ಬೆಂಗಳೂರಿಗೆ ಮೊದಲ 5G ಸೇವೆ: ಒಂದು ಸಿನಿಮಾ ಡೌನ್‌ಲೋಡ್‌ಗೆ ಕ್ಷಣ ಸಾಕು.!

5ನೇ ತಲೆಮಾರಿನ ಮೊಬೈಲ್ ನೆಟ್‌ವರ್ಕ್:

5G ಎಂದರೆ 5ನೇ ತಲೆಮಾರಿನ ಮೊಬೈಲ್ ನೆಟ್‌ವರ್ಕ್ ಎಂದು ಅರ್ಥ. ಸದ್ಯ ಜಿಯೋ ನೀಡುತ್ತಿರುವ 4G VoLTE ಸೇವೆಗಿಂತಲೂ ನೂರು ಪಟ್ಟು ಹೆಚ್ಚು ವೇಗವನ್ನು ಹೊಂದಿರಲಿದೆ. ಭಾರತದಂತಹ ಗ್ರಾಮೀಣ ಪ್ರದೇಶಗಳೇ ಹೆಚ್ಚಿರುವ ದೇಶಗಳಲ್ಲಿ 5G ಹೊಸ ಕ್ರಾಂತಿಯನ್ನು ಮಾಡಲಿದೆ.

5G ಹೊಸ ಕ್ರಾಂತಿ:

ಈಗಾಗಲೇ ಟೆಲಿ ಹೆಲ್ತ್, ಟೆಲಿ ಶಿಕ್ಷಣ ಕ್ಷೇತ್ರ ಅಭಿವೃದ್ಧಿಯ ಹಂತದಲ್ಲಿದ್ದು, 5G ಆರಂಭದ ನಂತರದಲ್ಲಿ ಈ ಕ್ಷೇತ್ರಗಳು ಹೆಚ್ಚಿನ ಅಭಿವೃದ್ಧಿಯನ್ನು ಸಾಧಿಸಲಿದೆ. ಸುಮಾರಿಗೆ 2.20 ಕೋಟಿ ಜನರಿಗೆ 5G ಸೇವೆಯಿಂದ ಹೊಸ ಉದ್ಯೋಗಗಳು ದೊರೆಯಲಿದೆ.

5G ಎಲ್ಲೇಲಿದೆ..?

ಅಮೆರಿಕೆ, ಚೀನಾ, ಜಪಾನ್, ಬ್ರಿಟನ್, ಬ್ರೆಜಿಲ್, ಸ್ವೀಡನ್, ಆಸ್ಟ್ರೇಲಿಯಾ
ಶೀಘ್ರವೇ 5G ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳುವ ಭರದಲ್ಲಿವೆ. ಇದರಲ್ಲಿ ದಕ್ಷಿಣ ಕೊರಿಯಾ 5G ಸಪೋರ್ಟ್ ಮಾಡುವ ಉಪಕರಣಗಳ ತಯಾರಿಯಲ್ಲಿ ಮುಂದಿದೆ.

ಬೆಂಗಳೂರಲ್ಲೇ ಮೊದಲು 5G:

ದೇಶದಲ್ಲೇ ಮೊದಲ ಬಾರಿಗೆ ಬೆಂಗಳೂರಲ್ಲಿ 5G ಸೇವೆ ನೀಡುವುದಾಗಿ ಭಾರ್ತಿ ಏರ್‌ಟೆಲ್ ಕಳೆದ ವಾರ ಘೋಷಿಸಿದೆ. ಆದರೆ, ಇದು ಪೂರ್ಣ ಪ್ರಮಾಣದ 5G ಯಾಗಿರುವುದಿಲ್ಲ. ದೇಶದಲ್ಲಿ ಫೂರ್ಣ ಪ್ರಮಾಣದಲ್ಲಿ BSNL ಮೊದಲಿಗೆ 5G ಸೇವೆಯನ್ನು ಆರಂಭಿಸಲಿದೆ.