ಭಾರತೀಯ ಸ್ಮಾರ್ಟ್‌ಪೋನ್ ಮಾರುಕಟ್ಟೆಯಲ್ಲಿ ಗುರುತಿಸಿಕೊಂಡಿರುವ ಚೀನಾ ಮೂಲದ ದೈತ್ಯ ಮೊಬೈಲ್ ತಯಾರಕ ಕಂಪನಿ ಶ್ಯೋಮಿ ಮತ್ತೊಂದು ಟಾಪ್ ಎಂಡ್ ಸ್ಮಾರ್ಟ್‌ಪೋನ್ ಬಿಡುಗಡೆಗೆ ಸದ್ದಿಲ್ಲದೇ ತಯಾರಿ ನಡೆಸಿದೆ. ಎಲ್ಲಾ ಅಂದು ಕೊಂಡಂತೆ ನಡೆದಿದ್ದರೆ ಈ ಪೋನ್ ಡಿಸೆಂಬರ್ 6 ರಂದೆ ಬಿಡುಗಡೆಯಾಗಬೇಕಿತ್ತು ಆದರೆ ಕಾರಣಾಂತರಗಳಿಂದ ಮುಂದೆ ಹೋಗಿದೆ. ಹೊಸ ವರ್ಷದ ಸಂಭ್ರಮದಲ್ಲಿ ಈ ಪೋನ್ ಬಿಡುಗೆಡೆಯಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ.
ಹೊಸ ವರ್ಷದಿಂದ 3G ಮತ್ತು 2G ಸ್ಮಾರ್ಟ್ ಪೋನ್‌ನಲ್ಲೂ ಜಿಯೋ ಸೇವೆ ಬಳಸಬಹುದು...!
ಶ್ಯೋಮಿ Mi S ಹೆಸರಿನ ಟಾಪ್ ಎಂಡ್ ಪೋನ್‌ವೊಂದನ್ನು ಗ್ರಾಹಕರ ಕೈಗೆ ಇಡಲು ಶ್ಯೋಮಿ ಮುಂದಾಗಿದ್ದು, ಈ ಹೊಸ ಪೋನ್ ನೋಡಲು ಸ್ಪಲ್ಪ ಐಪೋನ್ 5 ನಂತೆ ಕಾಣುತ್ತದೆ. ಸದ್ಯ ಮೊಬೈಲ್ ಬೆಲೆಯನ್ನು ಶ್ಯೋಮಿ ಬಹಿರಂಗ ಪಡಿಸಿಲ್ಲವಾದರೂ, ಜನ ಸಾಮಾನ್ಯರ ಜೇಬಿಗೆ ಹೊರೆಯಾಗದಂತೆ ಕೈಗೆ ಎಟುಕುವ ಬೆಲೆಯಲ್ಲೇ ಮೊಬೈಲ್ ಮಾರುವುದಾಗಿ ಕಂಪನಿ ತಿಳಿಸಿದೆ. ಈ ಮೊಬೈಲ್ ನ ಗುಣವಿಶೇಷತೆಗಳು ಈ ಕೆಳಕಂಡಂತೆ ಇದೆ.
ಹೇಗಿದೆ ಶ್ಯೋಮಿ Mi 5C...?
ಶ್ಯೋಮಿ Mi S ಕುರಿತಂತೆ ಚೀನಾದ ಟೆಕ್ ಪತ್ರಿಕೆಯೊಂದು ಮಾಹಿತಿ ನೀಡಿದ್ದು, ಈ ಮೊಬೈಲ್ ನಲ್ಲಿ 4.6 ಇಂಚಿನ ಡಿಸ್‌ಪ್ಲೇ ಇದ್ದು, 4G VoLTEಗೆ ಸಪೋರ್ಟ್ ಮಾಡುತ್ತದೆ. ನ್ಯಾನೋ ಡುಯಲ್ ಸಿಮ್ ಹಾಕಬಹುದಾಗಿದೆ. ಮೆಟಲ್ ಹೊರ ಕವಚವನ್ನು ಹೊಂದಿದ್ದು, ಹೊರ ಭಾಗದಿಂದ ನೋಡಲು ಐಪೋನ್ 5 ನಂತಿದ್ದು, ಕಾರ್ವ್ ಎಡ್ಜ್‍ ಹೊಂದಿದೆ.
