ಆಪಲ್‌ ಮ್ಯಾಕ್‌ಬುಕ್ ಏರ್ M2 ಬೆಲೆ ಇಳಿಕೆ: ಗ್ರಾಹಕರು ಫುಲ್‌ ಖುಷ್!

ಆಪಲ್‌ WWDC ಕಾರ್ಯಕ್ರಮ ಈಗ ಚಾಲ್ತಿ ಇದ್ದು, ಈ ಕಾರ್ಯಕ್ರಮದಲ್ಲಿ ಸಂಸ್ಥೆಯು ಆಪಲ್‌ ಹೊಸದಾಗಿ 15 ಇಂಚಿನ ಮ್ಯಾಕ್‌ಬುಕ್ ಏರ್ ಅನ್ನು ಅನಾವರಣ ಮಾಡಿದೆ. ಈ ಡಿವೈಸ್‌ M2 ಚಿಪ್‌ಸೆಟ್‌ನಿಂದ ಚಾಲಿತವಾಗಿದ್ದು, ಆಕರ್ಷಕ ಫೀಚರ್ಸ್‌ಗಳನ್ನು ಪಡೆದಿದೆ. ಈ ಲಾಂಚ್ ಬೆನ್ನಲೆ ಆಪಲ್‌ ಸಂಸ್ಥೆಯು ತನ್ನ ಜನಪ್ರಿಯ ಲ್ಯಾಪ್‌ಟಾಪ್‌ ಒಂದರ ಬೆಲೆಯಲ್ಲಿ ಇಳಿಕೆ ಮಾಡಿ ಗ್ರಾಹಕರಿಗೆ ಖುಷಿ ನೀಡಿದೆ.

ಹೌದು, ಆಪಲ್‌ ಸಂಸ್ಥೆಯು 13 ಇಂಚಿನ ಮ್ಯಾಕ್‌ಬುಕ್ ಏರ್ M2 (MacBook Air M2) ಲ್ಯಾಪ್‌ಟಾಪ್‌ ಬೆಲೆಯಲ್ಲಿ ಇಳಿಕೆ ಮಾಡಿದೆ. ಈ ಲ್ಯಾಪ್‌ಟಾಪ್‌ 256GB ಸ್ಟೋರೇಜ್ ವೇರಿಯಂಟ್‌ ಭಾರತದಲ್ಲಿ 1,19,900ರೂ. ಗಳಿಗೆ ಲಾಂಚ್ ಆಗಿತ್ತು. ಈಗ 1,14,900ರೂ. ಗಳಿಗೆ ಖರೀದಿಗೆ ಲಭ್ಯ. ಹಾಗೆಯೇ 512GB ಸ್ಟೋರೇಜ್‌ ಲ್ಯಾಪ್‌ಟಾಪ್‌ 1,49,900ರೂ. ದರದಲ್ಲಿ ಕಾಣಿಸಿಕೊಂಡಿತ್ತು. ಈಗ 1,44,900ರೂ. ಗಳಿಗೆ ಲಭ್ಯ.

ಆಪಲ್ 13 ಇಂಚಿನ ಮ್ಯಾಕ್‌ಬುಕ್ ಏರ್‌ M2 ಬೆಲೆ ಕಡಿತ
13 ಇಂಚಿನ ಮ್ಯಾಕ್‌ಬುಕ್ ಏರ್ ಎಂ2 ಅನ್ನು ಭಾರತದಲ್ಲಿ ರೂ 1,19,900 ಕ್ಕೆ ಬಿಡುಗಡೆ ಮಾಡಲಾಯಿತು ಮತ್ತು ಇದು ಈಗ ರೂ 1,14,900 ನಲ್ಲಿ ಲಭ್ಯವಿದೆ. ಇದು ಮೂಲ 256GB ಸ್ಟೋರೇಜ್‌ ವೇರಿಯಂಟ್‌ಗೆ. ಹಾಗೆಯೇ ಈ ಲ್ಯಾಪ್‌ಟಾಪ್ 512GB ಸ್ಟೋರೇಜ್‌ ಆಯ್ಕೆಯಲ್ಲಿಯೂ ಲಭ್ಯ. 13 ಇಂಚಿನ ಮ್ಯಾಕ್‌ಬುಕ್ ಏರ್‌ M2 ಡಿವೈಸ್‌ನ 512GB ಸ್ಟೋರೇಜ್‌ ಆಯ್ಕೆಯ ರೂಪಾಂತರದ ಬೆಲೆ ಈಗ 1,44,900 ರೂ. ಆಗಿದೆ.

13-ಇಂಚಿನ ಮ್ಯಾಕ್‌ಬುಕ್ ಏರ್ M2 ಮಿಡ್‌ನೈಟ್, ಸ್ಟಾರ್‌ಲೈಟ್, ಸ್ಪೇಸ್ ಗ್ರೇ ಮತ್ತು ಸಿಲ್ವರ್‌ನ ನಾಲ್ಕು ಬಣ್ಣದ ಆಯ್ಕೆಗಳಲ್ಲಿ ಬರುತ್ತದೆ. ಹೊಸ ಬೆಲೆಗಳನ್ನು ಈಗಾಗಲೇ Apple India ವೆಬ್‌ಸೈಟ್‌ನಲ್ಲಿ ನವೀಕರಿಸಲಾಗಿದೆ ಆದ್ದರಿಂದ ನೀವು ಅದನ್ನು ಖರೀದಿಸಲು ಪ್ರಾರಂಭಿಸಬಹುದು.

