4,999 ರೂ.ಗೆ ಬರಲಿದೆ ಶಿಯೋಮಿಯ ಹೊಸ ಫೋನ್ 'ರೆಡ್ ಮಿ ಗೋ'.!

ಡಿಸ್‌ಪ್ಲೇ

ಶಿಯೋಮಿ ಕಂಪನಿ ಬಿಡುಗಡೆ ಮಾಡಲಿರುವ ರೆಡ್‌ಮಿ ಗೋ ಆಂಡ್ರಾಯ್ಡ್ ಫೋನ್ 1280 x 720 ಪಿಕ್ಸಲ್ ಸಾಮರ್ಥ್ಯದೊಂದಿಗೆ 5 ಇಂಚಿನ LCD ಡಿಸ್‌ಪ್ಲೇ ಹೊಂದಿರಲಿದೆ. 16:9 ಇಮೇಜ್‌ನ ಅನುಪಾತವನ್ನು ಸ್ಕ್ರೀನ್ ಹೊಂದಿರಲಿದೆ ಎಂದು ಹೇಳಲಾಗುತ್ತಿದೆ. ಕಡಿಮೆ ಬೆಲೆಯಲ್ಲಿ ಉತ್ತಮ ಡಿಸ್‌ಪ್ಲೇ ಬಯಸುವವರಿಗೆ ಇದು ಅತ್ಯುತ್ತಮ ಅಂಡ್ರಾಯ್ಡ್ ಫೋನ್ ಎಂದು ಹೇಳಬಹುದು.

ಪ್ರೋಸೆಸರ್

ರೆಡ್‌ ಮಿ ಗೋ ಆಂಡ್ರಾಯ್ಡ್ ಫೋನ್ 425 ಸ್ನಾಪ್‌ಡ್ರಾಗನ್ ಚಿಪ್‌ಸೆಟ್‌ನೊಂದಿಗೆ ಕ್ವಾಲಂ ಪ್ರೊಸೆಸರ್ ಅನ್ನು ಹೊಂದಿರಲಿದೆ ಇದೊಂದು ಎಂಟ್ರಿ ಲೆವೆಲ್ ಪ್ರೊಸೆಸರ್ ಆಗಿರಲಿದೆ ಎಂದು ತಿಳಿದಿದೆ. ಇದರೊಂದಿಗೆ 308 GPU, 1.4GHz ವೇಗದ 4x ARM ಕಾರ್ಟೆಕ್ಸ A53 ನೀಡಿರುವುದು ತನ್ನ ವರ್ಗದಲ್ಲಿಯೇ ವೇಗದ ಕಾರ್ಯದಕ್ಷತೆಯನ್ನು ಹೊಂದಿರಲಿದೆ ಎನ್ನಲಾಗುತ್ತಿದೆ.

ಕ್ಯಾಮೆರಾ

ರೆಡ್ ಮಿ ಫೋನ್‌ನಲ್ಲಿ ಎರಡು ಕ್ಯಾಮೆರಾ ನೀಡಲಾಗುವುದು ಮತ್ತು ಆ ಎರಡು ಕ್ಯಾಮೆರಾಗಳು ಸ್ಪೋರ್ಟ್ ಸಿಂಗಲ್ ಕ್ಯಾಮೆರಾಗಳಾಗಿರಲಿವೆ ಎನ್ನಲಾಗುತ್ತಿದೆ. ಫೋನಿನ ಹಿಂಬದಿಯಲ್ಲಿ 8ಮೆಗಾಪಿಕ್ಸಲ್ ಸಾಮರ್ಥ್ಯದ ಕ್ಯಾಮೆರಾ ಹಾಗೂ ಮುಂಬದಿಯಲ್ಲಿ 5 ಮೆಗಾಪಿಕ್ಸಲ್ ಕ್ಯಾಮೆರಾ ನೀಡುವ ಸಾಧ್ಯತೆಗಳಿವೆ ಎಂದು ಹೇಳಲಾಗುತ್ತಿದೆ. ಇನ್ನೂ ಹಿಂಬದಿಯಲ್ಲಿ ಫ್ಲ್ಯಾಶ್ ಸಹ ಹೊಂದಿರಲಿದೆ.

ಮೆಮೋರಿ

ರೆಡ್ ಮಿ ಗೋ ಫೋನ್ ಒಂದೇ ವೇರಿಯಂಟ್ ನಲ್ಲಿ ಲಭ್ಯವಿದ್ದು, 1GB RAM ನೊಂದಿಗೆ 8GB ಆಂತರಿಕ ಸಂಗ್ರಹ ಸಾಮರ್ಥ್ಯವನ್ನು ಹೊಂದಿರಲಿದೆ. ಇನ್ನೂ ಮೈಕ್ರೋ ಎಸ್‌ಡಿ ಕಾರ್ಡ್‌ ಬಾಹ್ಯವಾಗಿ 128GB ವರೆಗೂ ವಿಸ್ತರಿಸುವ ಅವಕಾಶ ನೀಡುವ ಸಾಧ್ಯತೆಗಳು ದಟ್ಟವಾಗಿವೆ. ಕಡಿಮೆ ಬೆಲೆಯಲ್ಲಿ ಉತ್ತಮ ಸಂಗ್ರಹ ಸಾಮರ್ಥ್ಯ ಎನ್ನಬಹುದಾಗಿದೆ.

ಬ್ಯಾಟರಿ

ಈ ಫೋನ್ 3000mAh ಸಾಮರ್ಥ್ಯದ ಬ್ಯಾಟರಿ ಹೊಂದಿರಲಿದ್ದು, ಆರಾಮವಾಗಿ ಒಂದು ದಿನ ಬಾಳಿಕೆ ಬರುತ್ತದೆ. ಇದರೊಂದಿಗೆ 5V1A ಚಾರ್ಜರ್ ನೀಡಲಾಗುವುದು. ಈ ಮಧ್ಯಮ ಶ್ರೇಣಿಯ ದರ ಇತರೆ ಕಂಪನಿ ಫೋನ್‌ಗಳ ಬ್ಯಾಟರಿಗೆ ಹೊಲಿಸಿದರೆ ರೆಡ್‌ ಮಿ ಗೋ ಉತ್ತಮ ಬಾಳಿಕೆಯ ಸಾಮರ್ಥ್ಯ ಹೊಂದಿರುವ ಬ್ಯಾಟರಿ ಹೊಂದಲಿದೆ ಎನ್ನಲಾಗುತ್ತಿದೆ.

ಬೆಲೆ ಎಷ್ಟು?

ಶಿಯೋಮಿಯ ತನ್ನ ರೆಡ್‌ ಮಿ ಗೋ ಆಂಡ್ರಾಯ್ಡ್ ಫೋನ್ ನಿಖರ ಬೆಲೆಯ ಬಗ್ಗೆ ಇನ್ನು ಮಾಹಿತಿ ಬಹಿರಂಗಪಡಿಸಿಲ್ಲ. ಆದರೆ ಈ ಸ್ಮಾರ್ಟ್‌ಫೋನ್ ಕೇವಲ 4,999 ರೂ.ಗಳಿಗೆ ಗ್ರಾಹಕರಿಗೆ ದೊರೆಯಬಹುದು ಎಂದು ಅಂದಾಜಿಸಲಾಗಿದೆ. ಶೀಘ್ರದಲ್ಲಿ ಈ ಸ್ಮಾರ್ಟ್‌ಫೋನ್ ಭಾರತೀಯ ಮಾರುಕಟ್ಟೆಗೆ ಈ ಫೋನ್ ಬರಲಿದೆ ಎಂದು ಹೇಳಲಾಗಿದೆ.