ಭಾರೀ ಸದ್ದು ಮಾಡಲಿವೆ ಶಿಯೋಮಿಯ ಈ ಹೊಸ ಸ್ಮಾರ್ಟ್‌ಫೋನ್‌ಗಳು.!

ಮಿ ಮ್ಯಾಕ್ಸ್ 4

ಶಿಯೋಮಿಯ ಕಂಪನಿಯ ಮುಂಬರಲಿರುವ 'ಮಿ ಮ್ಯಾಕ್ಸ್ 4' ಸ್ಮಾರ್ಟ್‌ಫೋನಿನ ಅತೀ ವಿಶೇಷವೆಂದರೆ ಅದರ ಡಿಸ್‌ಪ್ಲೇ. 7.2 ಇಂಚಿನ ದೊಡ್ಡ ಹೆಚ್‌ಡಿ ಡಿಸ್‌ಪ್ಲೇ ಯೊಂದಿಗೆ ಐದು ಪ್ಯಾನೆಲ್‌ವುಳ್ಳ ಗೊರಿಲ್ಲಾ ಗ್ಲಾಸ್ ರಕ್ಷಣೆ ಹೊಂದಿರಲಿದೆ, ಸ್ನಾಪ್‌ಡ್ರಾಗನ್ 660 ಪ್ರೊಸೆಸರ್ ಜೊತೆ ಆಂಡ್ರಾಯ್ಡ್ 9 ಆಪ್ರೇಟಿಂಗ್ ಸಿಸ್ಟಂ ಕಾರ್ಯಮಾಡಲಿದೆ. ಇನ್ನೂ ಕ್ಯಾಮೆರಾ 48 ಮೆಗಾಪಿಕ್ಸಲ್ ಸಾಮರ್ಥ್ಯ ಹೊಂದಿರಲಿದೆ ಹಾಗೂ 5800mAh ಸಾಮರ್ಥ್ಯದ ಪವರ್‌ಫುಲ್ ಬ್ಯಾಟರಿ ಇರಲಿದೆ ಎಂದು ಹೇಳಲಾಗುತ್ತಿದೆ.

ಮಿ ಮ್ಯಾಕ್ಸ್ 4 ಪ್ರೋ

ಗ್ರಾಹಕರಲ್ಲಿ ನಿರೀಕ್ಷೆ ಹುಟ್ಟುಹಾಕಿರುವ ಶಿಯೋಮಿ ಮಿ ಮ್ಯಾಕ್ಸ್ 4 ಪ್ರೋ ಸ್ಮಾರ್ಟ್‌ಫೋನ್‌ ಇದೊಂದು ಫ್ಯಾಬಲೇಟ್ ಮಾದರಿಯಲ್ಲಿರಲಿದೆ. ಸೆಲ್ಫೀಗಾಗಿ 20 ಮೆಗಾಪಿಕ್ಸಲ್ ಸಾಮರ್ಥ್ಯದ ಕ್ಯಾಮೆರಾ ಮತ್ತು ಹಿಂಭಾಗದಲ್ಲಿ ಸೋನಿಯ IMX586 ಸೆನ್ಸಾರ್ ಹೊಂದಿದ 48 ಮೆಗಾಪಿಕ್ಸಲ್ ಸಾಮರ್ಥ್ಯದ ಅತ್ಯುತ್ತಮ ಕ್ಯಾಮೆರಾ ನೀಡಲಿದೆ. 960fps ಸ್ಲೋ ಮೋಷನ್ ವಿಡಿಯೊಗ್ರಾಫಿಗೆ ಅವಕಾಶ ಇದೆ. ಆಂಡ್ರಾಯ್ಡ್ 9 ನೊಂದಿಗೆ ಸ್ನಾಪ್‌ಡ್ರಾಗನ್ 675 ಪ್ರೊಸೆಸರ್ ಹೊಂದಿರಲಿದೆ ಎಂದು ಹೇಳಲಾಗುತ್ತಿದೆ.

ಬೆಲೆ ಎಷ್ಟು?

ಶಿಯೋಮಿ ಕಂಪನಿಯ 'ಮಿ ಮ್ಯಾಕ್ಸ್ 4' ಮತ್ತು 'ಮಿ ಮ್ಯಾಕ್ಸ್ 4 ಪ್ರೋ' ಹೆಸರಿನ ಎರಡು ಸ್ಮಾರ್ಟ್‌ಫೋನ್‌ಗಳು ಭಾರಿ ನಿರೀಕ್ಷೆ ಮೂಡಿಸಿದ್ದು, ಈ ಸ್ಮಾರ್ಟ್‌ಫೋನ್‌ಗಳು ಒಟ್ಟು ಮೂರು ವೇರಿಯಂಟ್‌ಗಳಲ್ಲಿ ದೊರೆಯಲಿವೆ.(4GB RAM+64GB,ಅಥವಾ 6GB RAM+64GB, ಅಥವಾ 6GB RAM+128GB) 'ಮಿ ಮ್ಯಾಕ್ಸ್ 4' ಸ್ಮಾರ್ಟ್‌ಫೋನಿನ ಆರಂಭಿಕ ಬೆಲೆ 16,900 ರೂ.ಗಳು. ಎಂದು ಅಂದಾಜಿಸಲಾಗಿದೆ.

ಲಾಂಚ್ ಯಾವಾಗ ?

ಬಹುನಿರೀಕ್ಷಿತ ಶಿಯೋಮಿಯ 'ಮಿ ಮ್ಯಾಕ್ಸ್ 4' ಮತ್ತು 'ಮಿ ಮ್ಯಾಕ್ಸ್ 4 ಪ್ರೋ' ಸ್ಮಾರ್ಟ್‌ಫೋನ್‌ಗಳು ಯಾವಾಗ ರಿಲೀಸ್ ಆಗಲಿವೆ ಎನ್ನುವುದನ್ನು ಕಂಪನಿ ಇನ್ನೂ ಅಧಿಕೃತವಾಗಿ ಮಾಹಿತಿ ಬಿಡುಗಡೆ ಮಾಡಿಲ್ಲ. ಆದರೆ ಈ ವರ್ಷದ ಮೊದಲಾರಂಭದಲ್ಲಿಯೇ ಮೊಬೈಲ್ ಮಾರುಕಟ್ಟೆಗೆ ಲಗ್ಗೆ ಇಡುವ ಸಾಧ್ಯತೆಗಳಿವೆ ಎಂದು ಊಹಿಸಲಾಗುತ್ತಿದೆ.