ಕೇವಲ 10 ಸೆಕೆಂಡಿನ ಈ ವಿಡಿಯೊ ಕ್ಲಿಪ್ ಮಾರಾಟ ಕಂಡ ಬೆಲೆ ಕೇಳಿದ್ರೆ, ಶಾಕ್ ಆಗ್ತೀರಾ!

ಹೌದು, ಹತ್ತು ಸೆಕೆಂಡಿನ ಒಂದು ಚಿಕ್ಕ ವಿಡಿಯೋ ಬರೊಬ್ಬರಿ 48 ಕೋಟಿ ರೂ.ಗಳಿಗೆ ಮಾರಾಟ ಕಂಡು ಈಗ ಸುದ್ದಿ ಮಾಡಿದೆ. ಮಿಯಾಮಿಯ ನಿವಾಸಿ ಪಾಬ್ಲೋ ರಾಡ್ರಿಗಸ್ ಫ್ರೈಲೆ (Pablo Rodriguez Fraile) ಕಳೆದ ವರ್ಷ ಸುಮಾರು 67 ಸಾವಿರ ಡಾಲರ್ ಅಂದರೆ 49.23 ಲಕ್ಷ ರೂಪಾಯಿ ಖರ್ಚು ಮಾಡಿ ಒಂದು ವಿಡಿಯೋ ಮಾಡಿದ್ದರು. ಆದರೆ ಕಳೆದ ವಾರ ಆ ಹತ್ತು ಸೆಕೆಂಡಿನ ಪುಟ್ಟ ವಿಡಿಯೋ ಕ್ಲಿಪ್ ಬರೋಬ್ಬರಿ (6.6 ಮಿಲಿಯನ್ ಡಾಲರ್) 48.47 ಕೋಟಿ ರೂ.ಗಳಿಗೆ ಮಾರಾಟ ಆಗಿದೆ.

ಮಿಯಾಮಿ ಮೂಲದ ಕಲಾ ಸಂಗ್ರಾಹಕ ಪ್ಯಾಬ್ಲೊ ರೊಡ್ರಿಗಸ್-ಫ್ರೇಲ್ ಅವರು 10 ಸೆಕೆಂಡುಗಳ ಅವಧಿಯ ವಿಡಿಯೊ ಕಲಾಕೃತಿಯನ್ನು ಆನ್‌ಲೈನ್‌ನಲ್ಲಿ ಉಚಿತವಾಗಿ ವೀಕ್ಷಿಸಬಹುದಿತ್ತು. ಆದ್ರೆ ಈ ವಿಡಿಯೋ ಕ್ಲಿಪ್ ಈಗ ದೊಡ್ಡ ಮೊತ್ತಕ್ಕೆ ಮಾರಾಟ ಮಾಡಿದ್ದು, ಗಮನ ಸೆಳೆದಿದೆ.

ವಿಡಿಯೋದಲ್ಲಿ ಇರುವುದಾದರು ಏನು?

ರೊಡ್ರಿಗಸ್-ಫ್ರೇಲ್ ಅವರು ಮಾರಾಟ ಮಾಡಿದ ವಿಡಿಯೊ ಕಂಪ್ಯೂಟರ್ ಸಹಾಯದಿಂದ ಮಾಡಲಾಗಿದೆ. ಆ ವಿಡಿಯೋದಲ್ಲಿ ಅಮೇರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ನಂತೆ ಹೋಲುವ ದೈತ್ಯ ವ್ಯಕ್ತಿ ನೆಲದ ಮೇಲೆ ಕುಸಿದು ಬಿದ್ದಂತೆ ಕಾಣುತ್ತದೆ. ಹಾಗೆಯೇ ಟ್ರಂಪ್ ಶರೀರದಂತೆ ಕಾಣುವ ಆ ವ್ಯಕ್ತಿಯ ಮೇಲೆ ಘೋಷಣೆಗಳನ್ನು ಬರೆಯಲಾಗಿದೆ. ಹಾಗೆಯೇ ವಿಡಿಯೊದಲ್ಲಿ ಜನ ಅತ್ತಿಂದಿತ್ತ ಇತ್ತಿಂದತ್ತ ಓಡಾಡುತ್ತಿರುವುದನ್ನು ಸಹ ವಿಡಿಯೋದಲ್ಲಿ ಕಾಣಬಹುದಾಗಿದೆ.

ಡಿಜಿಟಲ್ ಕರೆನ್ಸಿ ಬಳಕೆ

ಅಂದಹಾಗೇ ಈ ಪುಟ್ಟ ವಿಡಿಯೋ ಕ್ಲಿಪ್ ಖರೀದಿಸಲು ಮೊದಲ ಸಲ ಕ್ರಿಪ್ಟೋಕರೆನ್ಸಿ (Cryptocurrency) ಬಳಸಲಾಗಿದೆ ಎನ್ನಲಾಗಿದೆ. ಈ ವಿಡಿಯೋದಲ್ಲೊಂದು ಡಿಜಿಟಲ್ ಹಸ್ತಾಕ್ಷರವಿದ್ದು, ಇದರಿಂದ ಅದರ ಅಸಲೀ ಮಾಲೀಕರನ್ನು ಪತ್ತೆ ಮಾಡಬಹುದಾಗಿದೆ. ಅಂದರೆ, ಈ ವಿಡಿಯೋ ಕದಿಯಲು ಸಾಧ್ಯವಿಲ್ಲ ಎಂದು ಹೇಳಲಾಗಿದೆ.