ಜೂಮ್‌ ಆಪ್‌ ಬಳಕೆಗೆ ಸುರಕ್ಷಿತವೇ?..ಇಲ್ಲಿವೆ ಅಸಲಿ ಕಾರಣಗಳು!

ಹೌದು, ಲಾಕ್‌ಡೌನ್ ಕಾರಣದಿಂದಾಗಿ ಹೆಚ್ಚಿನ ಜನರು ಮನೆಯಿಂದ ಕೆಲಸ ಮಾಡುತ್ತಿದ್ದು, ನೌಕರರು ತಮ್ಮ ಸಹದ್ಯೋಗಿಗಳೊಂದಿಗೆ ಸಂವಹನ ನಡೆಸಲು ಜೂಮ್ ವೀಡಿಯೊ ಕಾನ್ಫರೆನ್ಸಿಂಗ್ ಅಪ್ಲಿಕೇಶನ್ ಬಳಕೆ ಮಾಡುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಜೂಮ್ ಆಪ್ ಭಾರತದಲ್ಲಿ ಹೆಚ್ಚು ಜನಪ್ರಿಯತೆ ಪಡೆಯುತ್ತಿದ್ದು, ಡೌನ್‌ಲೋಡ್‌ ಏರಿಕೆ ಕಂಡುಬಂದಿದೆ. ಹಾಗಾದರೆ ಈ ಲಾಕ್‌ಡೌನ್ ಸಮಯದಲ್ಲಿ ವಿಡಿಯೊ ಕಾನ್ಫರೆನ್ಸಿಂಗ್‌ಗಾಗಿ ಜೂಮ್ ಅಪ್ಲಿಕೇಶನ್ ಬಳಸಬಹುದು ಅಥವಾ ಬಳಸಬಾರದೆ ಈ ಕುರಿತು ಕೆಲವು ಅಂಶಗಳನ್ನು ಈ ಲೇಖನದಲ್ಲಿ ತಿಳಿಸಲಾಗಿದೆ. ಮುಂದೆ ಓದಿರಿ.

ಪ್ಲಸ್‌ ಪಾಯಿಂಟ್‌ 1: 100 ವಿಡಿಯೊ ಕರೆಗಳ

ಜೂಮ್‌ ಅಪ್ಲಿಕೇಶನ್ ಪ್ರಮುಖ ಹೈಲೈಟ್‌ ಅಂದರೇ ಒಂದೇ ವಿಡಿಯೋ ಕರೆಯಲ್ಲಿ ಗರಿಷ್ಠ 100 ಜನರನ್ನು ಕನೆಕ್ಟ್ ಮಾಡುವ ಸೌಲಭ್ಯ ಪಡೆದಿದೆ. ಹಾಗೆಯೇ ದೀರ್ಘಾವಧಿಯ ಗ್ರೂಪ್ ಸಂವಹನ ನಡೆಸಲು ಅವಕಾಶ ಒದಗಿಸುತ್ತದೆ.

ಪ್ಲಸ್‌ ಪಾಯಿಂಟ್‌ 2: ಲಾಗ್‌ಇನ್ ಅಗತ್ಯ ಇಲ್ಲ

ಜೂಮ್ ವಿಡಿಯೊ ಕಾನ್ಫರೆನ್ಸ್‌ ಆಪ್‌ ಬಳಕೆ ಸುಲಭವಾಗಿದೆ. ಹಾಗೆಯೇ ಈ ಆಪ್ ಸರಳ ಮತ್ತು ಸುಲಭ ಇಂಟರ್ಫೆಸ್‌ ಸೌಲಭ್ಯ ಪಡೆದಿದ್ದು, ಮೀಟಿಂಗ್‌ಗಳಿಗೆ ಅಟೆಂಡ್‌ ಆಗಲು ಲಾಗ್‌ಇನ್ ಆಗುವ ಪ್ರಮೇಯ ಇರುವುದಿಲ್ಲ.