ಹೊಸ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
ಉತ್ತಮ ಗುಣಮಟ್ಟದ ಡಿಸ್‌ಪ್ಲೇ
ಶ್ಯೋಮಿ Mi S ಪೋನಿನಲ್ಲಿ 4.6 ಇಂಚಿನ Full HD 1080p ರೆಸೆಲ್ಯುಷನ್ ಗುಣಮಟ್ಟದ ಡಿಸ್‌ಪ್ಲೇ ಇದ್ದು, ಸಿನಿಮಾ ನೋಡಲು ಮತ್ತು ಆಟವಾಡಲು ಹೇಳಿ ಮಾಡಿಸಿದಂತಿದೆ. 2600mAh ಸಾಮಾರ್ಥ್ಯದ ಬ್ಯಾಟರಿ ಹೊಂದಿದೆ.
ವೇಗದ ಪ್ರೋಸೆಸರ್
ಶ್ಯೋಮಿ Mi S ಸ್ಮಾರ್ಟ್‌ಪೋನಿನಲ್ಲಿ ಸ್ನ್ಯಾಪ್‌ಡ್ಯಾಗನ್ 821 ಪೋಸೆಸರ್ ಇದ್ದು, 4GB RAM ಮತ್ತು 128 GB ಆಂತರಿಕ ಮೆಮೊರಿ ಹೊಂದಿದೆ. ಇದಲ್ಲದೇ ಮೊಮೊರಿಯನ್ನು ಹೆಚ್ಚಿಸಿಕೊಳ್ಳಲು ಸಾಧ್ಯವಿದೆ.
ಗುಣಮಟ್ಟದ ಕ್ಯಾಮೆರಾ
ಶ್ಯೋಮಿ Mi S ದಲ್ಲಿ ಹಿಂಬದಿ 12 ಮೆಗಾ ಪಿಕ್ಸಲ್ ಕ್ಯಾಮೆರಾ ಇದ್ದು, ಉತ್ತಮ ಗುಣಮಟ್ಟದ ಪೋಟೊ ತೆಗೆಯುವ ಸಲುವಾಗಿ ಸೋನಿ ಸೆನ್ಸಾರ್ ಅಳವಡಿಸಲಾಗಿದ್ದು, 4K ವಿಡಿಯೋ ರೆಕಾರ್ಡಿಂಗ್ ಮಾಡಬಹುದಾಗಿದೆ. ಮುಂಭಾಗದಲ್ಲಿ 4 ಮೆಗಾ ಪಿಕ್ಸಲ್ ಕ್ಯಾಮೆರಾ ಇದ್ದು, ಸೆಲ್ಫಿ ತೆಗೆಯಲು ಹೇಳಿ ಮಾಡಿಸಿದಂತಿದೆ.
ಫಿಂಗರ್ ಪ್ರಿಂಟ್ ಸ್ಕ್ಯಾನರ್
ಶ್ಯೋಮಿ Mi S ಪೋನಿನ ಡಿಸ್‌ಪ್ಲೇ ಕೆಳ ಭಾಗದಲ್ಲಿ ಹೋಮ್ ಬಟನ್ ಮತ್ತು ಫಿಂಗರ್ ಸ್ಕ್ಯಾನರ್ ಇದ್ದು, ಮೊಬೈಲ್ ಲಾಕ್ ಮಾಡುವುದು ಮತ್ತು ಪೊಟೋಗಳನ್ನು ತೆಗೆಯುವುದನ್ನು ಇದರ ಮೂಲಕವೇ ಮಾಡಬಹುದಾಗಿದೆ.
ಹೊಸ ಸ್ಮಾರ್ಟ್‌ಫೋನ್‌ಗಳ ಆನ್‌ಲೈನ್ ಡೀಲ್‌ಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