ಆಪಲ್‌ ಮ್ಯಾಕ್‌ಬುಕ್‌ ಏರ್‌ (2022) M2 ಫೀಚರ್ಸ್‌ : ಆಪಲ್‌ ಮ್ಯಾಕ್‌ಬುಕ್‌ ಏರ್‌ M2 ಡಿವೈಸ್‌ ನಲ್ಲಿ ಸಂಸ್ಥೆಯ M2 ಚಿಪ್‌ಸೆಟ್‌ ಇದೆ. ಇದು ಮೊದಲ ತಲೆಮಾರಿನ M1 ಆಪಲ್ ಸಿಲಿಕಾನ್ ಚಿಪ್ನ ಸುಧಾರಿತ ಆವೃತ್ತಿಯಾಗಿದೆ. ಇನ್ನು ಈ ಹೊಸ ಚಿಪ್‌ಸೆಟ್ ಹಿಂದಿನ ಚಿಪ್‌ಸೆಟ್‌ಗಿಂತ 18% ಸುಧಾರಿತ CPU ಮತ್ತು 35% GPU ಅನ್ನು ಬಳಸಲಾಗಿದೆ. ಜೊತೆಗೆ ಸ್ಪರ್ಧಾತ್ಮಕ 10 ಕೋರ್ ಪ್ರೊಸೆಸರ್‌ಗಳಿಗೆ 1.9 ಪಟ್ಟು ವೇಗವಾಗಿ ಕಾರ್ಯನಿರ್ವಹಿಸುತ್ತದೆ.

ಇನ್ನು ಈ ಲ್ಯಾಪ್‌ಟಾಪ್ 13.6 ಇಂಚಿನ ಲಿಕ್ವಿಡ್ ರೆಟಿನಾ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಆಪಲ್ ಮ್ಯಾಕ್‌ಬುಕ್ ಏರ್‌ (2022) 2TB ಸ್ಟೋರೇಜ್ ಅನ್ನು ಹೊಂದಿದೆ. ಇದನ್ನು 24 GB ಯ ಏಕೀಕೃತ ಸೂಚಕದೊಂದಿಗೆ ಕಾನ್ಫಿಗರ್ ಮಾಡಬಹುದು. ಇದಲ್ಲದೆ ಈ ಲ್ಯಾಪ್‌ಟಾಪ್ 1080p ಕ್ಯಾಮೆರಾ ವನ್ನು ಹೊಂದಿದೆ.

ಜೊತೆಗೆ ಈ ಲ್ಯಾಪ್‌ಟಾಪ್ ಸಿಂಗಲ್ ಚಾರ್ಜ್‌ನಲ್ಲಿ ವೀಡಿಯೊಗಳನ್ನು ವೀಕ್ಷಿಸುವಾಗ 18 ಗಂಟೆಗಳ ಬ್ಯಾಟರಿ ಬ್ಯಾಕ್‌ಅಪ್ ಎಂದು ಹೇಳಲಾಗಿದೆ. ಜೊತೆಗೆ ಮ್ಯಾಕ್‌ಬುಕ್ ಏರ್‌ಗಳು (2022) ಐಚ್ಛಿಕ 67W USB ಟೈಪ್-ಸಿ ಪವರ್ ಅಡಾಪ್ಟರ್‌ ನೊಂದಿಗೆ 30 ನಿಮಿಷಗಳಲ್ಲಿ ಡಿವೈಸ್‌ಗೆ 50% ವೇಗವಾಗಿ ಚಾರ್ಜ್ ಮಾಡಲು ಬೆಂಬಲವನ್ನು ನೀಡಲಾಗುವುದು.

ಮ್ಯಾಕ್‌ಬುಕ್ ಏರ್ 15 ವಿಶೇಷತೆ : ಮ್ಯಾಕ್‌ಬುಕ್ ಏರ್ 15 ಹೆಸರೇ ಸೂಚಿಸುವಂತೆ ಇದು 15.3 ಇಂಚಿನ ಲಿಕ್ವಿಡ್ ರೆಟಿನಾ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಡಿಸ್‌ಪ್ಲೇ 500 ನಿಟ್ಸ್‌ ಬ್ರೈಟ್‌ನೆಸ್ ಅನ್ನು ಬೆಂಬಲಿಸಲಿದ್ದು, ಕೇವಲ 11.5mm ಅಳತೆಯನ್ನು ಹೊಂದಿದೆ. ಆಪಲ್‌ ಕಂಪೆನಿ ಪ್ರಕಾರ ಇದು ವಿಶ್ವದ ಅತ್ಯಂತ ತೆಳುವಾದ 15 ಇಂಚಿನ ಲ್ಯಾಪ್‌ಟಾಪ್ ಆಗಿದೆ. ಇನ್ನು ಮ್ಯಾಕ್‌ಬುಕ್ ಏರ್ 15 MagSafe ಚಾರ್ಜಿಂಗ್, ಪರಿಕರಗಳನ್ನು ಸಂಪರ್ಕಿಸಲು ಎರಡು ಥಂಡರ್‌ಬೋಲ್ಟ್ ಪೋರ್ಟ್‌ಗಳನ್ನು ಹೊಂದಿದೆ.