಲ್ ಹಾಗು ಗೂಗಲ್ ಜೊತೆ ನೇರವಾಗಿ ಸ್ಪರ್ಧೆಗಿಳಿದಿದೆ.

    ವಿಶ್ವದ ಅತಿ ದೊಡ್ಡ ಸಾಫ್ಟ್ವೇರ್ ಕಂಪನಿಯಾಗಿರುವ ಮೈಕ್ರೋಸಾಫ್ಟ್, ಆಪಲ್  ನ iOS ಹಾಗು ಗೂಗಲ್ ನ ಆಂಡ್ರಾಯ್ಡ್ ತಂತ್ರಾಂಶಗಳಿಗೆ ತಕ್ಕ ಉತ್ತರವನ್ನು ವಿಂಡೋಸ್ 8 ಮೂಲಕ ಕೊಡಲು ಹಲವಾರು ಉತ್ತಮ ಫೀಚರುಗಳನ್ನು ಸೇರಿಸಿದೆ. ವಿಂಡೋಸ್ 8 ಸ್ಮಾರ್ಟ್ ಫೋನ್ ತಂತ್ರಾಂಶದ ವಿಶೇಷತೆಗಳಲ್ಲಿ  ಪ್ರಮುಖವಾದವು ಇಲ್ಲಿವೆ:

    1) ಮಲ್ಟಿ ಕೋರ್ ಪ್ರೋಸೆಸರ್- ಹಿಂದಿನ ವಿಂಡೋಸ್ ಆವೃತ್ತಿಗಳು ಸಿಂಗಲ್ ಕೋರ್ ಪ್ರೋಸೆಸರ್ ನಲ್ಲಿ ಮಾತ್ರ ಸರಿಯಾಗಿ ಕೆಲಸಮಾಡುತ್ತಿದ್ದವು. ಈಗ ವಿಂಡೋಸ್ 8 ಅನ್ನು ಮಲ್ಟಿ ಕೋರ್ ಪ್ರೋಸೆಸರ್ ನಲ್ಲೂ ಸಮರ್ಪಕವಾಗಿ ಕೆಲಸ ಮಾಡುವಂತೆ ಅಭಿವೃದ್ಧಿಪಡಿಸಲಾಗಿದೆ.

    2 ) ದೊಡ್ಡ ಹಾಗು ತೀಕ್ಷ್ಣ ಸ್ಕ್ರೀನ್ - ವಿಂಡೋಸ್ 8 HD 720p ಡಿಸ್ಪ್ಲೇ ಅನ್ನೂ ಸಪೋರ್ಟ್ ಮಾಡಲಿದೆ.1280x768 ಹಾಗು 1280x720 ರೆಸಲ್ಯೂಶನ್ ಇರುವ ಸ್ಕ್ರೀನ್ ಗೂ ಸಪೋರ್ಟ್ ಮಾಡಲಿದೆ.

    3) ಇನ್ನೂ ಹೆಚ್ಚು ಮಾಹಿತಿ ಶೇಖರಣಾ ಸಾಮರ್ಥ್ಯ- ವಿಂಡೋಸ್ 8, ದಿಟಾಚಬಲ್ ಮೈಕ್ರೋ SD ಕಾರ್ಡ್ ಅನ್ನೂ ಕೂಡ ಬೆಂಬಲಿಸುತ್ತದೆ. ಹಾಗಾಗಿ PC ಯಿಂದ ಮೊಬೈಲ್ ಗೆ ಮ್ಯೂಸಿಕ್ ಹಾಗು ಫೋಟೋಗಳನ್ನು ವರ್ಗಾಯಿಸಬಹುದು.

    4) NFC ಶೇರಿಂಗ್- Near Field Connectivity ಇರುವ ಮತ್ತೊಂದು ಸಾಧನದಿಂದ ಫೈಲುಗಳನ್ನು ವರ್ಗಾಯಿಸಬಹುದು.

    5) ಇಂಟರ್ನೆಟ್ Explorer 10 - ವಿಂಡೋಸ್ 8 ಸ್ಮಾರ್ಟ್ ಫೋನುಗಳಲ್ಲಿ ಮೈಕ್ರೋಸಾಫ್ಟ್ ನ  ಇಂಟರ್ನೆಟ್ Explorer 10 ವೆಬ್ ಬ್ರೌಸರ್ ಇರಲಿದೆ.

    6) ವಾಲೆಟ್- ವಿಂಡೋಸ್ ಫೋನ್ 8 ನಿಂದ ನೀವು ನಿಮ್ಮ ಕ್ರೆಡಿಟ್ ಕಾರ್ಡ್ ಹಾಗು ಡೆಬಿಟ್ ಕಾರ್ಡ್ ಮಾಹಿತಿ ಯನ್ನು ಫೀಡ್ ಮಾಡಿ ಆನ್ಲೈನ್ ಶಾಪಿಂಗ್ ಮಾಡಬಹುದು.

    7) ಮ್ಯಾಪ್ಸ್- ಗೂಗಲ್ ನ ಮ್ಯಾಪ್ಸ್ ರೀತಿಯಲ್ಲಿ ನಕ್ಷೆಯ ಆಪ್ ಕೂಡ ಇದೆ.

    ಇಷ್ಟೆಲ್ಲಾ ಫೀಚರುಗಳು ಇರುವ ಈ ವಿಂಡೋಸ್ ಫೋನ್ 8 ಮೊಬೈಲ್ ಆಪರೇಟಿಂಗ್ ಸಿಸ್ಟಮ್ ಇರುವ ಸ್ಮಾರ್ಟ್ ಫೋನುಗಳು ಅಕ್ಟೋಬರ್ ವೇಳೆಗೆ ಬರುವ ಸಾಧ್ಯತೆ ಇದೆ.

    Opinion Poll

    ಇಡೀ ದಿನದ ತಾಜಾ ಸುದ್ದಿಗಳನ್ನು ಒಂದೇ ಕ್ಲಿಕ್ ನಲ್ಲಿ ಪಡೆಯಿರಿಿ- Kannada Gizbot

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Gizbot sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Gizbot website. However, you can change your cookie settings at any time. Learn more