5 ವರ್ಷದ ಉಚಿತ DTH ಸೇವೆಯ ಹಿಂದಿರುವ ಸತ್ಯ ಸಂಗತಿಗಳು..! ಕಟ್ಟಿದ ಹಣ ಮತ್ತೇ ವಾಪಸ್ ಬರುತ್ತಾ..?

HD ರೆಕಾರ್ಡಿಂಗ್ ಸೆಟಪ್ ಬಾಕ್ಸ್:

ಬಿಗ್ ಟಿವಿ ತನ್ನ ಬಳಕೆದಾರರಿಗೆ HD HEVC ಸೆಟಪ್ ಬಾಕ್ಸ್ ಅನ್ನು ನೀಡಲಿದ್ದು, ಇದರಲ್ಲಿ ನೀವು ಯೂಟ್ಯೂಬ್ ವೀಕ್ಷಣೆ ಮಾಡಬಹುದಾಗಿದೆ. ಅಲ್ಲದೇ ನೀವು ಟಿವಿ ಶೋಗಳನ್ನು ರೆಕಾರ್ಡ್ ಮಾಡಿಕೊಳ್ಳುವ ಅಕಾಶದೊಂದಿಗೆ ನೀವಿಲ್ಲ ಸಮಯದಲ್ಲಿ ಪ್ರಸಾರವಾಗುವ ಶೋಗಳನ್ನು ರೆಕಾರ್ಡ್ ಮಾಡುವಂತೆ ಶೆಡ್ಯೂಲ್ ಮಾಡಬಹುದಾಗಿದೆ.

ಗ್ರಾಹಕರು ರೂ.1999 ಪಾವತಿ ಮಾಡಬೇಕು:

ಬಿಗ್ ಟಿವಿ ಉಚಿತ ಸೇವೆಯನ್ನು ಪಡೆದುಕೊಳ್ಳುವ ಮುಂಚಿತವಾಗಿ ನೀವು ಪ್ರೀ ಬುಕ್ ಮಾಡಲು ರೂ499 ಪಾವತಿ ಮಾಡಬೇಕು. ಇದಾದ ಮೇಲೆ ನಿಮ್ಮ ಮನೆಗೆ ಬಿಗ್ ಟಿವಿ ಸೇವೆಯೂ ದೊರೆಯಲಿದ್ದು, ಈ ಸಂದರ್ಭದಲ್ಲಿ ನೀವು ರೂ. 1500 ಪಾವತಿ ಮಾಡಬೇಕಾಗಿದೆ. ಇದಲ್ಲದೇ ರೂ.250 ಇನ್ ಸ್ಟಾಲೆಷನ್ ಚಾರ್ಜ್ ನೀಡಬೇಕು.

ಒಂದು ವರ್ಷ ಉಚಿತ ಸೇವೆ;

ರೂ1999 ಪಾವತಿ ಮಾಡಿದ ನಂತರದಲ್ಲಿ ನೀವು ವರ್ಷಗಳ ಕಾಲ ಉಚಿತವಾಗಿ DTH ಸೇವೆಯನ್ನು ಪಡೆಯಬಹುದಾಗಿದೆ. ಈ ಮೊದಲ ವರ್ಷದಲ್ಲಿ HD ಚಾನಲ್ ನೊಂದಿಗೆ 500 ನಾರ್ಮಲ್ ಚಾನಲ್ ಗಳನ್ನು ಬಳಕೆದಾರರು ನೋಡಿ ಆನಂದಿಸಬಹುದಾಗಿದೆ.

ಎರಡನೇ ವರ್ಷದಿಂದ ತಿಂಗಳಿನಿಂದ ರೂ.300:

ಇದಲ್ಲದೇ ಎರಡನೇ ವರ್ಷದಿಂದ ಪ್ರತಿ ತಿಂಗಳು ಬಳಕೆದಾರರು ರೂ.300 ಪಾವತಿ ಮಾಡಬೇಕಾಗಿದೆ. ಇದರಲ್ಲಿ ಎಲ್ಲಾ ಚಾನಲ್‌ಗಳು ದೊರೆಯಲಿದೆ. HD ಚಾನಲ್‌ಗಳು ಸಹ. ಆದರೆ ಪ್ರತಿ ತಿಂಗಳು ಎಲ್ಲಾ ಸೇವೆಯನ್ನು ಪಡೆಯಲು ರಿಚಾರ್ಜ್ ಮಾಡಿಸಲೇ ಬೇಕು.

ಹಿಂದಿರುಗಿ ಪಡೆಯಬಹುದು:

ರೂ. 1999 ಪಾವತಿ ಮಾಡಿ DTH ಸೇವೆಯನ್ನ ಪಡೆದ ನಂತರದಲ್ಲಿ ಮೊದಲ ವರ್ಷ ಉಚಿತ ಸೇವೆಯೂ ದೊರೆಯಲಿದ್ದು, ಇದಾದ ನಂತರ 24 ತಿಂಗಳು ರಿಚಾರ್ಜ್ ಮಾಡಿಸಿದ ಸಂದರ್ಭದಲ್ಲಿ ಕಂಪನಿಯೂ ರೂ.1999ಗಳನ್ನು ಮರು ಪಾವತಿ ಮಾಡಲಿದೆ.

ಕ್ಯಾಷ್ ಬ್ಯಾಕ್ ರಿಚಾರ್ಜ್ ಮಾದರಿ:

ಬಿಗ್ ಟಿವಿಯನ್ನು ಮೂರು ವರ್ಷಗಳ ಕಾಲ ಬಳಕೆ ಮಾಡಿಕೊಂಡ ನಂತರದಲ್ಲಿ ನೀವು ಕ್ಯಾಷ್ ಪಡೆದುಕೊಳ್ಳಬಹುದಾಗಿದೆ. ಆದರೆ ಈ ಕ್ಯಾಷ್ ಬ್ಯಾಕ್ ನಿಮಗೆ ಹಣದ ರೂಪದಲ್ಲಿ ದೊರೆಯುವುದಿಲ್ಲ. ಬದಲಾಗಿ ಇದು ರಿಚಾರ್ಜ್ ಕೂಪನ್ ಮಾದರಿಯಲ್ಲಿ ದೊರೆಯಲಿದೆ ಎನ್ನಲಾಗಿದೆ.