ಪ್ಲಸ್‌ ಪಾಯಿಂಟ್‌ 3: ಹೊಸ ಸೇರ್ಪಡೆ ಸುಲಭ

ಚೀನಾ ಮೂಲದ ಈ ಜೂಮ್ ಅಪ್ಲಿಕೇಶನ್‌ನ ಬಳಕೆ ಅತೀ ಸುಲಭವಾಗಿದೆ. ಈ ಆಪ್‌ ಮೂಲಕ ನಡೆಯುವ ಆನ್‌ಲೈನ್‌ ಮೀಟಿಂಗ್‌ಗೆ ಸಂಸ್ಥೆಯ ಹೊಸ ಸದಸ್ಯರು ಸುಲಭವಾಗಿ ಸೇರಬಹುದಾಗಿದೆ.

ಮೈನಸ್‌ ಪಾಯಿಂಟ್ 1: ಮಾಹಿತಿ ಸೋರಿಕೆಗೆ

ವಿಡಿಯೊ ಕರೆಗಳಿಗೆ ಜನಪ್ರಿಯವಾಗಿರುವ ಜೂಮ್ ಆಪ್‌ ಸುರಕ್ಷಿತವಲ್ಲ ಎನ್ನುವ ಮಾತುಗಳಿವೆ. ಈ ಆಪ್‌ನ 'ಕಂಪನಿ ಡೈರೆಕ್ಟರಿ' ಸೆಟ್ಟಿಂಗ್‌ನಲ್ಲಿ ದೋಷ ಇದೆ ಎನ್ನಲಾಗಿದೆ. ಹೀಗಾಗಿ ಬಳಕೆದಾರರ ವೈಯಕ್ತಿಕ ಖಾಸಗಿ ಮಾಹಿತಿಗಳು, ಇಮೇಲ್‌ಗಳು ಮತ್ತು ಫೋಟೋಗಳನ್ನು ಸೋರಿಕೆ ಆಗುವ ಸಾಧ್ಯತೆಗಳಿವೆ. ಈ ದೃಷ್ಠಿಯಿಂದ ಜೂಮ್ ಆಪ್ ಬಳಕೆ ಸೂಕ್ತವಲ್ಲ.

ಮೈನಸ್‌ ಪಾಯಿಂಟ್ 2: ಸುರಕ್ಷತಾ ಫೀಚರ್‌ ಕೊರತೆ

ಜೂಮ್ ಆಪ್ನಲ್ಲಿ ನಡೆಸುವ ಸಭೆಗಳು ಎಂಡ್‌ ಡು ಎಂಡ್ ಎನ್‌ಕ್ರಿಪ್ಟ್ ಸೌಲಭ್ಯ ಪಡೆದಿಲ್ಲ ಎನ್ನಲಾಗಿದೆ. ವಿಡಿಯೊ ಕರೆಗಳು ಸುರಕ್ಷಿತ ಅನಿಸಿದರೂ ಥರ್ಡ್‌ಪಾರ್ಟ್‌ ವ್ಯಕ್ತಿಗಳಿಂದ ಸುಲಭವಾಗಿ ಮಾಹಿತಿ ಸೋರಿಕೆಯ ಆಗುವ ಸಾಧ್ಯತೆಗಳು ಅಧಿಕವಾಗಿವೆ.

ಮೈನಸ್‌ ಪಾಯಿಂಟ್ 3: ವಿಡಿಯೊ ಕರೆಯಲ್ಲಿ ಕಿರಿಕಿರಿ

ಜೂಮ್ ಆಪ್‌ನಲ್ಲಿ ವಿಡಿಯೊ ಕರೆಗಳು ನಡೆಯುವಾಗ/ ಸಭೆ ನಡೆಯುವಾಗ ಆನ್‌ಲೈನ್‌ನಲ್ಲಿನ ಅಶ್ಲೀಲತೆಗೆ ಸಂಬಂಧದಿಸಿದ ಕಂಟೆಂಟ್‌, ಸೂಕ್ತವಲ್ಲದ ವಿಷಯದ ಮಾಹಿತಿ ನಡುವೆ ಕಾಣಿಸುವ ಸಾಧ್ಯತೆಗಳು ಇವೆ. ಇದು ವಿಡಿಯೊ ಸಭೆಗೆ ಕಿರಿಕಿರಿ ಅನಿಸುತ್ತದೆ.