60ಕ್ಕೂ ಹೆಚ್ಚು ರಾಷ್ಟ್ರಗಳಲ್ಲಿ ವಾಣಿಜ್ಯ 5G ನೆಟವರ್ಕ್‌ ಲೈವ್‌; ಭಾರತದಲ್ಲಿ ಯಾವಾಗ?

ಹೌದು, 61ಕ್ಕೂ ಹೆಚ್ಚು ರಾಷ್ಟ್ರಗಳಲ್ಲಿ ಈಗಾಗಲೇ ಲೈವ್ 5G ನೆಟ್‌ವರ್ಕ್‌ಗಳನ್ನು ಹೊಂದಿವೆ. 144 ವಾಣಿಜ್ಯ 5G ನೆಟ್‌ವರ್ಕ್‌ಗಳು ಈಗಾಗಲೇ ವಿಶ್ವಾದ್ಯಂತ ಅಸ್ತಿತ್ವದಲ್ಲಿವೆ ಮತ್ತು ಇನ್ನೂ ಹೆಚ್ಚಿನವುಗಳು ಸೇರಲಿವೆ. ಜಾಗತಿಕವಾಗಿ (131 ದೇಶಗಳು) ಸುಮಾರು 413 ಟೆಲಿಕಾಂ ಆಪರೇಟರ್‌ಗಳು 5G ಯಲ್ಲಿ ವಿವಿಧ ರೂಪಗಳಲ್ಲಿ ಹೂಡಿಕೆ ಮಾಡುತ್ತಿದ್ದಾರೆ (ಪೈಲಟ್‌ಗಳು / ಪರೀಕ್ಷೆಗಳು / ಯೋಜಿತ / ನಿಜವಾದ ನಿಯೋಜನೆಗಳು) ಎಂದು ಪಟ್ಟಿ ಬಹಿರಂಗಪಡಿಸುತ್ತದೆ. ಇನ್ನು ಭಾರತದಲ್ಲಿ 5G ಸ್ಪೆಕ್ಟ್ರಮ್ ಹರಾಜು ಯಾವಾಗ ನಡೆಯಲಿದೆ ಎನ್ನುವುದು ಆಪರೇಟರ್‌ಗಳಿಗೆ ಇನ್ನು ಅಸ್ಪಷ್ಟವಾಗಿದೆ.

ಇತ್ತೀಚಿನ NTS ಅಪ್‌ಡೇಟ್ ಸ್ಟೇಟಸ್‌ ವರದಿಯು ಜಾಗತಿಕವಾಗಿ ಆಪರೇಟರ್‌ಗಳು 4×4 MIMO ತಂತ್ರಜ್ಞಾನದಲ್ಲಿ ಹೂಡಿಕೆ ಮಾಡಲು ಆಸಕ್ತಿ ಹೊಂದಿದೆ ಎಂದು ಸೂಚಿಸುತ್ತದೆ. 152 ಟೆಲಿಕಾಂ ಆಪರೇಟರ್‌ಗಳು ಈಗಾಗಲೇ ಈ ತಂತ್ರಜ್ಞಾನದಲ್ಲಿ ಹೂಡಿಕೆ ಮಾಡಲು ಪ್ರಾರಂಭಿಸಿದ್ದಾರೆ. ಅದರಲ್ಲಿ 94 ಆಪರೇಟರ್‌ಗಳು ತಮ್ಮ 5G ನೆಟ್‌ವರ್ಕ್ ಅನ್ನು ವಾಣಿಜ್ಯಿಕವಾಗಿ ಪ್ರಾರಂಭಿಸಿದ್ದಾರೆ. ಇನ್ನು ಜಾಗತಿಕವಾಗಿ ಸುಮಾರು 806 ಆಪರೇಟರ್‌ಗಳು ತಮ್ಮ LTE ನೆಟ್‌ವರ್ಕ್‌ಗಳನ್ನು ವಾಣಿಜ್ಯಿಕವಾಗಿ ಪ್ರಾರಂಭಿಸಿದ್ದಾರೆ. ಅದರಲ್ಲಿ 421 ಆಪರೇಟರ್‌ಗಳು LTE ಸ್ಥಿರ ವೈರ್‌ಲೆಸ್ ಆಕ್ಸಸ್‌ ಸೇವೆಗಳನ್ನು ಸಹ ಪ್ರಾರಂಭಿಸಿದ್ದಾರೆ.

ಏರ್‌ಟೆಲ್‌ ಟೆಲಿಕಾಂ ಇತ್ತೀಚೆಗೆ 1800 MHz ಬ್ಯಾಂಡ್ನಲ್ಲಿ ಏರ್ ವೇವ್ಸ್ ಬಳಸಿ ಹೈದರಾಬಾದ್ನಲ್ಲಿ ತನ್ನ 5G ಲೈವ್ ಅನ್ನು ಪರೀಕ್ಷಿಸಿತು. ಆದಾಗ್ಯೂ, 3300-3600 MHz ಬ್ಯಾಂಡ್‌ನಲ್ಲಿನ ಏರ್ ವೇವ್ಸ್ಗಳು ಇನ್ನೂ ಭಾರತೀಯ ಆಪರೇಟರ್‌ಗಳ ವ್ಯಾಪ್ತಿಯಿಂದ ಹೊರಗಿರುವ ಕಾರಣ ಇದು 5Gಯ ನಿಜವಾದ ಸಾಮರ್ಥ್ಯವನ್ನು ತೋರಿಸುವುದಿಲ್ಲ.

ಆದರೆ ಏರ್‌ಟೆಲ್ ಮತ್ತು ಜಿಯೋ ಟೆಲಿಕಾಂಗಳು 5G ರೆಡಿ ನೆಟ್‌ವರ್ಕ್‌ಗಳನ್ನು ಹೊಂದಿದ್ದಾರೆಂದು ಹೇಳಿಕೊಂಡಿವೆ. ಪೂರ್ಣ ಪ್ರಮಾಣದಲ್ಲಿ 5G ಸಾಮರ್ಥ್ಯ ಪರೀಕ್ಷಿಸಲು ಮತ್ತು ಅದನ್ನು ಸಾಧ್ಯವಾದಷ್ಟು ಬೇಗ ಹೊರತರಲು ಸರ್ಕಾರದತ್ತ ಎದುರು ನೋಡುತ್ತಿವೆ.