ಶಿಯೋಮಿ ಬ್ಲಾಕ್‌ಶಾರ್ಕ್‌ ಗೇಮಿಂಗ್ ಸ್ಮಾರ್ಟ್‌ಫೋನ್: ಇದರ ಮುಂದೆ ಗ್ಯಾಲೆಕ್ಸಿ S9 ಕೂಡ ಸ್ಲೋ ಅಂತೆ..!

ವೇಗದ ಪ್ರೋಸೆಸರ್:

ಶಿಯೋಮಿ ನಿರ್ಮಾಣ ಮಾಡುತ್ತಿರುವ ಗೇಮಿಂಗ್ ಸ್ಮಾರ್ಟ್‌ಫೋನಿನಲ್ಲಿ ಟಾಪ್ ಎಂಡ್ ಗೇಮ್‌ಗಳನ್ನು ಸುಲಭವಾಗಿ ಆಡುವ ಸಲುವಾಗಿ ಟಾಪ್ ಪ್ರೋಸೆಸರ್ ಆಗಿರುವ ಕ್ವಾಲ್ಕಮ್ ಸ್ನಾಪ್‌ಡ್ರಾಗನ್ 845 ಅನ್ನು ಅಳವಡಿಸಿದೆ ಎನ್ನಲಾಗಿದ್ದು, 1.77GHz ವೇಗವನ್ನು ಇದು ಹೊಂದಿದೆ. ಅಲ್ಲದೇ ದೊಡ್ಡ GPU ವನ್ನು ಅಳವಡಿಸುವ ಸಾಧ್ಯತೆ ಇದೆ.

8GB RAM:

ಇದಲ್ಲದೇ ಬ್ಲಾಕ್ ಶಾರ್ಕ್ ಸ್ಮಾರ್ಟ್‌ಫೋನಿನಲ್ಲಿ 8GB RAM ಅನ್ನು ಅಳವಡಿಸಲಾಗಿದ್ದು, ಇದರೊಂದಿಗೆ 128GB ಇಂಟರ್ನಲ್ ಮೆಮೊರಿಯನ್ನು ಹೊಂದಿರಲಿದ್ದು, ದೊಡ್ಡ ದೊಡ್ಡ ಗೇಮ್‌ಗಳನ್ನು ಇದರಲ್ಲಿ ಸ್ಟೋರ್ ಮಾಡಿಕೊಳ್ಳಬಹುದಾಗಿದೆ.

ಸ್ಯಾಮ್‌ಸಂಗ್‌ ಗ್ಯಾಲೆಕ್ಸಿ S9ಗಿಂತಲೂ ವೇಗ:

ಇದಲ್ಲದೇ ಶಿಯೋಮಿ ಸ್ಮಾರ್ಟ್‌ಫೋನ್ ಬ್ಲಾಕ್ ಶಾರ್ಕ್ ಈಗಾಗಲೇ ಮಾರುಕಟ್ಟೆಯಲ್ಲಿ ಲಭ್ಯವಿರುವ ಸ್ಯಾಮ್‌ಸಂಗ್ ಟಾಪ್‌ ಫೋನ್ ಗ್ಯಾಲೆಕ್ಸಿ S9 ಗಿಂತಲೂ ಹೆಚ್ಚಿನ ಅಂಕವನ್ನು ಪಡೆದುಕೊಂಡಿದೆ ಎನ್ನಲಾಗಿದೆ. ಇದರಿಂದಾಗಿ ಶಿಯೋಮಿ ಫೋನ್ ಹೆಚ್ಚಿನ ವೇಗವನ್ನು ಹೊಂದಿರಲಿದೆ.

ಹೊಸ ಮಾದರಿ ಪ್ರೋಸೆಸರ್:

ಬ್ಲಾಕ್ ಶಾರ್ಕ್ ಸ್ಮಾರ್ಟ್‌ಫೋನು ಬಳಕೆ ಮಾಡುವ ಸಂದರ್ಭದಲ್ಲಿ ಬೇಗನೇ ಬಿಸಿಯಾಗುವುದನ್ನು ತಡಿಯುವ ಸಲುವಾಗಿ ಕೂಲರ್ ಅನ್ನು ಒಳಗೊಂಡಿರುವುದಲ್ಲದೇ, ಡಿಜಿಟಲ್ ಸಿಗ್ನಲ್ ಪ್ರೋಸೆಸರ್ ಅನ್ನು ಸಹ ಹೊಂದಿದೆ. ಜೊತೆಗೆ ದೊಡ್ಡ ಪ್ರಮಾಣದ ಬ್ಯಾಟರಿಯನ್ನು ನೀಡುವ ಸಾಧ್ಯತೆ ಇದೆ.

ಸ್ಟಾಕ್ ಆಂಡ್ರಾಯ್ಡ್:

ಇದಲ್ಲದೇ ಬ್ಲಾಕ್ ಶಾರ್ಕ್ ಸ್ಮಾರ್ಟ್‌ಫೋನಿನಲ್ಲಿ ಶಿಯೋಮಿ ಸ್ಟಾಕ್ ಆಂಡ್ರಾಯ್ಡ್ ಅನ್ನು ನೀಡುವ ಸಾಧ್ಯತೆ ಇದೆ. ಇಲ್ಲವಾದರೆ ಆಂಡ್ರಾಯ್ಡ್ ಒನ್ ಆದರೂ ಇರುವ ಸಾಧ್ಯತೆ ದಟ್ಟವಾಗಿದೆ. ಶೀಘ್ರವೇ ಈ ಸ್ಮಾರ್ಟ್ ಫೋನ್ ಕುರಿತು ಶಿಯೋಮಿ ಮಾಹಿತಿಯನ್ನು ಬಿಡುಗಡೆ ಮಾಡಲಿದೆ.