ಬರುತ್ತಿದೆ Redmi Note 4X: ಸ್ನಾಪ್‌ಡ್ರಾಗನ್ 653 ಮತ್ತು 4GB RAM

ನೋಟ್ ಸರಣಿಗೆ ಮತ್ತೊಂದು ಪೋನ್

ಶ್ಯೋಮಿ ಕಂಪನಿಯು ರೆಡ್‌ಮಿ ನೋಟ್ ಸರಣಿಯ ಸ್ಮಾರ್ಟ್‌ಪೋನ್ ಗಳನ್ನು ಮಾರುಕಟ್ಟೆಗೆ ಪರಿಚಯಿಸಿ ಯಶಸ್ವಿ ಕಂಡಿದೆ. ರೆಡ್‌ಮಿ ನೋಟ್. ರೆಡ್‌ಮಿ ನೋಟ್ 2, ರೆಡ್‌ಮಿ ನೋಟ್ 3 ಪೋನ್ ಗಳು ಭಾರತೀಯರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದ್ದು, ಇದೇ ಹಿನ್ನಲೆಯಲ್ಲಿ ನೋಟ್ 4 ಬಿಡುಗಡೆಯಾಗುತ್ತಿದ್ದು, ಅದರ ಹಿಂದೆಯೇ ನೋಟ್ 4X ಪೋನು ಬರಲಿದೆ.

ವೇಗದ ಕಾರ್ಯಚರಣೆ

ರೆಡ್‌ಮಿ ನೋಟ್ 4X ಸ್ಮಾರ್ಟ್‌ಪೋನ್ ವೇಗಕ್ಕೆ ಹೆಸರುವಾಸಿಯಾಗಿದೆ. ಈ ಪೋನಿನಲ್ಲಿ ಸ್ನಾಪ್ ಡ್ರಾಗನ್ 653 ಪ್ರೋಸೆಸರ್ ಹಾಕಲಾಗಿದ್ದು, 1.95GHz ವೇಗದಲ್ಲಿ ಪೋನಿನ ಕಾರ್ಯಚರಣೆಯನ್ನು ನಡೆಸಲು ಸಹಕಾರಿಯಾಗಿದೆ. ಇದರೊಂದಿಗೆ 4GB RAM ಅಳವಡಿಸಲಾಗಿದ್ದು, 64GB ಇಂಟರ್ನಲ್ ಮೆಮೊರಿ ಇದೆ.

ಗುಣಮಟ್ಟದ HD ಡಿಸ್‌ಪ್ಲೇ

ರೆಡ್‌ಮಿ ನೋಟ್ 4X ಸ್ಮಾರ್ಟ್‌ಪೋನಿನಲ್ಲಿ 5.5 ಇಂಚಿನ ಐಪಿಎಸ್, Full HD ಡಿಸ್‌ಪ್ಲೇ ಅಳವಡಿಸಲಾಗಿದ್ದು, ಗುಣಮಟ್ಟದ ಚಿತ್ರ ಮತ್ತು ವಿಡಿಯೋ ವೀಕ್ಷಣೆಗೆ ಸಹಕಾರಿಯಾಗಿದೆ. ಈ ಪೋನಿನಲ್ಲಿ ಡುಯಲ್ ಕ್ಯಾಮೆರಾ ಹೊಂದಿದ್ದು, ಉತ್ತಮ ಛಾಯಾಚಿತ್ರಗಳನ್ನು ಸೆರೆಹಿಡಿಯಲು ಇದು ಸಹಾಯಕಾರಿಯಾಗಿದೆ.

ಬೆಲೆ 15 ಸಾವಿರದ ಒಳಗೆ

ನೋಟ್ 3 ಪೋನು 10 ಸಾವಿರ ರೂ.ಗಳಿಗೆ ಲಭ್ಯವಿತ್ತು, ಹಾಗಾಗಿ ನೋಟ್ 4X ಸ್ಮಾರ್ಟ್‌ ಪೋನು 10 ಸಾವಿರದಿಂದ 15 ಸಾವಿರದ ಒಳಗೆ ಇರಲಿದೆ. ಒಟ್ಟಿನಲ್ಲಿ ಕೊಟ್ಟ ಕಾಸಿಗೆ ಮೋಸವಿರುವುದಿಲ್ಲ.