ಆಧಾರ್ ಇದ್ದರೇ ಮಾತ್ರ ರೈಲ್ವೆ ಟಿಕೇಟ್..! ಏನೀದು ಹೊಸ ನಿಯಮ..?

ನಕಲಿ ಬುಕಿಂಗ್ ತಡೆಯಲು

ಹೆಚ್ಚು ಟಿಕೆಟ್‌ಗಳನ್ನು ಕಾಯ್ದಿರಿಸುವ ವೇಳೆ ನಡೆಯುವ ವಂಚನೆ ತಡೆಯಲು ಮತ್ತು ನಕಲಿ ಗುರುತಿನ ಚೀಟಿ ಬಳಸಿ ಟಿಕೆಟ್ ಕಾಯ್ದಿರಿಸುವುದಕ್ಕೆ ತಡೆಯೊಡ್ಡಲು ಟಿಕೇಟ್ ಬ್ಲಾಕಿಂಗ್ ಚಟುವಟಿಕೆಗಳ ಮೇಲೆ ಕ್ರಮ ಕೈಗೊಳ್ಳಲು ರೈಲ್ವೆ ಇಲಾಖೆ ಮುಂದಾಗಿದ್ದು, ಇದಕ್ಕಾಗಿ ಆಧಾರ ಕಡ್ಡಾಯಗೊಳಿಸಲು ಮುಂದಾಗಿದೆ.

ರೈಲ್ವೆ ಟಿಕೆಟ್‌ಗೆ ಆಧಾರ್‌ ಜೋಡಣೆ

ಈ ಕುರಿತು ಮಾಹಿತಿ ನೀಡಿದ ರೈಲ್ವೇ ಸಚಿವ ಸುರೇಶ್‌ ಪ್ರಭು, 2017-18ರ ರೈಲ್ವೆ ವಾಣಿಜ್ಯ ಯೋಜನೆಯಲ್ಲಿ ರೈಲ್ವೆ ಟಿಕೆಟ್‌ಗೆ ಆಧಾರ್‌ ಜೋಡಣೆ ಕುರಿತು ಹೇಳಿದರು. ಇದಕ್ಕಾಗಿ ಮೇ ತಿಂಗಳ ಒಳಗಾಗಿ ಮೊಬೈಲ್‌ ಆಪ್ ಕೂಡ ಬಿಡುಗಡೆ ಮಾಡುವುದಾಗಿ ತಿಳಿಸಿದ್ದಾರೆ.

ನಗದು ರಹಿತ ಟಿಕೆಟ್‌

ನಗದು ರಹಿತ ಟಿಕೆಟ್‌ ಪಡೆಯುವ ವ್ಯವಸ್ಥೆ ಉತ್ತೇಜಿಸುವ ಸಲುವಾಗಿ ದೇಶಾದ್ಯಂತ 1,000 ಸ್ವಯಂ ಚಾಲಿತ ಟಿಕೆಟ್‌ ವಿತರಣೆ ಯಂತ್ರ ಸ್ಥಾಪಿಸುವುದಾಗಿ ಮತ್ತು 6,000 ಪಾಯಿಂಟ್‌ ಆಫ್ ಸೇಲ್‌ ಮೆಷಿನ್‌ ಸ್ಥಾಪಿಸುವುದಾಗಿ ಹೇಳಿದ್ದಾರೆ.