SMS ಮೂಲಕ ಆಧಾರ್ – ಮೊಬೈಲ್‌ ಸಂಖ್ಯೆ ಲಿಂಕ್ ಮಾಡಿ..!

ಮೂರು ಹೊಸ ವಿಧಾನಗಳು:

ಮೊಬೈಲ್‌ ಸಂಖ್ಯೆಗೆ ಆಧಾರ್ ಸಂಖ್ಯೆ ಲಿಂಕ್ ಮಾಡಲು ಮೂರು ಹೊಸ ವಿಧಾನಗಳನ್ನು ಪರಿಚಯಿಸಲಾಗಿದೆ. OTP ಮೂಲಕ, ಆಪ್ ಮೂಲಕ ಮತ್ತು IVRS ಸೌಲಭ್ಯದ ಮೂಲಕ ಜೋಡಣೆ ಮಾಡಬಹುದು.

OTP ಮೂಲಕ:

ಒಂದು ಬಾರಿಯ ಪಾಸ್‌ವರ್ಡ್‌ ಆಯ್ಕೆಯ ಮೂಲಕ ಆಧಾರ್‌ ಸಂಖ್ಯೆಯನ್ನು ನೀಡಬಹುದು. ಇದರಿಂದಲೂ ನಿಮ್ಮ ಆಧಾರ್ ಮತ್ತು ಮೊಬೈಲ್ ಸಂಖ್ಯೆ ಲಿಂಕ್ ಆಗಲಿದೆ. ಶೀಘ್ರವೇ ಈ ಕುರಿತು ಟೆಲಿಕಾಂ ಕಂಪನಿಗಳು ಮಾಹಿತಿ ನೀಡಲಿದೆ.

ಆಪ್ ಮೂಲಕ:

ಇದಲ್ಲದೇ ಟೆಲಿಕಾಂ ಗಳ ಆಪ್ ಮೂಲಕ ಲಾಗ್‌ ಇನ್‌ ಆಗಿ ಮೊಬೈಲ್‌ ಸಂಖ್ಯೆಗೆ ಆಧಾರ್‌ ಜೋಡಣೆ ಮಾಡಬಹುದು. ಟೆಲಿಕಾಂ ಕಂಪೆನಿಗಳು ಶೀಘ್ರದಲ್ಲಿ ತಮ್ಮ ಆಪ್ ನಲ್ಲಿ ಈ ಹೊಸ ಅವಕಾಶವನ್ನು ನೀಡಲಿವೆ.

IVRS ಸೌಲಭ್ಯದ ಮೂಲಕ:

ಕಸ್ಟಮರ್ ಕೇರ್‌ಗೆ ಕರೆ ಮಾಡುವ ಮಾದರಿಯಲ್ಲಿ ಇಂಟರಾಕ್ಟಿವ್‌ ವಾಯ್ಸ್‌ ರೆಸ್ಪಾನ್ಸ್‌ ಸಿಸ್ಟಮ್‌ (IVRS) ಮೂಲಕವೂ ಆಧಾರ್ -ಮೊಬೈಲ್ ನಂಬರ್ ಲಿಂಕ್ ಮಾಡಲು ಅವಕಾಶ ಕಲ್ಪಿಸಲಾಗುವುದು.

ಟೆಲಿಕಾಂ ಔಟ್‌ಲೆಟ್‌ಗೆ ಹೋಗುವ ಅವಶ್ಯಕತೆ ಇಲ್ಲ:

ಆಧಾರ್ -ಮೊಬೈಲ್ ನಂಬರ್ ಲಿಂಕ್ ಮಾಡಲು ಟೆಲಿಕಾಂ ಔಟ್‌ಲೆಟ್‌ಗೆ ಹೋಗಿ ಸರದಿ ಸಾಲಿನಲ್ಲಿ ಗಂಟೆಗಟ್ಟಲೆ ಕಾಯುವ ಅಗತ್ಯವಿಲ್ಲ ಎನ್ನಲಾಗಿದೆ.

50 ಕೋಟಿ ಆಧಾರ್ -ಮೊಬೈಲ್ ನಂಬರ್ ಲಿಂಕ್:

ಈಗಾಗಲೇ ಸುಮಾರು 50 ಕೋಟಿಗಳಷ್ಟು ಮೊಬೈಲ್‌ ಸಂಖ್ಯೆಗಳನ್ನು ಆಧಾರ್‌ನೊಂದಿಗೆ ಲಿಂಕ್ ಮಾಡಲಾಗಿದೆ ಎನ್ನಲಾಗಿದೆ. ಶೀಘ್ರವೇ ಈ ಸಂಖ್ಯೆಯಲ್ಲಿ ಏರಿಕೆಯಾಗಲಿದೆ.