ಸೋನಿಯಿಂದ ಶಕ್ತಿಶಾಲಿ ಸ್ಮಾರ್ಟ್‌ಪೋನ್ ಬಿಡುಗಡೆ: 4K ಡಿಸ್‌ಪ್ಲೇ, ಸ್ನಾಪ್‍ಡ್ರಾಗನ್ 835 ಪ್ರೋಸೆಸರ್

4K ರೆಸಲ್ಯೂಷನ್ ಡಿಸ್‌ಪ್ಲೇ

5.5 ಇಂಚಿನ 4K HDR ಡಿಸ್‌ಪ್ಲೇಯನ್ನು ಹೊಂದಿರುವ ಮೊದಲ ಸ್ಮಾರ್ಟ್‌ಪೋನ್ ಎಂಬ ಖ್ಯಾತಿಗೆ Xperia XZ Premium ಪಾತ್ರವಾಗಿದೆ. 3840 x 2160p ಗುಣಮಟ್ಟವನ್ನು ಹೊಂದಿರುವ ಈ ಡಿಸ್‌ಪ್ಲೇ ಸ್ಮಾರ್ಟ್‌ಪೋನುಗಳಲ್ಲಿ ಇದೇ ಮೊದಲ ಭಾರಿಗೆ ಬಳಸಲಾಗಿದೆ ಎನ್ನಲಾಗಿದೆ. ಇದಕ್ಕೆ ಗೂರಿಲ್ಲಾ ಗ್ಲಾಸ್ 5 ಸುರಕ್ಷತೆಯನ್ನು ಒದಗಿಸಿದೆ.

ಆಂಡ್ರಾಯ್ಡ್ 7.1 ನ್ಯಾಗಾದಲ್ಲಿ ಕಾರ್ಯಚರಣೆ:

ಸ್ನಾಪ್‍ಡ್ರಾಗನ್ 835 ಅಕ್ಟಾಕೋರ್ ಪ್ರೊಸೆಸರ್ ಬಳಸುತ್ತಿರುವ ಮೊದಲ ಸ್ಮಾರ್ಟ್‌ಪೋನು Xperia XZ Premium ಆಗಲಿದ್ದು, 4K HDR ಗುಣಮಟ್ಟದ ವಿಡಿಯೋ ಪ್ಲೇಯಾಗಲು ಮತ್ತು ಹೆಚ್ಚಿನ ಗ್ರಾಫಿಕ್ಸ್ ಇರುವ ಗೇಮ್‌ಗಳನ್ನು ಆಡಲು ಸೂಕ್ತವಾಗಿದೆ ಮತ್ತು Adreno 540 ಗ್ರಾಫಿಕ್ಸ್ ಪ್ರೊಸೆಸರ್ ಈ ಪೋನಿನಲ್ಲಿದೆ.

4GB RAM, 64 GB ROM:

Xperia XZ Premium ಸ್ಮಾರ್ಟ್‌ಪೋನಿನಲ್ಲಿ 4GB RAM ಅಡಕವಾಗಿದ್ದು, ಇದರೊಂದಿಗೆ 64 GB ಇಂಟರ್ನಲ್ ಮೆಮೊರಿಯನ್ನು ಈ ಪೋನು ಹೊಂದಿದೆ. ಅಲ್ಲದೇ ಮೈಕ್ರೊ SD ಕಾರ್ಡ್‌ ಹಾಕುವ ಮೂಲಕ 256 GB ವರೆಗೂ ಮೆಮೊರಿ ವಿಸ್ತರಿಸಿಕೊಳ್ಳಬಹುದು

19 MP ಹಿಂಬದಿ ಕ್ಯಾಮರೆ, 13 MP ಸೆಲ್ಪಿ ಕ್ಯಾಮೆರಾ:

Xperia XZ Premium ಸ್ಮಾರ್ಟ್‌ಪೋನಿನಲ್ಲಿ ಸೋನಿ ಗುಣಮಟ್ಟದ ಕ್ಯಾಮೆರಾವನ್ನು ಅಳವಡಿಸಿದ್ದು, ಹಿಂಬದಿಯಲ್ಲಿ 19 MP ಕ್ಯಾಮೆರಾವನ್ನು ಅಳವಡಿಸಿದ್ದು, ಈ ಕ್ಯಾಮರೆ ಪೇಸ್ ಡಿಟೆಕ್ಷನ್, ಲೇಸರ್ ಅಟೋಫೋಕಸ್ ಆಯ್ಕೆಗಳನ್ನು ಒಳಗೊಂಡಿದ್ದು, LED ಫ್ಲಾಶ್ ಸಹ ನೀಡಲಾಗಿದೆ. ಅಲ್ಲದೇ ಈ ಕ್ಯಾಮೆರಾ 8X ಡಿಜಿಟಲ್ ಜೂಮ್ ಸಹ ಹೊಂದಿದೆ. ಇದರೊಂದಿಗೆ ಮುಂಭಾಗದಲ್ಲಿ ಉತ್ತಮ ಸೆಲ್ಪಿ ತೆಗೆಯಲು 13 MP ಕ್ಯಾಮೆರಾ ನೀಡಲಾಗಿದೆ.

ಬೆಲೆ:

ಏಪ್ರಿಲ್ 5ರಂದು ಮಾರುಕಟ್ಟೆಗೆ ಆಗಮಿಸಲಿರುವ Xperia XZ Premium ಬೆಲೆ 799 ಡಾಲರ್ ಗಳಾಗಿದ್ದು, ಭಾರತೀಯ ರೂಪಾಯಿಗಳಲ್ಲಿ 55,000 ರೂಗಳಾಗಿದೆ.